Josh 13 - ÎVUKU RÎA ÛVORO MWARO

Joshua nîwerirwe anyite mavûrûri mengî

¹ Mîaka mîngî nîyathirîte na vîndî îo Joshua aarî mûkûrû mûno. Ngai-Mûnene nîwamwîrire atîrî, “We ûrî mûkûrû mûno, nwatî kûrî na vûrûri wîngî ûtigarîte ûtaûnyitîte.

² Vûrûri wonthe wa Afilisiti na wa Geshuri,

³ wa vamwe na vûrûri wonthe wa Avimu mwena wa îveti. (Vûrûri ûrîa wambîrîrîtie rûnjîrî rwa Shihori, mûvakarî wa Misiri nginya mwena wa rûgûrû mûvakarî wa Ekironi warî wa Kanaani. Athamaki a Afilisiti maatûûraga Gaza, Ashidodi, Ashikeloni, Gathu, na Ekironi) na vûrûri wa Avimu,

⁴ vûrûri wonthe wa Kanaani na Meara (kûrîa kwarî kwa andû a Sidoni) nginya Afeku mûvakarî wa Amori.

⁵ Wana vûrûri wa Gebali, Lebanoni yonthe îrîa îrî mwena wa îrathîro kuuma Baali-gadi nthî ya kîrîma Kîam Herimoni kûthiî nginya mwanyarî wa Hamathi.

⁶ Vûrûri ûcio ûnyitanîte na gîcunjî gîa andû a Sidoni arîa matûûraga vûrûri ûrîa ûrî irîma gatagatî ga irîma cia Lebanoni na Misirefothu Maimu. Andû acio onthe nie Ngai-Mûnene nîngaamarutûrûra maume kuo rîrîa andû a Isiraeli makaathiî gûtonya mavûrûrirî mau. Mauma kuo nwanginya ûkaagaîra andû a Isiraeli vûrûri ûcio wata ûrîa nakwatha wîke.

⁷ Mîvîrîga îrîa îngî kenda na nuthu ya mûvîrîga wa Manase mîgaîre vûrûri ûyû nîguo ûtuîke wao.”

Vûrûri wa mwena wa îrathîro rîa Jorodani nîwagaanirue

⁸ Musa ndungata ya Ngai-Mûnene nîwagaîrîte mûvîrîga wa Reubeni na wa Gadi na nuthu îmwe ya mûvîrîga wa Manase vûrûri ûtuîke wao. Vûrûri ûcio warî mwena wa îrathîro rîa rûnjî rwa Jorodani.

⁹ Naguo waumîte îtûûrarî rîa Aroeri rûtere rwa Kîamnda Kîam Arinoni, vamwe na îtûûra rîrîa rîarî gatagatî ga Kîamnda kîu, na vûrûri ûrîa wonthe mwaraganu kuuma îtûûrarî rîa Medeba nginya Diboni.

¹⁰ Vûrûri ûcio wathiîte kinya mûvakarî wa Aamoni ûnyitanîte na matûûra marîa monthe maathagwa nî Sihoni mûthamaki wa Amori ûrîa wathanaga arî îtûûrarî rîa Heshiboni.

¹¹ Nîwanyitîte Gileadi, vûrûri wa Geshuri na Maaka, kîrîma Kîam Herimoni kîonthe na Bashani kuonthe nginya Saleka.

¹² Vûrûri wonthe wa mûthamaki Ogu ûrîa warî wa mûthiia wa Arefaimu ûrîa wathanaga arî Ashitarothu na Ederei. Musa nîwavootete andû acio onthe na akamengata kuuma kuo.

¹³ Kûnarî ûguo, andû a Isiraeli matiengata andû a Geshuri na andû a Maaka mavûrûrirî mao. Andû acio matûûraga vûrûrirî wa Isiraeli nginya ûmûnthî.

¹⁴ Musa ndaagaîra mûvîrîga wa Lawi kûndû gûtuîka kwao, nîûndû Ngai-Mûnene nîwerîte Musa atî Alawi makaamûkagîra îgai rîao kuuma magongoonarî ma kûvîvua marîa makaarutagîrwa Ngai-Mûnene, Ngai wa Isiraeli ma metharî ya kîgongoona.

Vûrûri ûrîa waveerwe mûvîrîga wa Reubeni

¹⁵ Musa nîwagaîre mbarî cia mûvîrîga wa Reubeni vûrûri ûtuîke wao.

¹⁶ Naguo vûrûri ûcio warî kuuma Aroeri rûtere rwa Kîamnda Kîam Arinoni na îtûûra rîrîa rîrî gatagatî ga Kîamnda kîu wa vamwe na Medeba kûndû kwarî kwaraganu.

