Ezek 48 - ÎVUKU RÎA ÛVORO MWARO

Mîvîrîga ya Isiraeli kûgaîrwa vûrûri

¹ Mama marûmîrîrîte nî marîîtwa ma mîvîrîga ya andû a Isiraeli na kûrîa wa mûvîrîga wagaîrwe. Mûvîrîga wa Dani wagaîrwe mwena wa rûgûrû. Mûvaka wao wathiîte na mwena wa îrathîro wambîrîrîtie îriarî rîa Mediterania ûrûmîrîrîte njîra ya Hethiloni, ûkîthiî mwanyarî wa Hamathi ûgîkinya îtûûrarî rîa Hazari Enoni. (Hazari Enoni rîrî mûvakarî wa Damesiki na Hamathi, Hamathi îrî mwena wa rûgûrû.) Gîcunjî Kîamo Kîamumîte mûvakarî wa mwena wa îrathîro kûthiî nginya mwena wa îthûîro îriarî rîa Mediterania.

² Gîcunjî kîrîa Kîamriganîtie na Kîam mûvîrîga wa Dani kuuma mwena wa îrathîro nginya îthûîro Kîamgaîrwe mûvîrîga wa Asheri.

³ Gîcunjî kîrîa kîriganîtie na mûvîrîga wa Asheri kuuma mwena wa îrathîro nginya îthûîro Kîamgaîrwe mûvîrîga wa Nafutali.

⁴ Gîcunjî kîrîa kîriganîtie na mûvîrîga wa Nafutali kuuma mwena wa îrathîro nginya îthûîro Kîamgaîrwe mûvîrîga wa Manase.

⁵ Gîcunjî kîrîa kîriganîtie na mûvîrîga wa Manase kuuma mwena wa îrathîro nginya îthûîro Kîamgaîrwe mûvîrîga wa Efiraimu.

⁶ Gîcunjî kîrîa kîriganîtie na mûvîrîga wa Efiraimu kuuma mwena wa îrathîro nginya îthûîro Kîamgaîrwe mûvîrîga wa Reubeni.

⁷ Gîcunjî kîrîa kîriganîtie na mûvîrîga wa Reubeni kuuma mwena wa îrathîro nginya îthûîro Kîamgaîrwe mûvîrîga wa Juda.

Gîcunjî kîa mwanya gatagatî ka vûrûri wa Isiraeli

⁸ Gîcunjî kîrîa kîriganîtie na mûvîrîga wa Juda kuuma mwena wa îrathîro nginya îthûîro Kîam wariî wa kilomita îkûmi na igîrî na nuthu (12.5) kuuma mwena wa rûgûrû nginya mwena wa îveti gîgaatuîka Kîammûre. Gîcunjî kîu gîkethîrwa kîrî na ûraca wîganene na ûraca wa icunjî irîa igaîrîtwe mîvîrîga. Hekarû îgaatumwa gîcunjîrî gîkî.

⁹ Gîcunjî kîrîa mûkaamûrîra Ngai-Mûnene nî Kîam ûraca wa kilomita îkûmi na igîrî na nuthu (12.5) na wariî wa kilomita îkûmi (10).

¹⁰ Athînjîri-Ngai makaagaîrwa gîcunjî Kîamo kuuma gîcunjîrî gîkî Kîammûrîrîtwe Ngai-Mûnene. Gîcunjî kîu kuuma mwena wa îrathîro nginya mwena wa îthûîro gîkethîrwa kîrî Kîam ûraca wa kilomita îkûmi na igîrî na nuthu (12.5) na wariî kuuma mwena wa rûgûrû nginya wa îveti kilomita ithano (5). Hekarû îkethîrwa îrî gatagatî ka gîcunjî gîkî.

¹¹ Gîcunjî kîu gîgaatuîka Kîam athînjîri-Ngai arîa amûre a njiarwa cia Zadoku arîa maandungatîre marî na wîvokeku. Acio matiandiganîria rîrîa Aisiraeli na Alawi acio engî maandiganîrie.

¹² Kwoguo nîmakaagaîrwa gîcunjî Kîamo Kîam mwanya na gîtuîke kîtheru mûno kuuma kûrî gîcunjî kîrîa Kîammûre. Gîcunjî kîu gîkaarigania na kîrîa gîkaagaîrwa Alawi.

¹³ Gîcunjî kîrîa gîkaagaîrwa Alawi gîkethîrwa kîrî mwena wa îveti wa gîcunjî Kîam athînjîri-Ngai. Nakîo nîkîa ûraca wa kilomita îkûmi na igîrî na nuthu (12.5) na wariî wa kilomita ithano (5).

¹⁴ Gîcunjî kîrîa Kîammûrîre Ngai-Mûnene nîkîo Kîamro mûno vûrûrirî. Gîtikendua kana gîkûrananue kana kîgaîrwe mûndû wana ûrîkû, nîûndû nî kîtheru na nîkîa Ngai-Mûnene.

¹⁵ Gîcunjî kîrîa gîgaatigara kuuma kûrî gîcunjî kîu Kîam mwanya gîkethîrwa kîrî Kîam ûraca wa kilomita îkûmi na igîrî na nuthu (12.5) na wariî wa kilomita igîrî na nuthu (2.5). Gîkaavûthagîrwa nî andû na maûndû mwanya mwanya wana gûtûûra, na nîgîgaatumwa îtûûra rînene gatagatî ga kîo,

¹⁶ na îtûûra rîu rîkethîrwa rîrî rîa ûraca wîganene na wariî wa mita ngiri igîrî na magana maîrî ma mîrongo îtano (2,250).

