Josh 11 - ÎVUKU RÎA ÛVORO MWARO

Joshua nîwavootire mûthamaki Jabini na arata ake

¹ Jabini mûthamaki wa Hazoru nîwegwire ûrîa andû a Isiraeli maavootanîte. Nîwacokire agîtûmana kûrî mûthamaki Jobabu wa Madoni, kûrî mûthamaki wa Shimuroni na mûthamaki wa Akishafu,

² na kûrî athamaki arîa maarî vûrûrirî ûrîa ûrî irîma mwena wa rûgûrû. Nîwatûmanire wana kûrî mûthamaki wa cianda cia Jorodani mwena wa îveti wa îria rîa Galili na kûrî mûthamaki wa vûrûri ûrîa ûrî ngurumo ya irîma, na wa Dori mwena wa îthûîro.

³ Jabini nîwatûmanire wana kûrî Akanaani arîa maarî mwena wa îrathîro na wa îthûîro wa rûnjî rwa Jorodani. Nîwacokire agîtûmana kûrî Amori, Ahiti, Aperizi, Ajebusi arîa maarî vûrûrirî ûrîa ûrî irîma na kûrî Ahivi arîa maatûûraga nthî ya kîrîma Kîam Herimoni vûrûrirî wa Mizipa.

⁴ Nao athamaki acio onthe nîmaaûkire na athigari ao a mbaara. Athigari acio onthe a mbaara meengîvîte ta mûthanga ûrîa ûrî rûtererî rwa îria. Na maarî na mbarathi nyîngî na ikaari ciacio.

⁵ Vîndî îrîa athamaki acio maatûnganire vamwe nîmaambire magema mao karûnjîrî ka Meromu nîguo makarûe na Aisiraeli.

⁶ Ngai-Mûnene nîwerire Joshua atîrî, “Ndûgetigîre nîûndû wao. Rûciû thaa ta ino nîngethîrwa mbûragîte athigari aya onthe nîûndû wa andû a Isiraeli. Nawe nîûgaatemanga mîkiva ya magûrû ma mbarathi nîguo iremwe nî kûthiî na ûcoke ûvîvie ikaari cia mbarathi.”

⁷ Kwoguo Joshua na athigari ake a mbaara nîmaatharîkîre andû acio marî karûnjîrî ka Meromu varîa maambîte magema mao matevarîrîtie.

⁸ Ngai-Mûnene nîwavere andû a Isiraeli ûvootani. Nîmaamaûragire na makîmavinyûria nginya Misirefothu Maimu na Sidoni mwena wa rûgûrû na nginya Kîamndarî Kîam Mizipa mwena wa îrathîro. Mbaara îo nîyarûirwe îvinda îraca nginya nthû cionthe ikîûragwa.

⁹ Joshua nîwamekire wata ûrîa aathîtwe nî Ngai-Mûnene. Nîwatemangire mîkiva ya magûrû ma mbarathi nîguo itîkaavote kûthiî na akîvîvia ikaari ciacio.

¹⁰ Joshua nîwacokire akîthiî îtûûrarî rîa Hazoru na akîrînyita na akîûraga mûthamaki wakuo. (Kavinda kau Hazoru nîyo yarî na vinya mûno gûkîra mothamaki mau mengî.)

¹¹ Nîmaaûragire andû onthe arîa maarî îtûûrarî rîu, makîrîvîvia na gûtirî mûndû wana ûmwe watigarire arî mwoyo.

¹² Joshua nîwanyitire matûûra mau monthe wana athamaki a mo. Nîwaûragire andû onthe wata ûrîa Musa, ndungata ya Ngai-Mûnene, aamwathîte.

¹³ Matûûra marîa maatumîtwe tûrîmarî matiavîvua. Nwatî Joshua na athigari ake nîmaavîvirie îtûûra rîa Hazoru rîonga.

¹⁴ Andû a Isiraeli nîmaaûragire andû onthe arîa maarî matûûrarî mau na gûtirî mûndû wana ûmwe watigarire arî mwoyo. Nwatî nîmeigîre indo cia vata na nyamû cia kûrîthua irîa maatavîte.

¹⁵ Ûguo nîguo Ngai-Mûnene aathîte Musa ndungata yake, nake Musa nîwathire Joshua na nîwathîkire. Joshua nîwavingirie maûndû monthe marîa Ngai-Mûnene aathîte Musa.

Vûrûri ûrîa Joshua aanyitire

¹⁶ Joshua nîwanyitire vûrûri wonthe. Naguo vûrûri ûcio umîte vûrûri ûrîa ûrî irîmarî na nthî yacio mîena yoîrî, mwena wa rûgûrû na mwena wa îveti. Nîwanyitire vûrûri wa Gosheni na vûrûri ûrîa mûmû ûrîa ûrî mwena wa îveti wa Gosheni na Kîamnda Kîam Jorodani.

¹⁷ Joshua nîwanyitire na akîûraga athamaki onthe a mavûrûri mau kuuma kîrîmarî Kîam Halaku mwena wa îveti vakuvî na vûrûri wa Edomu nginya Baali-gadi mwena wa rûgûrû Kîamndarî Kîam Lebanoni mwena wa îveti wa kîrîma Kîam Herimoni.

¹⁸ Joshua nîwarûire na athamaki a mavûrûri mau gwa kavinda karaca.

¹⁹ Îtûûra rîa Gibeoni nwa rîo rîarûthîte kîrîkanîro Kîam thayû na andû a Isiraeli. Kûu nîkuo andû amwe a Ahivi maatûûraga. Matûûra mau mengî nîmaavootirwe mbaararî.

²⁰ Ngai-Mûnene nîwatûmîte matûûra mau monthe merutanîrie mûno kûrûa na andû a Isiraeli nîguo magaacûkangua viû na andû akuo maûragwe matakwîguîrwa ntha, nîûndû ûguo nîguo Ngai-Mûnene aathîte Musa.

²¹ Kavinda wa kau, Joshua na athigari ake a mbaara nîmaaûragire andû a rûruka rwa andû maarî anene mûno metagwa Anaki. Andû acio maatûûraga vûrûrirî ûrîa ûrî irîmarî matûûrarî ma Heburoni, Debiri, Anabu na vûrûri wonthe ûrîa ûrî irîma wa Juda na Isiraeli. Joshua nîwacûkangirie andû onthe wa vamwe na matûûra mao.

²² Vûrûrirî wa Isiraeli gûtirî mûndû wa kîruka Kîam Anaki watigarire arî mwoyo. Andû mataarî engî ao maatigarire matûûrarî ma Gaza, Gathu na Ashidodi.

²³ Kwoguo Joshua nîwanyitire vûrûri wonthe kûringana na ûrîa Ngai-Mûnene aathîte Musa. Nake Joshua nîwavere andû a Isiraeli vûrûri ûcio ûtuîke wao na nîwaûgaanirie icunjî kûringana na mîvîrîga ya andû a Isiraeli. Nao andû a Isiraeli magîtiga kûrûa.