Malaki 4 - ÎVUKU RÎA ÛVORO MWARO

Mûthenya wa gûka kwa Ngai-Mûnene

¹ Ngai-Mûnene mwene vinya wonthe arauga atîrî, “Taroria, mûthenya wa îtuîro nîûrakinya, ûgîakanaga ta mwaki mûnene mûno. Andû arîa aganu na etîi nîmakavîvua na mwaki ta nyaki mûthenya ûcio. Makavîvua mathire viû ta ûrîa mûtî ûvîcaga mvûa wana mîri.

² Nwatî nîûndû wenyu mue arîa mûngoocaga, ûvoti wakwa wa kûmûvonia nîûkaamwarîra ta riûa rîrî na vinya wa kûvonia mîrûri yarîo. Mûkauma mûkîrûgarûgaga ta njaû ciauma rwagarî rwa cio.

³ Mûthenya ûcio nîmûgaakinyangîra andû arîa aganu nthî matuîke ta rûkûngû rungu rwa magûrû menyu. Ûguo nîguo nie Ngai-Mûnene mwene vinya wonthe nîrauga.

⁴ Ririkanani watho, maathani na kîrîra naveere Musa ndungata yakwa kîrîmarî gîa Sinai.

⁵ “Taroria, mbere ya mûthenya ûcio mûnene na wa kûmakania ûkinye nîngaatûma mûrathi Elija.

⁶ Nake mûrathi Elija nîagaacokanîrîria aciari na ciana ciao; na ethîrwa tî guo, nîngaûka na njûkangie vûrûri wenyu.”