Josh 15 - ÎVUKU RÎA ÛVORO MWARO

Vûrûri ûrîa wagaîrwe Juda

¹ Vûrûri ûrîa wagaîrwe mûvîrîga wa Juda, mwena wa îveti wakinyîte werûrî wa Zini mûvakarî wa vûrûri wa Edomu. Vûrûri ûcio wagaanirwe kûringana na mbarî ciao.

² Mwena wa îveti, mûvaka wao waumîte mûthiiarî wa mwena wa îveti wa îria rîa cumbî.

³ Nîwathiîrîrîte mwanyarî wa Akirabimu na ûgakinya werûrî wa Zini. Kuuma vau wathiîrîrîte mwena wa îveti wa Kadeshi-barinea ûvîtûkîrîte Hezironi ûgakinya Adari. Nîwacokete ûkegata werekerete Karika,

⁴ na ûkathiî nginya îtûûrarî rîa Azimoni. Kuuma îtûûrarî rîa Azimoni wathiîcanîtie na karûnjî kaarî mûvakarî wa Misiri na ûkarîkîra îriarî rîa Mediterania. Ûcio nîguo warî mûvaka wa vûrûri wa Juda wa mwena wa îveti.

⁵ Mûvaka wa mwena wa îrathîro warî îria rîa Cumbî na ûkîthiî nginya varîa rûnjî rwa Jorodani rûtonyeretie manjî maruo îriarî rîu. Naguo mûvaka wa mwena wa rûgûrû waumîte varîa rûnjî rwa Jorodani rûtonyeretie manjî îriarî rîa Cumbî,

⁶ ûkaunûkia nginya Bethi Hogila. Nîwacokete ûkathiîra mwena wa rûgûrû wa irîma irîa iroranîtie na Kîamnda Kîam Jorodani. Nîwacokete ûkathiî nginya îthigarî rîa Bohani. (Bohani aarî mûvîcî wa Reubeni.)

⁷ Mûvaka wa ûcio wa mwena wa rûgûrû nîwavîtûkîrîte Kîamndarî Kîam Akori na ûgakinya Debiri. Nîwacokete ûkegata ûkathiî nginya Giligali. Giligali iroranîtie na mwanya wa Adumimu ûrîa ûrî mwena wa îveti wa Kîamnda. Nîwacokete ûkathiî nginya ithimarî cia Enishemeshi na ûkîrîkîra Enirogeli.

⁸ Nîwacokete ûkathiîrîra Kîamndarî Kîam Hinomu na mwena wa îveti wa kîrîma kîrîa gîatumîtwe îtûûra înene rîa Ajebusi rîrîa rîtagwa Jerusalemu. Mûvaka nîwacokete ûkathiîra kîrîmarî kîu îgûrû na mwena wa îthûîro wa Kîamnda Kîam Hinomu kinya mûthiia wa Kîamnda Kîam Refaimu.

⁹ Kuuma vau mûvaka wa Juda nîwathiîrîrîte ithimarî cia Nefutoa, na ûkathiîra matûûrarî marîa marî vakuvî na kîrîma Kîam Efironi. Wakinya vau nîwacokete ûkegata ûkathiî werekere Baala îrîa îtagwa (Kiriathi-jearimu.)

¹⁰ Nîwacokete ûkîthiûrûrûka Baali na mwena wa îthûîro ûkîthiî werekerete vûrûri ûrîa ûrî irîma wa Edomu na ûkîvîtûkîra mwena wa rûgûrû wa kîrîma Kîam Jearimu (kana Kesaloni) na ûkînyûrûrûkîra Bethishemeshi na Timina.

¹¹ Nîwacokire ûkîvîtûka Timina na ûkathiî nginya îriarî rîa Mediterania. Mbere ya ûkinya îriarî rîa Mediterania nîwavîtûkîrîrîte kîrîmarî îgûrû kîrîa kîrî mwena wa rûgûrû wa Ekironi, nîwegatire ûthiîrîrîte Shikeroni, kîrîmarî Kîam Baali na ûkîthiî ûgîkinya Jamunia na ûkîthirîra îriarî rîa Mediterania.

