Ezek 41 - ÎVUKU RÎA ÛVORO MWARO

¹ Mûndû ûcio nîwacokire akîndonyia hekarûrî na akîmvira vandû varîa vatheru Mûno. Nîwathimire gacîra karîa kathiîcaga vandû vau, nako kaarî na ûraca wa mita ithatû (3),

² na wariî wa mita ithano (5). Gacîra kau kaarî na nthingo mîena yoîrî cia ûtungu wa mita igîrî na nuthu (2.5). Nîwacokire akîthima vandû vau vatheru, navo vaarî na ûraca wa mita mîrongo îîrî (20) na wariî wa mita îkûmi (10).

³ Mûndû ûcio nîwacokire akîthiî kanyombarî ka ndarî viû na akîthima itugî irîa ciarî mîena ya mûromo wa gacîra karîa kaathiîcaga kuo. Wa gîtugî Kîamrî na ûraca wa mita îmwe (1) na wariî wa mita ithatû na nuthu (3.5).

⁴ Nîwathimire ûraca wa kanyomba ko kene, nako kaarî ka ûraca wa mita îkûmi (10), na wariî wa mita îkûmi (10). Kanyomba kau kaarî hekarûrî mbere ya vandû varîa vatheru Mûno. Mûndû ûcio nîwambîrire atîrî, “Ava nîvo vandû varîa vatheru Mûno.”

Tûnyomba tûrîa twatumîtwe tûgwatanîte na nthingo cia hekarû

⁵ Mûndû ûcio nîwacokire akîthima ûtungu wa rûthingo rwa hekarû na akîona atî rwarî rwa mita ithatû (3). Kwarî na tûnyomba twatumîtwe tûthiûrûrûkîrîtie rûthingo rwa hekarû na mwena wa nja. Tûnyomba tûu twarî twa wariî wa mita igîrî (2).

⁶ Tûnyomba tûu twarî twa ngorova ithatû. Wa ngorova yarî na tûnyomba mîrongo îthatû (30). Rûthingo rwa hekarû na mwena wa nja rwarî rûceke kuuma ngorova îmwe kûthiî îrîa îngî nîguo tûnyomba tûu twîthîrwe tûrî na vinya wana tûtanyitîrîrîtwe nî rûthingo rwa hekarû.

⁷ Wa ngorova yarî mbariî gûkîra îrîa yarî nthî nîguo ciîganane na nthingo cia hekarû irîa ciacekevete wa ûrîa ciathiîcaga na îgûrû. Rûthingorî rwa hekarû mwena wa nja, nja ya tûnyomba tûu twatumîtwe mwena wa hekarû kwarî na ngathî ya kunûkia kuuma ngorova ya nthî nginya ya îgûrû.

⁸ Nînacokire ngîona atî hekarû yarî na varanda yamîthiûrûrûkîrîtie na nîyo yarî mûcingi wa nyomba ithatû cia ngorova irîa ciarî vakuvî na hekarû. Mûcingi wa nyomba icio warî wa mita ithatû.

⁹ Ûtungu wa rûthingo rwa mwena wa nja wa nyomba icio warî wa mita igîrî na nuthu (2.5). Vaarî na kîvaro gatagatî ka nyomba irîa ciarî mwena wa hekarû,

¹⁰ na nyomba cia athînjîri-Ngai Kîamrî na wariî wa mita îkûmi (10) kîthiûrûrûkîrîtie hekarû.

¹¹ Kwarî na mîrango nyombarî icio ciarî mwena wa hekarû yavingûkaga na mwena wa kîvaro. Mûrango ûmwe warî mwena wa rûgûrû na ûcio wîngî warî mwena wa îveti, na kwarî na gîcunjî Kîam mita igîrî na nuthu (2.5) gîtarî na kîndû.

