Kîam 23 - ÎVUKU RÎA ÛVORO MWARO

Sara nîwakwire na Iburahimu akîgûra vandû va kûmûthika

¹ Sara nîwatûûrire mîaka îgana rîa mîrongo îrî na mûgwanja.

² Nîwacokire agîkuîra Heburoni vûrûrirî wa Kanaani, na Iburahimu nîwacakaire nîûndû wa gîkuû gîake.

³ Iburahimu nîwaumire kûu kimba Kîam mûka Sara Kîamrî, akîthiî kûrî Ahiti na akîmeera atîrî,

⁴ “Nie nîrî mûgeni na ndûûraga gûkû kwenyu. Kwoguo menderieni kîthaka nîguo mone vandû nîngîthika Sara mûka wakwa.”

⁵ Nao Ahiti nîmaamûcokerie atîrî,

⁶ “Mûthuuri ûyû, ta tûthikîrîrie; tue tûonaga ûrî mûtongoria mûnene. Thika mûkaguo mbîrîrarî yetû îrîa mbaro mûno. Gûtirî mûndû wanarî ûmwe gatagatîrî getû ûtangîkûva mbîrîra ya kûthika mûkaguo.”

⁷ Nake Iburahimu nîwenamîrîre mbere yao

⁸ na akiuga atîrî, “Ethîrwa nîmûrenda nthike mûka wakwa ava, namûthaitha mûrie Efironi mûvîcî wa Zohari,

⁹ aamenderie mbîrîra ya Makipela, îrîa îrî vakuvî na rûtere rwa mûgûnda wake. Mwîreni aamenderie guo wa ûrîa ûngîthîrwa ûkiuma, na nîngûûgûra mue mûrî vo nîguo ngîe na vandû va kûthikanaga.”

¹⁰ Efironi ke mwene meekarîte na Ahiti arîa engî varîa vacemanagîrua kîvingorî Kîam îtûûra rîrîa rînene. Nake nîwacokerie Iburahimu andû acio engî makîgucaga atîrî,

¹¹ “Mûthuuri ûyû, tanthikîrîria; Nie nîngûkûva mûgûnda wakwa wonthe wana mbîrîra îrîa îrî kuo. Nîngûva yo mbere ya andû akwa, nîguo ûthike mûkaguo vo.”

¹² Nake Iburahimu nîwenamîrîrie ûthiû wake mbere ya Ahiti

¹³ na akîra Efironi andû ake makîgucaga atîrî, “Nakûthaitha ûnthikîrîrie Mûthuuri ûyû; Nie nîngûgûra mûgûnda ûcio wonthe. Rîu amûkîra îrîvi rîakwa nîguo nthiî ngathike mûka wakwa kuo.”

¹⁴ Efironi nîwerire Iburahimu atîrî,

¹⁵ “Mwathi wakwa, mûgûnda wa sîlûva magana mana nî kîndû kînini mûno gatagatîrî getû nawe? Thika mûkaguo mûgûndarî ûcio.”

¹⁶ Iburahimu nîwetîkîrire na akîthimîra Efironi mbeca irîa ke aagwetete andû onthe marî vo. Nacio ciarî sîlûva magana mana ithimîtwe na kîthimi kîrîa kîegucanîrîtwe nî andû arîa magûraga makîendagia indo.

¹⁷ Ûguo nîguo mûgûnda ûcio wa Efironi ûrîa warî Makipela, mwena wa îrathîro wa Mamure watuîkire wa Iburahimu. Mûgûnda ûcio warî na ngurunga na warî na mîtî wonthe.

¹⁸ Ahiti onthe arîa maarî kûu mûcemaniorî ûcio nîmaamenyire atî mûgûnda na indo cionthe irîa ciarî kuo nî cia Iburahimu.

¹⁹ Iburahimu nîwacokire akîthika mûka Sara ngurungarî îo yarî mûgûndarî wa Makipela (Heburoni) mwena wa îrathîro wa Mamure vûrûrirî wa Kanaani.

²⁰ Kwoguo mûgûnda ûcio wa Ahiti vamwe na ngurunga îrîa yarî kuo, nîwatuîkire wa Iburahimu wa kûthikanaga.