Kûguû 16 - ÎVUKU RÎA ÛVORO MWARO

Mbakûri cia marakara ma Ngai

¹ Ngîcoka ngîgua mûgambo mûnene kuuma hekarûrî ûkîra araika acio mûgwanja atîrî, “Thiîni nthî na mwîtûrûre mbakûri cia marakara ma Ngai!”

² Kwoguo mûraika wa mbere nîwathiîre na agîtûrûra kîrîa Kîamrî mbakûrirî yake kûu nthî. Nao andû arîa maarî na rûûri rwa nyamû na arîa magoocete mûviano wayo, nîmaagîre na ironda njûku na ciarî na ûrûrû mîîrîrî yao.

³ Nake mûraika wa kaîrî nîwetûrûrire kîrîa Kîamrî mbakûrirî yake îriarî. Manjî magîkara ta nthakame ya mûndû mûkuû. Nacio ciûmbe cionthe irîa ciarî mwoyo kûu îriarî nîciakwire.

⁴ Mûraika wa kathatû nake nîwetûrûrire kîrîa Kîamrî mbakûrirî yake nyûnjîrî na kûndû kûrîa kuumaga manjî, nacio igîtuîka nthakame.

⁵ Nie nînegwire mûraika ûrîa ûrûngamagîrîra manjî auga atîrî, “We nîwe Ngai Mûtheru. Nîwe Ngai ûrîa ûrî kuo na nîwe warî kuo ûtucanagîra na kîvooto!

⁶ Nîûndû andû acûku nîmetûrûrire nthakame ya andû a Ngai na ya arathi. Kwoguo nîwamava nthakame manyue, nîûndû ûguo nîguo magîrîrwe!”

⁷ Nînacokire ngîgua mûgambo kuuma metharî ya kîgongoona ûkiuga atîrî, “Nî ma, Mwathani Ngai mwene vinya wonthe! Njîra îrîa ûtucanagîra ciira nayo nî ya ma na nî ya kîvooto!”

⁸ Nake mûraika wa kana nîwetûrûrire kîrîa Kîamrî mbakûrirî yake riûarî. Narîo riûa nîrîaverwe rûtha rîvîvie andû na ûrugarî warîo.

⁹ Nao nîmaavîvirue nî ûrugarî wa riûa na makîruma Ngai ûrîa ûrî na wathani îgûrû rîa mavera mama. Nwatî nîmaaregire kwîrira na gûkumia ûnene wake.

¹⁰ Nake mûraika wa gatano nîwetûrûrire kîrîa Kîamrî mbakûrirî yake îgûrû rîa gîtî Kîam ûnene Kîam nyamû îo. Nakuo kûrîa kuonthe nyamû îo yathanaga nîkwagîre nduma, na andû makîîrûma nîmî ciao nîûndû wa ûrûrû.

¹¹ Nao nîmaarumire Ngai wa îgûrû nîûndû wa ûrûrû ûrîa warî irondarî. Nwatî nîmaaregire kwîrira nîûndû wa maûndû marîa macûku meekîte.

¹² Mûraika wa gatandatû nake nîwetûrûrire kîrîa Kîamrî mbakûrirî yake rûnjîrî rûrîa rûnene rwa Farati. Naruo rûnjî nîrwavwîre, nîguo rûthondeke njîra ya kûvîtûkîra athamaki a kuuma mwena wa îrathîro.

¹³ Nanie nînoonire ngoma ithatû ciekariî ta ciûra. Ngoma icio ciaumaga kanyuarî ka njûnamatu, kanyuarî ka nyamû na kanyuarî ka mûrathi wa maveeni.

¹⁴ Ngoma icio nî ndaimono irîa irî na vinya wa kûringa ciama. Nacio ngoma icio nîciathiîcaga kûrî athamaki onthe a nthî, ikamareta vamwe nîûndû wa mbaara ya mûthenya ûrîa mûnene wa Ngai mwene vinya wonthe.

¹⁵ “Tathikîrîriani! Nie nîmbûka ta mwîi! Kûrathimwa nî mûndû ûrîa wîkaraga atarî toro, na avarîrîtie nguo ciake, nîguo ndakathiîcage arî njaga na aconoke nî andû!”

¹⁶ Nacio ngoma nîciaretire athamaki vamwe vandû vetagwa na rûthiomi rwa Kîyahudi Arimagedoni.

¹⁷ Nake Mûraika wa mûgwanja nîwetûrûrire kîrîa Kîamrî mbakûrirî yake rîerarî. Naguo mûgambo mûnene nîwaumire gîtîrî Kîam ûnene kûu hekarûrî ûkiuga atîrî, “Maûndû nîmarîka!”

¹⁸ Nîkwagîre mveni, mîgambo, mîrurumo ya ngwa, na kîthingithia kînene. Gûtirî kwagîa Kîthingithia kîngî na gîcûku ta kîu kuuma rîrîa mûndû aaûmbirwe.

¹⁹ Narîo îtûûra rîrîa rînene nîrîagaûkanire icunjî ithatû. Namo matûûra marîa mengî manene nthî nîmanangîkire. Nake Ngai nîwaririkanire îtûûra rîrîa înene rîtagwa Babuloni, na agîtûma rînyue ndivei kuuma gîkomberî gîake Kîam marakara.

²⁰ Nacio icîgîrîra cionthe na irîma cionthe ikîûrîra igîtiga kwoneka.

²¹ Mbura ya mbembe nene ciarî na ûrito ta wa kilo mîrongo îtano nîyaurire kuuma îgûrû. Nayo yaurîra andû, nîmaarumire Ngai nîûndû wa mavera ma mbura. Mavera mau maarî mûcûku mûno.