¹⁷ Mîena yonthe îna ya kûthiûrûrûkîria îtûûra rîu nîgûkethîrwa na kîvaro Kîam wariî wa mita îgana rîa mîrongo îîrî na ithano (125).

¹⁸ Gîcunjî kîrîa gîgaatigara îtûûra rîatumwa Kîam ûraca wa kilomita ithano (5) na wa wariî wa kilomita igîrî na nuthu (2.5) mwena wa îrathîro na mwena wa îthûîro nî gîa kûrîmwa nî andû arîa marî îtûûrarî.

¹⁹ Aruti wîra a îtûûra rîu kuuma mîvîrîgarî yonthe nwa marîme gîcunjîrî kîu.

²⁰ Kwoguo gîcunjî kîrîa gîkaamûrwa kuuma kûrî kîrîa Kîammûrîrîtwe Ngai-Mûnene gîkethîrwa kîrî gîa kilomita îkûmi na igîrî na nuthu (12.5) na wariî wa kilomita îkûmi na igîrî na nuthu (12.5). Îtûûra rîgaatumwa gîcunjîrî kîu.

²¹ Gîcunjî kîrîa gîgaatigara mwena wa îrathîro na mwena wa îthûîro wa gîcunjî kîrîa Kîammûre na gîcunjî Kîam îtûûra gîgaatuîka Kîam mûnene. Gîcunjî kîu nî gîa kilomita îkûmi na igîrî na nuthu (12.5) kuuma gîcunjîrî kîrîa Kîammûre nginya mûvakarî wa mwena wa îrathîro, na kilomita îkûmi na igîrî na nuthu (12.5) kûthiî mûvakarî wa mwena wa îthûîro gîgaatuîka Kîam mûnene. Gîcunjî kîrîa kîtheru gîtumîtwe hekarû,

²² gîcunjî Kîam Alawi vamwe na îtûûra ikethîrwa irî gatagatî ka gîcunjî Kîam mûnene. Kwoguo gîcunjî Kîam mûnene gîkethîrwa kîrî gatagatî ka gîcunjî Kîam mûvîrîga wa Juda na Kîam mûvîrîga wa Benjamini.

Vûrûri wa mîvîrîga îo îngî

²³ Mîvîrîga îrîa îtigarîte îkaagaîrwa icunjî ciao ta ûû: Mûvîrîga wa Benjamini ûkaagaîrwa gîcunjî Kîamo kuuma mwena wa îrathîro kûthiî mwena wa îthûîro.

²⁴ Gîcunjî kîrîa kîriganîtie na mûvîrîga wa Benjamini, kuuma mwena wa îrathîro nginya mwena wa îthûîro gîkaagaîrwa mûvîrîga wa Simeoni.

²⁵ Gîcunjî kîrîa kîriganîtie na mûvîrîga wa Simeoni, kuuma mwena wa îrathîro nginya mwena wa îthûîro gîkaagaîrwa mûvîrîga wa Isakaru.

²⁶ Gîcunjî kîrîa kîriganîtie na mûvîrîga wa Isakaru, kuuma mwena wa îrathîro nginya mwena wa îthûîro gîkaagaîrwa mûvîrîga wa Zebuluni.

²⁷ Gîcunjî kîrîa kîriganîtie na mûvîrîga wa Zebuluni, kuuma mwena wa îrathîro nginya mwena wa îthûîro gîkaagaîrwa mûvîrîga wa Gadi.

²⁸ Mwena wa îveti wa gîcunjî Kîam mûvîrîga wa Gadi, mûvaka ûkauma Tamaru ûthiîte ithimarî cia Meriba-kadeshi, ûcoke ûthiî na mwena wa rûgûrû wa îthûîro ûthiîcanîtie na mûvaka wa vûrûri wa Misiri nginya îriarî rîa Mediterania.

²⁹ Ngai-Mûnene Ngai nîwaugire atîrî, “Ûcio nîguo vûrûri ûrîa ûkaagaîrwa mîvîrîga ya Isiraeli ûtuîke wao wa mûvîrîga gîcunjî Kîamguo.”

Ivingo cia Jerusalemu

³⁰ Îtûûra rîa Jerusalemu rîkethîrwa rîrî na rûthingo mîena yonthe îna. Wa mwena ûkethîrwa ûrî na rûthingo rwa ûraca wa mita ngiri igîrî na magana maîrî ma mîrongo îtano (2,250) na rûrî na mîrango îthatû ya gûtonya na ya kuuma.

³¹ Wa mwena ûkethîrwa ûrî na mîrango îtanîtue na mîvîrîga ya Isiraeli. Mwena wa rûgûrû nî mûrango wa Reubeni, Juda na wa Lawi.

³² Mwena wa îrathîro nî mûvîrîga wa Josefu, Benjamini na Dani.

³³ Mwena wa îveti nî mûvîrîga wa Simioni, Isakaru na Zebuluni.

³⁴ Mwena wa îthûîro nî mûvîrîga wa Gadi, Asheri na Nafutali.

³⁵ Ûraca wa rûthingo rwa îtûûra rîu mîena yonthe îna rûkethîrwa rûrî rwa mita ngiri kenda (9,000). Îtûûra rîu kuuma vîndî îo rîgetagwa, “Ngai-Mûnene arî ava.”