¹⁷ Nîwanyitanîte na îtûûra rîa Heshiboni vamwe na matûûra monthe marîa maarî kûndû kwaraganu ma: Diboni, Bamothi Baali, Bethi Baali-meoni,

¹⁸ Jahazi, Kedemothi, Mefathi,

¹⁹ Kiriathaimu, Sibima, Zerethi Shaharu îtûûra rîrîa rîrî kîrîmarî kîrîa kîrî Kîamndarî,

²⁰ Bethi-peori, ciîkûrûko cia kîrîma Kîam Pisiga na Bethi Jeshimothi.

²¹ Vûrûri ûcio wagaîrwe mûvîrîga wa Reubeni nîwanyitîte matûûra monthe ma vûrûri ûrîa mwaraganu na nîwanyitîte vûrûri wonthe wa mûthamaki Sihoni wa Amori, ûrîa wathanaga arî îtûûra rîa Heshiboni. Musa nîwavootete mûthamaki Sihoni na akîvoota athamaki engî atano a Midiani. Athamaki acio maarî: Evi, Rekemu, Zuri, Huri na Reba. Nao maathanaga marî rungu rwa mûthamaki Sihoni.

²² Ûmwe wa andû arîa andû a Isiraeli maaûragire aarî Balaamu mûvîcî wa Beori. Balaamu aarî mûringi wa mbûgû.

²³ Rûnjî rwa Jorodani nîruo rwarî mûvaka mwena wa îthûîro wa vûrûri ûrîa waveerwe mûvîrîga wa Reubeni. Matûûra mau monthe nîmaaveerwe andû a mûvîrîga wa Reubeni kûringana na mbarî ciao.

Vûrûri ûrîa wagaîrwe mûvîrîga wa Gadi

²⁴ Musa nîwavere andû a mûvîrîga wa Gadi wa nao vûrûri ûtuîke wao. Aamaveere kûringana na mbarî ciao.

²⁵ Vûrûri wao wanyitîte îtûûra rîa Jazeri na matûûra monthe ma vûrûri wa Gileadi, nuthu ya vûrûri wa Aamoni kinya îtûûrarî rîa Aroeri rîrîa rîrî mwena wa îrathîro wa Raba.

²⁶ Vûrûri wao wathiîte kuuma Heshiboni nginya Ramathi-mizipe na Betonimu, kuuma Mahanaimu ûkathiî nginya mûvakarî wa Debiri.

²⁷ Nakuo Kîamndarî Kîam Jorodani vûrûri ûcio nîwanyitîte îtûûra rîa Beth-haramu, Bethi-nimura, Sukothu na Zafoni. Nîwacokete ûkanyita vûrûri ûrîa warî wa mûthamaki Sihoni wa Heshiboni. Mûvaka wa vûrûri wao mwena wa îthûîro wanyûrûrûkîte na rûnjî rwa Jorodani ûgakinya îriarî rîa Galili.

²⁸ Mbarî cionthe cia mûvîrîga wa Gadi nîciaverwe icagi na matûûra mau matuîke mao.

Vûrûri ûrîa wagaîrwe mûvîrîga wa Manase a mwena wa îrathîro

²⁹ Mûvîrîga wa Manase nîwagaanirue maita maîrî. Musa nîwagaîrîte nuthu îmwe gîcunjî Kîam vûrûri gîtuîke Kîamo kûringana na mbarî ciao.

³⁰ Vûrûri ûrîa maagaîrwe waumîte Mahanaimu na nîwanyitîte Bashani kuonthe kûrîa kwathagwa nî mûthamaki Ogu. Icagi cionthe mîrongo îtandatû cia Jairi wa nacio nîciocetwe nîûndû ciarî Bashani.

³¹ Wana nîwanyitîte nuthu ya vûrûri wa Gileadi na îtûûra rîa Ashitarothu na rîa Edirei. Ashitarothu na Edirei nîmo maarî matûûra marîa manene ma mûthamaki Ogu wa Bashani. Kûu nîkuo kwagaîrwe nuthu ya mbarî ya Makiru mûvîcî wa Manase.

³² Ûguo nîguo Musa aagaire vûrûri ûrîa warî mwena wa îrathîro wa Jeriko na Jorodani arî Moabu kûndû kûrîa kwarî kwaraganu.

³³ Nwatî mûvîrîga wa Lawi ndwagaîrwa kûndû gûtuîka kwao. Musa nîwamerire atî îgai rîao rîkethagîrwa rîrî gîcunjî Kîam indo irîa itegagîrwa Ngai-Mûnene, Ngai wa Isiraeli.