Ezek 43 - ÎVUKU RÎA ÛVORO MWARO

Riiri wa Ngai-Mûnene nîwacokire hekarûrî

¹ Mûndû ûcio nîwambirire mwîrîgarî ûrîa werekerete mwena wa îrathîro.

² Riiri wa Ngai wa Isiraeli nîwaûkire umîte na mwena wa îrathîro. Naguo mûgambo wa Ngai warî ta mûrurumo wa manjî ma îria, nayo nthî nîyagîre na ûtheri wa riiri wake.

³ Kîoneki gîkî gîekariî ta kîrîa nonete rîrîa Ngai aaûkîte gûcûkangia îtûûra rîa Jerusalemu, na ta kîrîa nonete rûnjîrî rwa Kebari. Nînacokire ngîîgwîthia ngîturumithia ûthiû wakwa nthî.

⁴ Riiri wa Ngai-Mûnene nîwavîtûkîrîre mwîrîgarî wa mwena wa îrathîro ûgîtonya hekarûrî.

⁵ Roho wa Ngai-Mûnene nîwambocire na ûkîmbira kîvarorî Kîam mwena wa ndarî na ngîona atî riiri wa Ngai-Mûnene nîwecûrîte hekarûrî.

⁶ Mûndû ûrîa arûngamîte mwena wakwa nîneguire Ngai-Mûnene ambarîria arî hekarûrî

⁷ akiuga atîrî, “Mûndû, gîkî nîkîo gîtî gîakwa Kîam ûthamaki na nîvo mbigaga magûrû makwa. Nîndûûra gatagatî ka andû a Isiraeli na nîmathamakîre tene na tene. Andû a Isiraeli kana athamaki ao matigacoka kûgwatia rîîtwa rîakwa rîtheru gîko rîngî makîgooca mîvuanano kana makîthika ciimba cia athamaki ao kûndû gûkû kûtheru.

⁸ Athamaki ao maatumire mîromo na mbaû cia mîromo ya nyomba ciao cia ûthamaki vakuvî na mîromo ya hekarû yakwa ivakanîtue nî rûthingo. Nîmaagwatirie gîko rîîtwa rîakwa rîtheru na njîra ya maûndû marî magigi marîa meekire, kwoguo nîrî na marakara nînaamathiririe.

⁹ Rîu nîmatige kûgooca mîvuanano na mavire ciimba cia athamaki ao kûraca nanie, nanie nîngûtûûrania nao tene na tene.

¹⁰ “Mûndû, îra andû a Isiraeli ûvoro wîgiî hekarû na mathome mûcoro wa yo. Tûma maconoke nîûndû wa ciîko ciao njûku.

¹¹ Mangîgua maconokete nîûndû wa maûndû marîa mekire, matarîrie mûcoro wa hekarû: ûrîa îtumîtwe, mîromo yayo ya gûtonya na ya kuuma na nja, ûrîa îvuana, ûrîa indo cionthe ivangîtwe na irîra na mawatho mayo monthe. Ûcoke ûmandîkîre maûndû mau monthe nîguo monage ûrîa indo cionthe ivangîtwe na mavotage kûrûmîrîra mawatho mau.

¹² Ûyû nîguo watho wa hekarû: kûndû kûrîa kuonthe kûmîthiûrûrûkîrîtie kûu kîrîmarî îgûrû nwanginya kwîthîrwe kûrî kwamûre na kûtheru.”

Metha ya kîgongoona

¹³ Metha ya kîgongoona yathimirwe na ithimi wata irîa ciathimire hekarû. Gîtina Kîam yo Kîamrî na ûrikîru wa cendimita mîrongo îtano (50) na wariî wa cendimita mîrongo îtano (50). Mûtaro ûcio warî na kamûgûkû ga cendimita mîrongo îîrî na ithano (25).

