Nehemia 10 - ÎVUKU RÎA ÛVORO MWARO

¹ Andû arîa meekîrire mûvûri maarî Nehemia ûrîa warî mûnene. Nehemia aarî mûvîcî wa Hakalia. Arîa engî meekîrire mûvûri maarî: Zedekia,

² Seraia, Azaria, Jeremia,

³ Pashihuri, Amaria, Malikija,

⁴ Hatushi, Shebania, Maluki,

⁵ Harimu, Meremothi, Obadia,

⁶ Danieli, Ginethoni, Baruku,

⁷ Meshulamu, Abija, Mijamini,

⁸ Maazia, Biligai, Shemaia. Acio onthe maarî athînjîri-Ngai.

⁹ Nao Alawi maarî: Jeshua mûvîcî wa Azania, Binui wa mbarî ya Henadadi, na Kadimieli;

¹⁰ na aa mûrwang'ina, Shebania, Hodia, Kelita, Pelaia, Hanani,

¹¹ Mika, Rehobu, Hashabia,

¹² Zakuri, Sherebia, Shebania,

¹³ Hodia, Bani, na Beninu.

¹⁴ Nao atongoria a andû maarî: Paroshi, Pahathimoabu, Elamu, Zatu, Bani,

¹⁵ Buni, Azigadi, Bebai,

¹⁶ Adonija, Bigivai, Adini,

¹⁷ Ateri, Hezekia, Azuru,

¹⁸ Hodia, Hashumu, Bezai,

¹⁹ Harifu, Anathothi, Nebai,

²⁰ Magipiashi, Meshulamu, Heziri,

²¹ Meshezabeli, Zadoku, Jadua,

²² Pelatia, Hanani, Anaia,

²³ Hoshea, Hanania, Hashubu,

²⁴ Haloheshi, Piliha, Shobeki,

²⁵ Rehumu, Hashabina, Maaseia,

²⁶ Ahia, Hanani, Anani,

²⁷ Maluki, Harimu, na Baana.

Kîrîkanîro

²⁸ Andû acio engî a Isiraeli, athînjîri-Ngai, Alawi, arangîri a ivingo, aini, ndungata cia hekarû, na andû onthe arîa meyamûrîte kuuma kûrî ageni kûringana na ûrîa watho wa Ngai ugîte, marî vamwe na aka ao, na ciana ciao cia anake na cia erîtu irîa ciarî ndaûkîre na ciarî na ûmenyo wa maûndû nîcianyuire muma.

²⁹ Nîmaanyitanîre na andû ao a Isiraeli, na atongoria ao mumarî ûcio, ûrîa warî ûgwatie mûndû kîrumi angîuna. Nîmeranîre atî makathîkagîra Watho wa Ngai, ûrîa Ngai aavecanire na njîra ya Musa ndungata yake. Nîmaaugire atî makaathîkagîra na mekage ûrîa maathani monthe ma Ngai-Mûnene, mwathi wetû maugîte wa vamwe na mawatho make.

³⁰ Nîmaaugire atî matikaanenganîra erîtu ao mavikua nî anake a andû arîa matûûraga vûrûri ûcio, kana metîkîra anake ao mavikia erîtu a andû acio.

³¹ Ethîrwa ageni nîmakaarete indo kana irio cia mûgûndarî cia kwendia mûthenya wa thavatû kana mûthenya wîngî mûtheru tûtikaaigûra. Mwakarî wa mûgwanja tûkaarekanagîra mathiirî monthe na tûtikaarîmaga mîgûnda yetû.

³² Wana nîtwetîkîra kûruta wa mûndû gîcunjî kîmwe Kîam ithatû gîa sîlûva wa mwaka wa mwaka nîûndû wa ûtungata wa hekarû.

³³ Tûkaarutaga mîgate îrîa mîamûre, matega ma irio cia mûgûndarî ma wa mûthenya na matega ma kûvîvua, matega ma thavatû, kîrugo Kîam mweri wacicûka, na irugo irîa ciîngî, indo irîa ntheru, matega ma kûtheria mevia ma andû a Isiraeli, na ma wîra wonthe wa hekarû.

³⁴ Tue, athînjîri-Ngai, Alawi, na andû acio engî, tûgaikagia mîtî wa mwaka nîguo tûmenye mavinda marîa wa mbarî îkaaretaga ngû na matega ma kûvîvua metharî ya kîgongoona ya Ngai-Mûnene, Ngai wetû, wata ûrîa kwandîkîtwe Wathorî.

³⁵ Wa mwaka tûkaaviraga hekarûrî matega ma maciaro ma mbere ma mîgûnda yetû na matunda ma mbere marîa magaatunîvaga ma mîtî yetû.

³⁶ Tûkaaviraga wa mûndû îrikithathi rîake rîa mwanake kûrî athînjîri-Ngai hekarûrî nîguo makaamûrîrwe Ngai wata ûrîa Watho ugîte. Na tûkaamûraga marikithathi monthe ma tûcaû na ma tûori twa ng'ondu na mbûri cietû.

³⁷ Wana tûkaarutaga mûtu ûthîîtwe kuuma maketharî ma mbere ma irio cia mîgûnda yetû mwaka wa mwaka, na matega mengî, ndivei na maguta, na matunda ma mîtî ya mîthemba yonthe ivirîrwe mûthînjîri-Ngai tûnyombarî twa hekarû. Tûkaviragîra Alawi matega ma mîgûnda yetû, nîûndû nîo maûnganagia gîcunjî gîa îkûmi Kîam maketha ma mîgûnda yetû icagirî cietû.

³⁸ Athînjîri-Ngai arîa njiarwa cia Aroni makeethagîrwa marî vo rîrîa Alawi maraamûkîra gîcunjî gîa îkûmi. Nao Alawi magoocaga gîcunjî gîa îkûmi makavira makûmbîrî ma hekarû.

³⁹ Andû a Isiraeli na Alawi nîmakaavira indo irîa marutîte ta: ngano, ndivei na maguta ma ndamaiyû tûnyombarî tûrîa twigagwa thaani na mbakûri irîa itûmagîrwa hekarûrî varîa athînjîri-Ngai, arangîri a ivingo na aini nyîmbo methagîrwa marî na nyomba ciao. Tûtigaatiganîria nyomba ya Ngai wetû.