Ndari 4 - ÎVUKU RÎA ÛVORO MWARO

Mawîra ma mbarî ya Kohathu ya mûvîrîga wa Lawi

¹ Ngai-Mûnene nîwerire Musa atîrî,

² “Tara avîcî a Kohathu kuuma kûrî mûvîrîga wa Lawi wa mûndû kûringana na nyomba yake na mûciî wake.

³ Tara andû arîa marî na ûkûrû wa gatagatî ka mîaka mîrongo îthatû na mîaka mîrongo îtano, arîa agîrîru a gûtungata îgemarî rîa Ngai-Mûnene.

⁴ Ûtungata wa andû acio ûkethagîrwa ûrî wa indo irîa ntheru mûno îgemarî rîa Ngai-Mûnene.

⁵ “Ngai-Mûnene nîwerire Musa atîrî, mûkiumagara kuuma îgemarî, Aroni na avîcî ake magaatonyaga îgemarî na magooca gîtambaa kîrîa kîrî mbere ya îthandûkû rîa kîrîkanîro makînakunîkîra îthandûkû rîu na kîo.

⁶ Nîmakaarîkunîkîra na rûûo rwa mbûri rûrî rûtanduke na matandîke gîtambaa Kîam rangi wa vururu îgûrû rîa kîo, macoke macinîke mîtî ya kûrîkuua.

⁷ “Nîmagaatandîka itambaa cia rangi wa vururu îgûrû rîa metha ya mûgate ûrîa ûtegagîrwa Ngai-Mûnene. Nîmakaaigîrîra îgûrû rîa metha îo thaani, iciko, na mbakûri irîa ciîkagîrwa ûbani na irîa ivothagîrwa na mîtûngi ya matega ma indo cia kûnyuwa. Mûgate ûkethagîrwa îgûrû rîa metha vîndî cionthe.

⁸ Nîmagaacoka maigagîrîre gîtambaa gîtuune îgûrû rîa indo icio cionthe na maikunîkîre na rûûo rwa mbûri rûrî rûtanduke, macoke macinîke mîtî ya gûkua metha îo.

⁹ “Nîmagooca gîtambaa Kîam rangi wa vururu makunîkîre vandû va kwigîrîrwa taa, taa, tûnyamû twa kûnyitîrîra ndambi, itararû, na indo irîa ciîngî itûmagîrwa gwîkîra taa maguta.

¹⁰ Nîmagaacoka movanie vandû vau va kwigîrîrwa taa na indo ciavo cionthe na rûo rwa mbûri rûrî rûtanduke na maigîrîre indo icio cionthe îgûrû rîa rûvaû rwa gûikuua.

¹¹ “Nîmagacoka mare gîtambaa Kîam rangi wa vururu îgûrû rîa metha ya kîgongoona ya thaavu na mamîkunîkîre na rûûo rwa mbûri, na macinîke mîtî ya gûkuua metha îo.

¹² Nîmagooca indo cionthe irîa itûmagîrwa vandû varîa vatheru Mûno na mairigice na gîtambaa Kîam rangi wa vururu na maikunîkîre na rûûo rwa mbûri na macinîke mbaû cia gûikuua.

¹³ Vuva wa ûguo nîmakaaruta mûu metharî ya kîgongoona na maare gîtambaa Kîam rangi wa njambarawe îgûrû rîayo.

¹⁴ Nîmakaaiga indo cionthe cia metha ya kîgongoona vau metharî îo. Nacio indo icio nî: tûraî twa mwaki, mînyoge, iciko cia kûvura mûu na mbakûri, na maikunîkîre na rûûo rwa mbûri rûrî rûtanduke na macoke macokie mîtî îrîa îmîkuuaga.

¹⁵ Vîndî îrîa andû acio makethîrwa makiumagara, andû a mûvîrîga wa Kohathu nîmagaaûka makuue indo irîa ntheru cia kîgongoona, ciarîkia gûkunîkîrwa nî andû a mûvîrîga wa Aroni. Andû a mûvîrîga wa Kohathu matigakuua indo irîa ntheru nîguo matigakue. “Mawîra mau nîmo makaarutagwa nî andû a mûvîrîga wa Kohathu îgemarî rîa Ngai-Mûnene.

¹⁶ “Eliazaru mûvîcî wa mûthînjîri-Ngai Aroni nîke ûkaamenyagîrîra îgema rîa gûcemanîrua rîonthe, maguta ma taa, ûbani, matega ma irio cia mîgûnda, maguta ma kûrathimana na kîndû kîngî wa kîonthe Kîam îgema rîa gûcemanîrua kîrîa Kîammûrîrîtwe Ngai-Mûnene.”

¹⁷ Ngai-Mûnene nîwerire Musa na Aroni atîrî,

¹⁸ “Ndûgetîkîrie andû a mbarî ya Kohathu,

¹⁹ makinya vakuvî na indo irîa nyamûre, nîguo matigaakue. Nîguo ûndû ûcio ndûgekîke, Aroni na ciana ciake nîmakaagaîra wa mûndû wîra na eere mûndû kîrîa agûkuua.

²⁰ Nwatî andû a mûvîrîga wa Kohathu mangîgaatonya îgemarî rîa gûcemanîrua na mone mûthînjîri-Ngai akîvarîrîria indo irîa nyamûre nîmagaakua.”

Mawîra ma Alawi a mûvîrîga wa Gerishoni

²¹ Ngai-Mûnene nîwerire Musa atîrî,

²² “Tara Alawi a mbarî ya Gerishoni wa andû kûringana na nyomba yao na mûciî wao.

