Jeremia 45 - ÎVUKU RÎA ÛVORO MWARO

Ciîranîro cia Ngai kûrî Baruku

¹ Ino nîcio ciugo irîa mûrathi Jeremia aaririe mwaka wa kana vîndî ya wathani wa Jehoiakimu mûvîcî wa Josia, nake Baruku mûvîcî wa Neria nîwandîkaga ciugo icio îvukuurî.

² Ngai-Mûnene Ngai wa Isiraeli arakwîra we Baruku,

³ waugire atîrî, “Kaî nîrî na thîna-î! Nîûndû Ngai-Mûnene nîongererete kîeva îgûrû rîa ruo rûrîa nîrî naruo. Njaîte nganoga na ndirî na thayû.”

⁴ Nwatî Ngai-Mûnene ambîrîte ngwîre atîrî, “Taroria, kîrîa ndumîte nînîromomora, na kîrîa mvandîte nînîrakûûra. Nîmbîka ûguo nthî yonthe.

⁵ Nîkwa ûracaria maûndû manene? Ndûkamacarie! Nîûndû nînîrarete mûthiro kûrî andû onthe a nthî. Nwatî nîngavonokia mwoyo waku kûrîa kuonthe ûkaathiîcaga. Ûguo nîguo nie, Ngai-Mûnene nîrauga.”