Kûguû 8 - ÎVUKU RÎA ÛVORO MWARO

Rûtumo rwa mûgwanja

¹ Vîndî îrîa Gatûrûme gaatumûrire rûtumo rwa mûgwanja, nîgwakirirwe kivi kûu îgûrû îvinda ta rîa nuthu îthaa.

² Nînaacokire ngîona araika mûgwanja arîa marûngamaga mbere ya Ngai. Nao nîmaanengerwe tûrumbeta mûgwanja.

³ Mûraika wîngî nîwaûkire na akîrûngama metharî ya kûrutîra kîgongoona, anyitîte kavakûri ka thaavu ga kûvîvîria ûbani. Nake nîwanengerwe ûbani mwîngî mûno nîguo aûrutanîrie vamwe na mavoya ma andû onthe a Ngai. Nake mûraika ûcio nîwaigîrîre maruta mau metharî ya kûrutîra kîgongoona ya thaavu îrîa yarî vau mbere ya gîtî Kîam ûthamaki.

⁴ Nayo ndogo îrîa yaumaga ûbanirî ûkîvîa, nîyaunûkagia vamwe na mavoya ma andû a Ngai kuuma njararî cia mûraika ûrîa warî vau mbere ya Ngai.

⁵ Mûraika ûcio nîwacokire agîoca kavakûri agîgecûria mwaki kuuma metharî ya kîgongoona, na agîgaikia nthî. Nakuo nîkwagîre na mîrurumo ya ngwa, mîgambo, mveni, na kîthingithia.

Tûrumbeta

⁶ Nao araika mûgwanja arîa maagwete tûrumbeta mûgwanja nîmeevarîrie gûtûvuva.

⁷ Nake mûraika wa mbere nîwavuvire karumbeta gake. Nayo mbura ya mbembe na mwaki, itukanîte na nthakame nîcietîkire nthî. Nakîo gîcunjî kîmwe Kîam icunjî ithatû cia nthî na nyaki yonthe ya ngirini, na gîcunjî kîmwe Kîam icunjî ithatû cia mîtî nîciavîre.

⁸ Nake mûraika wa kaîrî nîwavuvire karumbeta gake. Nakîo kîndû kîonekaga gîkariî ta kîrîma kînene Kîamvîcaga nî mwaki, nîgîaikirue îriarî. Nakîo gîcunjî kîmwe Kîam ithatû Kîam îria nîgîatuîkire nthakame.

⁹ Nakîo gîcunjî kîmwe Kîam ithatû gîa ciûmbe irîa irî mwoyo itûûraga îriarî nîciakwire. Na gîcunjî kîmwe Kîam ithatû Kîam meri nîciacûkangirue.

¹⁰ Nake mûraika wa kathatû nîwavuvîre karumbeta gake. Nayo njata nene, yakanaga ta kîmûrî nîyagwîre kuuma îgûrû. Nayo yagwîrîre gîcunjî kîmwe Kîam ithatû Kîam nyûnjî na ithima cia manjî.

¹¹ (Rîîtwa rîa njata îo nî “Ûrûrû”.) Gîcunjî kîmwe Kîam ithatû Kîam manjî nîmaatuîkire marûrû. Nao andû eengî nîmaakwire manyua manjî mau maatuîkîte marûrû.

¹² Nake mûraika wa kana nîwavuvire karumbeta gake. Nakîo gîcunjî kîmwe Kîam ithatû Kîam riûa, mweri na njata nîciaringirwe. Kwoguo gîcunjî kîmwe Kîam ithatû Kîam ûtheri wacio nîwarumire. Nakîo gîcunjî kîmwe Kîam ithatû Kîam mûthenya na Kîam ûtukû gûtiarî na ûtheri.

¹³ Nînacokire ngîroria na ngîgua nderi îrîa yagûrûkîte îgûrû rîerarî îkiugîrîria na mûgambo mûnene atîrî, “Uuui! Uuui! Uuui! Na kaî andû arîa matûûraga nthî nîmakeethîrwa na thîna rîrîa araika acio engî athatû makaavuva tûrumbeta-î!”