Kîam 40 - ÎVUKU RÎA ÛVORO MWARO

Josefu nîwataûrire iroto cia mîgwate

¹ Vuvarî, mûndû ûrîa wamenyagîrîra ndivei ya mûthamaki wa Misiri na mûrugi wake wa mîgate nîmaavîtîrie mûthamaki wa Misiri.

² Mûthamaki wa Misiri nîwarakarire nîûndû wa ndungata icio ciake cioîrî.

³ Kwoguo nîwamaikirie njeera îrîa yarî nyomba kwa mûnene wa arangîri, kûrîa Josefu wanake aarî.

⁴ Mûnene wa arangîri nîwatuire Josefu ndungata yao na mûmamenyereri. Nao nîmeekarire njeera îvinda îraca.

⁵ Ûtukû ûmwe marî kûu njeera, mûmenyereri ndivei na mûrugi wa mîgate ya mûthamaki wa Misiri arîa moovetwe njeera, nîmaarotire wa mûndû kîroto gîake. Wa kîroto Kîamrî na ûrîa Kîamugaga.

⁶ Rîrîa Josefu aathiîre kûrî o kîraûko, nîwonire marî na ûndû wamathînagia.

⁷ Kwoguo nîwamaûririe atîrî, “Nî ndûî kîmûmakîtie ûguo?”

⁸ Nao nîmaamwîrire atîrî, “Tûrarotire na tûtirî na mûndû wa gûtûtaûrîra iroto icio cietû.” Josefu nîwamerire atîrî, “Ngai tîke ûvecanaga ûvoti wa gûtaûra iroto. Namûthaitha mûmbîre iroto cienyu.”

⁹ Kwoguo mûmenyereri wa ndivei ya mûthamaki nîwerire Josefu atîrî, “Kîrotorî gîakwa nîronire mûthavibu mbere yakwa.

¹⁰ Mûthavibu ûcio ûrarî na mvûa ithatû. Namo mathangû maumîra wa rîo, waruta marao na thavibu ciatunîva.

¹¹ Nie nîranyitîte gîkombe Kîam mûthamaki wa Misiri na njara. Kwoguo nîrocire thavibu na naivivîra gîkomberî Kîam mûthamaki na namûnengera.”

¹² Josefu nîwamwîrire atîrî, “Kîroto kîu kîrauga û: Mvûa icio ithatû nî mîthenya îthatû.

¹³ Mîthenya îthatû îkîthira, mûthamaki wa Misiri nîagûkûruta njeera, akwovere na agûcokie wîrarî waku. Nawe ûgacoka kûnengagîra mûthamaki gîkombe wata ûrîa watwîre wîkaga rîrîa warî mûmenyereri wa ndivei yake.

¹⁴ Rîrîa maûndû maku makaagîra, nakûthaitha ûkaandirikana ûmbîguîre ntha na ûkaangweta kûrî mûthamaki nîguo ndutwe gûkû njeera.

¹⁵ Nîûndû, ûvoro wa ma nî atî nie nîkwa naîirwe kuuma vûrûrirî wa Ahibirania na gûkû Misiri gûtirî ûndû mbîkîte wa gûtûma mvingîrwe njeera.”

¹⁶ Rîrîa mûtongoria wa arugi a mîgate eegwire ûrîa ûtaûri ûcio warî mwaro, nîwerire Josefu atîrî, “Wa nanie nînîrarotire. Kîrotorî kîu gîakwa nîronire nguuîte ikavu ithatû cia mîgate na kîongo.

¹⁷ Gîkavu kîrîa kîrarî îgûrû nîkîo kîrarî na mîgate ya mîthemba yonthe îrîa îrugagîrwa mûthamaki. Nacio iconi nîirarîcaga mîgate îo.”

¹⁸ Josefu nîwamwîrire atîrî, “Kîroto kîu gîaku kîrauga û: Ikavu icio ithatû nî mîthenya îthatû.

¹⁹ Mîthenya îthatû îkîthira, mûthamaki nîagaakûruta njeera na akûrengithie kîongo! Agaacoka agûcurie mûtîrî, nacio iconi nîikaarîa nyama cia mwîrî waku.”

²⁰ Mûthenya wa kathatû kuuma vîndî îo, warî wa gûkûngûîra gûciarwa kwa mûthamaki wa Misiri. Kwoguo nîwarûthîre ndungata ciake cionthe kîrugo. Nîwarutire mûnene wa amenyereri ndivei vamwe na mûnene wa arugi mîgate njeera, na akîmavira mbere ya ndungata ciake.

²¹ Nîwacokirie mûnene wa amenyereri ndivei wîrarî ûrîa warî wake wa kûmûvirîra ndivei,

²² na agîcuria mûnene wa arugi mîgate, wata ûrîa Josefu aamataûrîrîte iroto ciao.

²³ Mûnene wa amenyereri ndivei ya mûthamaki ndaacoka kûririkana Josefu rîngî.