²³ Ûthuure arûme arîa marî na ûkûrû wa gatagatî ka mîaka mîrongo îthatû na mîaka mîrongo îtano, arîa mangîruta wîra îgemarî rîa Ngai-Mûnene.

²⁴ Andû a mbarî ya Gerishoni nîmagaatungata na makuue,

²⁵ mbathia ya mûromo wa îthandûkû rîa kîrîkanîro, îgema rîa Ngai-Mûnene vamwe na gîtambaa kîrîa kîrîkunîkagîra na rûûo rwa mbûri rûrîa rûkunîkaga îgûrû rîa kîo.

²⁶ Nîmagaakuua mbathia na mîkanda îrîa îcuragia indo icio na marute wîra wonthe ûrîa indo icio ciagîrîrwe nî kûrutîrwa.

²⁷ Aroni na avîcî ake nîo makaarûngamagîrîra andû a mbarî ya Gerishoni mawîrarî monthe, ûrî wa gûkuua mîrigo kana wîra wa mûthemba wa wonthe.

²⁸ Mama nîmo mawîra ma andû a mbarî ya Gerishoni kûu îgemarî rîa Ngai-Mûnene. Makaarutaga wîra ûcio marî rungu rwa watho wa Ithamaru mûvîcî wa mûthînjîri-Ngai Aroni.

Mawîra ma mbarî ya Merari

²⁹ “Ngai-Mûnene nîwerire Musa atare Alawi a mbarî ya Merari, kûringana na mîciî yao na nyomba ciao;

³⁰ ûgaatara wa mûndû wa ûkûrû wa kuuma mîaka mîrongo îthatû nginya mîaka mîrongo îtano, wa mûndû ûngîtungata îgemarî rîa Ngai-Mûnene.

³¹ We nîûtara arûme arîa marî na ûkûrû wa gatagatî ka mîaka mîrongo îthatû na mîaka mîrongo îtano. Aya nîo magatungataga îgemarî rîa Ngai-Mûnene. Wîra wao nî gûkuua mbaû cia mîgamba, itugî vamwe na itina ciacio.

³² Magaakuuaga itugî irîa cirigîte nja yakîo, vamwe na itina ciacio na nthugî irigicîrîtie nja ya îgema.

³³ Mawîra mau nîmo makaarutagwa nî andû a mûvîrîga wa Merari îgemarî rîa Ngai-Mûnene. Nao magaatongoragua nî Ithamaru mûvîcî wa mûthînjîri-Ngai Aroni.”

Alawi nîmaatarirwe

³⁴ Musa, Aroni na atongoria a andû a Isiraeli nîmaatarire andû a Kohathu, kûringana na mbarî ciao na nyomba ciao.

³⁵ Andû acio nî arîa maarî na ûkûrû wa kuuma mîaka mîrongo îthatû nginya mîaka mîrongo îtano, arîa mangîatungatire îgemarî rîa Ngai-Mûnene;

³⁶ na onthe maarî ngiri igîrî na magana mûgwanja ma mîrongo îtano (2,750).

³⁷ Acio nîo andû a onthe a mbarî ya Kohathu arîa maatungataga îgemarî rîa Ngai-Mûnene, na arîa Musa na Aroni maatarire wata ûrîa Musa aathirwe nî Ngai-Mûnene.

³⁸ Andû a Gerishoni, kûringana na mbarî ciao na mîciî yao

³⁹ arîa maarî na ûkûrû wa kuuma mîaka îthatû nginya mîrongo îtano

⁴⁰ maarî ngiri igîrî na magana matandatû ma mîrongo îna (2,640) wa mûndû kûringana na nyomba yake na mûciî wake.

⁴¹ Acio nîo andû a onthe a mbarî ya Gerishoni arîa maatungataga îgemarî rîa Ngai-Mûnene, na arîa Musa na Aroni maatarire wata ûrîa Musa aathirwe nî Ngai-Mûnene.

⁴² Andû a Merari, kûringana na mbarî ciao na mîciî yao

⁴³ arîa maarî na ûkûrû wa kuuma mîaka mîrongo îthatû nginya mîrongo îtano, na mangîatungatire îgemarî rîa Ngai-Mûnene,

⁴⁴ maarî ngiri ithatû na magana maîrî (3,200) wa mûndû kûringana na nyomba yake na mûciî wake.

⁴⁵ Acio nîo andû a onthe a mbarî ya Merari arîa maatungataga îgemarî rîa gûcemanîrua, na arîa Musa na Aroni maatarire wata ûrîa Musa aathirwe nî Ngai-Mûnene.

⁴⁶ Andû a Lawi, kûringana na mbarî ciao na mîciî yao, arîa Musa, Aroni na atongoria a andû a Isiraeli maatarire

⁴⁷ arîa maarî na ûkûrû wa kuuma mîaka mîrongo îthatû nginya mîrongo îtano, na mangîatungatire îgemarî rîa Ngai-Mûnene,

⁴⁸ maarî ngiri inyanya na magana matano ma mîrongo înana (8,580) wa mûndû kûringana na nyomba yake na mûciî wake.

⁴⁹ Acio nîo andû a onthe a mbarî ya Lawi arîa maatungataga îgemarî rîa gûcemanîrua, na arîa Musa na Aroni maatarire wata ûrîa Musa aathirwe nî Ngai-Mûnene.