Johana 2 - ÎVUKU RÎA ÛVORO MWARO

Ûviki îtûûrarî rîa Kaana ya Galili

¹ Vuva wa mîthenya îîrî kwarî na ûviki îtûûrarî rîa Kaana ya Galili. Nake ng'ina wa Jesû aarî kuo.

² Wana Jesû na arutwa ake maarî eete ûvikirî ûcio.

³ Na vîndî îrîa ndivei yathirire, Jesû nîwerirwe nî ng'ina atîrî, “Matirî na ndivei îngî.”

⁴ Nake Jesû nîwerire ng'ina atîrî, “Twa nginya ûmbîre ûrîa mbagîrîrwe nî gwîka. Îvinda rîakwa tî rîkinyu.”

⁵ Ng'ina wa Jesû nîwacokire akîra ndungata atîrî, “Îkani ûndû wa wonthe ûrîa ke akûmwîra mwîke.”

⁶ Ayahudi nîmaathîkagîra mawatho meengî megiî ûrîa mûndû avatarîte kwîtheria. Navo vaarî na nyûngû ithathatû cia manjî irîa ciatûmagîrwa nî Ayahudi mîtugorî ya kwîtheria, na wa nyûngû nîîngîagîre manjî mîtûngi îtano.

⁷ Nake Jesû nîwerire ndungata icio atîrî, “Îcûriani manjî nyûngûrî ino cionthe.” Nacio ndungata nîciecûririe manjî nyûngûrî icio nginya manjî makîerera.

⁸ Nake nîwacokire akîmeera atîrî, “Rîu ta tavani na mûthiî mûvirîre mûrûngamîrîri wa kîrugo.” Nacio nîciamûvirîre.

⁹ Rîrîa aakundire, manjî maatuîkîte ndivei na ndaamenya kûrîa yaumîte (nwatî ndungata icio ciatavîte manjî mau nîciaicî). Kwoguo nîwetire mûvikania

¹⁰ na akîmwîra atîrî, “Mûndû wa wonthe ambaga kûraîra ageni ndivei îrîa mbaro, na manyua megania nîacokaga akamaraîra ndivei îrîa îtarî mbaro mûno. Nwatî we ûrambîte kwiga ndivei îrîa mbaro nginya rîu!”

¹¹ Jesû aaringire Kîamma gîkî Kîam mbere, arî Kaana ya Galili. Kûu nîkuo oonanirie riiri wake, na arutwa ake makîmwîtîkia.

¹² Vuva wa ûguo Jesû nîwathiîre Kaperinaumu marî na ng'ina na arîa maaciaranîrîtue nake, wa vamwe na arutwa ake. Nao nîmeekarire kuo mîthenya mînini.

Jesû nîwathiîre hekarûrî

¹³ Vîndî ya kîrugo Kîam pasaka ya Ayahudi yarî vakuvî. Kwoguo Jesû nîwaunûkirie nginya Jerusalemu.

¹⁴ Na kûu hekarûrî, nîwethîrîrie andû makîendagia ng'ombe, ng'ondu, na ndutuura, na engî mekarîte metharî ciao magîcenjagîria andû mbeca.

¹⁵ Rîrîa oonire ûguo, nîwathondekire mûcarica wa ndigi, akîrutûrûra ng'ondu na ng'ombe kuuma kûu hekarûrî, akîng'aûrania metha cia andû arîa maacenjagîria andû arîa engî mbeca, na akînyagarûkania mbeca ciao.

¹⁶ Nake nîwacokire akîra andû arîa meendagia ndutuura atîrî, “Thengutiani ndutuura ino ava! Tigani gûtûmîra nyomba ya Vava ta thoko!”

¹⁷ Nao arutwa ake nîmaaririkanire atî Mandîko Matheru nîmaugîte atîrî, “Kîîo kîrîa nîrî nakîo nîûndû wa nyomba yaku nîkîo gîkaandîa.”

¹⁸ Kwoguo atongoria a Ayahudi nîmaacokire makîûria Jesû atîrî, “Nî Kîamma kîrîkû ûngîtûringîra gîa gûtwonia atî nîwagîrîrwe nî gwîka maûndû mama?”

¹⁹ Nake Jesû nîwamacokerie atîrî, “Thariani hekarû îno na nîngûcoka nîmîtume na mîthenya îthatû.”

²⁰ Nao nîmaamûririe atîrî, “hekarû îno yatumirwe na mîaka mîrongo îna na îtandatû-rî nîyo ûrauga nîûkûmîtuma na mîthenya îthatû?”

²¹ Nwatî hekarû îrîa Jesû aaragia ûvoro wayo yarî mwîrî wake.

²² Vîndî îrîa Jesû aariûkirue, arutwa ake nîmaaririkanire atî ke nîwaugîte ûguo. Kwoguo nîmeetîkirie Mandîko Matheru na ûrîa Jesû aameerîte.

Jesû nîwaicî ngoro cia andû

²³ Rîrîa Jesû aarî Jerusalemu vingo ya kîrugo Kîam pasaka, andû eengî nîmaamwîtîkirie nîûndû nîmoonire ciama irîa aaringire.

²⁴ Nwatî ndaamevokera ûtûûro wake nîûndû nîwamaicî onthe.

²⁵ Ndaavatara mûndû wana ûmwe wa kûmûmenyithia ûvoro wîgiî andû acio, nîûndû ke mwene nîwaicî kîrîa Kîamrî ngororî ciao.