Josh 12 - ÎVUKU RÎA ÛVORO MWARO

Mûtaratara wa athamaki arîa Musa aavootire

¹ Andû a Isiraeli nîmaavootire athamaki a vûrûri ûrîa ûrî mwena wa îrathîro wa rûnjî rwa Jorodani na nîmeenyitîre vûrûri ûcio. Vûrûri ûcio waumîte Kîandarî Kîam Arinoni nginya kîrîmarî Kîam Herimoni mwena wa rûgûrû na vûrûri wonthe wa Araba mwena wa îrathîro. Athamaki acio maarî aîrî.

² Ûmwe wa athaki acio aarî Sihoni mûthamaki wa Amori na atûûraga îtûûrarî rîa Heshiboni na aathanaga arî îtûûrarî înene rîa Aroeri. Vûrûri ûrîa aathanaga wagwatîte nuthu îmwe ya vûrûri wa Gileadi kuuma Aroeri rûtere rwa Kîamnda Kîam Arinoni na îtûûra rîrîa rîrî gatagatî ga Kîamnda kîu, nginya rûnjîrî rwa Jaboku mwena wa rûgûrû mûvakarî wa Aamoni.

³ Mwena wa îthûîro mûvaka wa vûrûri ûrîa aathanaga waumîte Kîamndarî Kîam rûnjî rwa Jorodani îriarî rîa Galili mwena wa îveti nginya Bethi Jeshimothi mwena wa îrathîro wa îria rîa Cumbî na ûkîthiî nginya nthî ya kîrîma Kîam Pisiga.

⁴ Andû a Isiraeli nîmaacokire makîvoota Ogu, mûthamaki wa Bashani na nîke warî ûmwe wa athamaki a mûthiia a Refaimu. Mûthamaki Ogu aathanaga arî matûûrarî ma Ashitarothu na Ederei.

⁵ Ûthamaki wake wakinyîte Kîrîmarî Kîam Herimoni, Saleka na Bashani kuonthe kinya mîvakarî ya Geshuri na Maaka, nuthu ya vûrûri wa Gileadi kinya mûvakarî wa mûthamaki Sihoni wa Heshiboni.

⁶ Musa ndungata ya Ngai-Mûnene na andû a Isiraeli nîmaavootire athamaki acio aîrî. Nîwacokire akîgaa vûrûri ûcio akîûnengera andû a mûvîrîga wa Reubeni, Gadi na nuthu ya mûvîrîga wa Manase ûtuîke wao.

Athamaki arîa Joshua aavootire

⁷ Joshua na andû a Isiraeli nîmaavootire athamaki onthe arîa maarî vûrûrirî ûrîa ûrî mwena wa îthûîro wa Jorodani. Vûrûri ûcio wambîrîrîtie Baali-gadi Kîamndarî Kîam Lebanoni mwena wa rûgûrû wa kîrîma Kîam Halaku mwena wa îveti vakuvî na vûrûri wa Edomu. Joshua nîwagaanirie vûrûri ûcio kûrî mîvîrîga ya andû a Isiraeli na nîwamavere guo ûtuîke wao.

⁸ Vûrûri ûcio wanyitanîte na vûrûri ûrîa ûrî irîma, na nthî ya irîma cia mwena wa îthûîro, Kîamnda Kîam Jorodani na kûrîa kûnyûrûrûku, werû wa mwena wa îveti, vûrûri ûrîa watûûragwa nî Akanaani, Ahiti, Amori, Aperizi, Ahivi na Ajebusi.

⁹ Joshua na andû a Isiraeli nîmaavootire athamaki a matûûra mama: Jeriko, Ai vakuvî na Betheli,

¹⁰ Jerusalemu, Heburoni,

¹¹ Jarimuthi, Lakishi,

¹² Egiloni, Gezeri,

¹³ Debiri, Gederi,

¹⁴ Horima, Aradi,

¹⁵ Libuna, Adulamu,

¹⁶ Makeda, Betheli,

¹⁷ Tapua, Heferi,

¹⁸ Afeku, Lasharoni,

¹⁹ Madoni, Hazoru,

²⁰ Shimironi, Meroni, Akishafu,

²¹ Taanaki, Megido,

²² Îtûûra rîa Kedeshi, Jokineamu rîrîa rîrî Karimeli,

²³ Dori (rûtere rwa îria), Goimu (rîrîa rîrî Galili)

²⁴ na îtûûra rîa Tiriza. Athamaki acio onthe nî mîrongo îthatû na ûmwe.