¹² Îria rîa Mediterania nîrîo rîarî mûvaka wa vûrûri wa Juda na mwena wa îthûîro. Îo nîyo mîvaka ya vûrûri ûrîa wagaîrwe mbarî cia Juda.

Kalebu nîwavootire Heburoni na Debiri

¹³ Ngai-Mûnene nîwathîte Joshua na akîmwîra akaagaîra Kalebu mûvîcî wa Jefune gîcunjî Kîam vûrûri wa Juda. Kwoguo Joshua nîwagaîrwe Kalebu Heburoni îtûûra rîa Ariba Îthe wa Anaki. Jefune îthe wa Kalebu aarî wa mûvîrîga wa Juda.

¹⁴ Kalebu nîwengatire njiarwa cia Anaki kuuma îtûûrarî rîa Heburoni. Njiarwa icio ciarî cia mbarî ya Sheshai, Ahimani na Talimai.

¹⁵ Kalebu nîwacokire akîthiî kûtharîkîra andû a îtûûra rîa Debiri. (Debiri mbererî rîetagwa Kiriathi-seferi.)

¹⁶ Kalebu nîwacokire akiuga atîrî, “Mûndû ûrîa ûkaavota kûnyita îtûûra rîa Kiriathi-seferi nîngaamûva Akisa atuîke mûka.” Akisa aarî mwarî wa Kalebu.

¹⁷ Othinieli mûvîcî wa Kenazi mûrwang'ina na Kalebu nîwanyitire îtûûra rîa Kiriathi-seferi. Kwoguo Kalebu Nîwamûvere Akisa atuîke mûka.

¹⁸ Mûthenya wa ûviki wao Othinieli nîwerire Akisa avoe îthe mûgûnda. Nîwaumire îgûrû rîa mvunda yake na îthe Kalebu nîwamûririe kîrîa akwenda.

¹⁹ Akisa nîwacokerie îthe atîrî, “Mûgûnda ûrîa wangaîre ûrî vûrûrirî mûnyaru, kwoguo nîngwenda ûmve ithima cia manjî.” Kalebu Nîwamûvere ithima irîa ciarî na mwena wa îgûrû na irîa ciarî mwena wa ngurumo.

Matûûra ma Juda

²⁰ Mama nîmo matûûra marîa maarî vûrûrirî ûrîa wagaîrwe mbarî cia mûvîrîga wa Juda ûrî îgai rîao.

²¹ Mwena wa îveti vakuvî na mûvaka wa Edomu mûvîrîga wa Juda nîwaverwe matûûra. Matûûra mau maarî, Kebizeeli, Ederi, Jaguri,

²² Kina, Dimona, Adada,

²³ Kedeshi, Hazoru, Ithinani,

²⁴ Zifu, Telemu, Bealothi,

²⁵ Hazoru, Hadata, Keriothi Hezironi (kana Hazoru)

²⁶ Amamu, Shema, Molada,

²⁷ Hazari Gada, Heshimoni, Bethipeleti.

²⁸ Hazari Shuali, Beeri Sheba, Biziothia,

²⁹ Baala, Limu, Ezemu,

³⁰ Elitoladi, Chesili, Horima,

³¹ Zikilagi, Madimana, Sanisana.

³² Lebaothu, Shilihimu, Aini, na Rimoni. Mau monthe maarî matûûra manene mîrongo îrî na kenda wa vamwe na icagi irîa ciarî vakuvî na matûûra mau.

³³ Matûûra marîa maarî vûrûrirî ûrîa ûrî nthî ya irîma nî, Eshitaoli, Zora, Ashina,

³⁴ Zanoa, Enganimu, Tapua, Enamu,

³⁵ Jarimuthi, Adulamu, Soko, Azeka,

³⁶ Sha-araimu, Adithaimu, Gedera, na Gederothaimu. Mau monthe maarî matûûra marîa manene îkûmi na mana vamwe na icagi irîa ciarî vakuvî na matûûra mau.