¹⁴ Gîcunjî Kîam nthî Kîam metha ya kîgongoona kuuma gîtina Kîamrî Kîam mita îmwe (1). Gîcunjî kîu kîngî Kîammbîrîrîtie kamûgûkûrî kaamîthiûrûrûkîrîtie ga cendimita mîrongo îîrî na ithano (25). Gîcunjî kîu Kîamrî Kîam ûraca na îgûrû wa mita igîrî. Gîcunjî kîu kîngî Kîammbîrîrîtie îgûrû rîa kamûgûkû ga cendimita mîrongo îtano (50) kamîthiûrûrûkîrîtie.

¹⁵ Gîcunjî Kîam îgûrû kûrîa magongoona maavîvagîrua warî wa mita igîrî kûthiî na îgûrû. Mîthiiarî yonthe îna ya metha îno ya kîgongoona yarî mîraca na îgûrû ta mvîa.

¹⁶ Gîcunjî Kîam îgûrû Kîam metha ya kîgongoona nîkîeganene mîena yonthe îna, ûraca na wariî wa mita ithathatû (6).

¹⁷ Gîcunjî Kîam gatagatî wanakîo nîkîeganene kîrî na ûraca na wariî wa mita mûgwanja (7) na kamûgûkû ga cendimita mîrongo îîrî na ithano (25), na kamûtaro kaûthiûrûrûkîrîtie ka wariî wa cendimita mîrongo îtano (50). Ngathî ya gûtwa metharî ya kîgongoona yarî na mwena wa îrathîro.

Kwamûra metha ya kîgongoona

¹⁸ Mwathani Ngai-Mûnene nîwambîrire atîrî, “Mûndû thikîrîria ûrîa ngûkwîra. Rîrîa metha ya kîgongoona îgaatumwa nîûkaamîamûra na njîra ya kûvîvîria magongoona vo na kûmîminjaminjîria nthakame ya nyamû irîa irutîtwe cia magongoona.

¹⁹ Athînjîri-Ngai a mûvîrîga wa Lawi a njiarwa cia Zadoku na matungataga mbere yakwa, nie Ngai-Mûnene nauga makaavewa karegwa magakaruta karî îgongoona rîa kûthiria mevia.

²⁰ Nîûgoca nthakame îmwe na ûmîvake mîtîrî îo yumîrîte ta mvîa mîthiiarî îrîa îna ya metha ya kîgongoona, na mîenarî ya gîcunjî Kîam gatagatî Kîam metha ya kîgongoona na kamûgûkûrî karîa kamîthiûrûrûkîrîtie. Ûguo nîguo ûkaatheria metha ya kîgongoona na ûmîamûre.

²¹ Wana nîûgoca ndegwa îrîa îrutîtwe ya îgongoona rîa kûthiria mevia na ûmîvîvîrie vandûrî varîa vamûrîrîtwe ûndû ûcio nja ya hekarû.

²² Mûthenya wa kaîrî ûgooca nthenge îtarî na wonje na ûkaamîruta îrî îgongoona rîa kûtheria mevia, na ûkaatheria metha ya kîgongoona na nthakame yayo wata ûrîa watheririe na nthakame ya ndegwa.

²³ Warîkia kûmîtheria, ûkaaruta îtega rîa karegwa kamwe na ndûrûme îmwe itarî na wonje kuuma ndîthiarî,

²⁴ na ûivire mbere ya Ngai-Mûnene. Nake mûthînjîri-Ngai nîakaiminjaminjîria cumbî na airute irî îgongoona rîa kûvîvua kûrî Ngai-Mûnene.

²⁵ Îvinda rîa mîthenya mûgwanja, wa mûthenya ûkaarutaga nthenge îmwe, ndegwa na ndûrûme îtarî na maroro nîûndû wa îtega rîa kûthiria mevia.

²⁶ Athînjîri-Ngai nîmakaatheria metha ya kîgongoona nîguo îtuîke nyamûre ya kûrutagîrwa magongoona.

²⁷ Mîthenya mûgwanja yathira athînjîri-Ngai nîmakaarutagîra metharî îo ya kîgongoona matega ma kûvîvua na matega ma thayû, nanie nîngaamwamûkîra. Ûguo nîguo Mwathani Ngai-Mûnene augîte.”