³⁷ Kwarî na matûûra mengî ma andû a Juda namo nî: Zenani, Hadasha, Migidaligadi,

³⁸ Dileani, Mizipa, Jokitheeli,

³⁹ Lakishi, Bozikathi, Egiloni,

⁴⁰ Kaboni, Lahimimu, Kitilishi,

⁴¹ Gederothi, Bethidagoni, Naama, na makeda. Mau monthe maarî matûûra marîa manene îkûmi na matandatû vamwe na icagi irîa ciarî vakuvî na matûûra mau.

⁴² Kwarî na matûûra mengî namo nî: Libuna, Etheri, Ashani,

⁴³ Ifita, Ashina, Nezibu,

⁴⁴ Keila, Akizibu, na Maresha. Mau monthe maarî matûûra manene kenda wa vamwe na icagi irîa ciarî vakuvî na matûûra mau.

⁴⁵ Îtûûra înene rîa Ekironi na matûûra manini na icagi irîa ciarî vakuvî na îtûûra rîu,

⁴⁶ na matûûra monthe manene na icagi irîa ciarî vakuvî na îtûûra rîa Ashidodi, kuuma Ekironi nginya îriarî rîa Mediterania.

⁴⁷ Kwarî na matûûra manene ma Ashidodi na Gaza na matûûra manini na icagi ciamo, ikinyîte karûnjîrî karîa karî mûvakarî wa Misiri na rûtere rwa îria rîa Mediterania.

⁴⁸ Naguo vûrûri ûrîa ûrî irîma kwarî matûûra ma Shamiru, Jatiru, Soko,

⁴⁹ Dana, Kiriathi-seferi, (kana Debiri),

⁵⁰ Anabu, Eshitemo, Animu,

⁵¹ Gosheni, Holoni, na Gilo. Mau onthe maarî matûûra manene îkûmi na rîmwe vamwe na icagi irîa ciarî vakuvî namo.

⁵² Kwarî na matûûra ma Arabu, Duma, Eshani,

⁵³ Janimu, Bethi Tapua, Afeka,

⁵⁴ Humuta, Heburoni, na Ziori. Mau namo maarî matûûra manene kenda vamwe na icagi irîa ciarî vakuvî namo.

⁵⁵ Kwarî na matûûra mengî ma Maoni, Karimeli, Zifu, Juta,

⁵⁶ Jezireeli, Jokideamu, Zanoa,

⁵⁷ Kaini, Gibea, na Timuna. Mau monthe maarî matûûra manene îkûmi vamwe na icagi irîa ciarî vakuvî namo.

⁵⁸ Matûûra mengî marîa manene matandatû wa vamwe na icagi irîa ciarî vakuvî namo marîa andû a Juda maaverwe maarî: Halihuli, Bethizuri, Gedori,

⁵⁹ Maarathi, Bethanothi, na Elitekoni.

⁶⁰ Nîmaaveerwe matûûra marîa manene mengî maîrî vamwe na icagi irîa ciarî vakuvî namo. Namo nî: Kiriathi Baali (kana na rîîtwa rîngî Kiriathi-jearimu) na Raba.

⁶¹ Nakuo werûrî kwarî na matûûra marîa manene matandatû vamwe na icagi irîa ciarî vakuvî namo. Namo nî: Bethi-araba, Midini, Sekaka,

⁶² Nibushani, Îtûûra rîa Cumbî na Îtûûra rîa Engedi.

⁶³ Nwatî andû a Juda matiavota kwîngata andû a Jebusi kuuma Jerusalemu kûrîa maatûûraga. Kwoguo andû a Jebusi matûûraga vamwe na andû a Juda kûu Jerusalemu nginya ûmûnthî.