Nyomba ya mwena wa Îthûîro

¹² Mwena wa îthûîro wa hekarû mûthiiarî wa kîvaro vaarî na nyomba ya ûraca wa mita mîrongo îna na ithano (45) na wariî wa mita mîrongo îthatû na ithano (35). Ûtungu wa nthingo cia nyomba îo warî mita igîrî na nuthu (2.5).

Mwîgana wa ithimo cionthe cia hekarû

¹³ Mûndû ûcio nîwacokire akîthima mwena wa nja wa hekarû, naguo warî wa ûraca wa mita mîrongo îtano (50). Kuuma mwena wa vuva wa hekarû kûvîtûkîra gatagatî ga kîvaro kûthiî nyombarî îrîa îrî mwena wa îthûîro wa kîvaro warî wa mita mîrongo îtano (50).

¹⁴ Wariî mbere ya hekarû vamwe na kîvaro warî ûraca wa mita mîrongo îtano (50).

¹⁵ Nîwacokire akîthima ûraca wa nyomba îrîa yarî mwena wa îthûîro vamwe na varanda ya yo, na yo yarî ya mita mîrongo îtano (50). Kanyomba karîa kaarî mûromorî wa gûtonya hekarûrî, vandû varîa vatheru na vandû varîa vatheru Mûno

Ûrîa mwako wa hekarû wekariî

¹⁶ nthingo cia cio nîciekîrîtwe mbaû kuuma nthî nginya ndiricarî. Ndirica icio nîingîakunîkirwe.

¹⁷ Nthingo cia hekarû mwena wa ndarî kuuma nthî nginya îgûrû rîa mîrango, na kanyomba ka ndarî, cionthe ciarî na mbica ciacîtwe

¹⁸ cia Akerubi na mîtî ya mîkîndû. Mbica ya Kerubi yatigithanîtue na mbica ya Kerubi ûcio wîngî nî mûtî wa mûkîndû ithiûrûrûkîrîtie nyomba yonthe. Wa Kerubi aarî na mothiû maîrî:

¹⁹ ûthiû wa mûndû ûroretie mûtî wa mûkîndû mwena ûmwe na ûthiû wa mûnyambû mwîthî ûroretie mûtî wa mûkîndû wa mwena ûcio wîngî. Ûguo nîguo nthingo cionthe cia hekarû mwena wa ndarî ciekariî,

²⁰ kuuma nthî nginya îgûrû rîa mîrango kumîtue mbica cia Akerubi na cia mîtî ya mîkîndû.

²¹ Mbaû cia kûnyitîrîra mîrango ya vandû varîa vatheru Mûno ciarî na ûtungu weganene. Mbere ya mûromo wa gûtonya vandû varîa vatheru kwarî na kîndû gîekariî ta

Metha ya kîgongoona ya mbaû

²² metha ya kîgongoona ya mbaû. Metha îo ya kîgongoona yarî ya ûraca na îgûrû wa mita îmwe na nuthu (1.5) na wariî wa mita îmwe (1). Itugî cia yo cia mwena, nthî ya yo na mîena ya yo ciarûthîtwe na mbaû. Mûndû ûcio nîwambîrire atîrî, “Îno nîyo metha îrîa îkaraga mbere ya Ngai-Mûnene.”

Mîrango ya hekarû

²³ Kwarî na mîrango îîrî, ûmwe wa gûtonya varîa vatheru na ûcio wîngî wa gûtonya vandû varîa vatheru Mûno.

²⁴ Mîrango îo yarûthîtwe wa mûrango ûrî wa icunjî igîrî, kwoguo mîrango îo yavingûkagîra gatagatî.

²⁵ Mîrango ya gûtonya vandû varîa vatheru yagemetue na mbica cia Akerubi na cia mîtî ya mîkîndû wata ûrîa nthingo ciagemetue. Mwena wa nja wa gûtonya hekarûrî kwarî na kîthaku Kîam mbaû gîkunîkîrîte mûromo wa gûtonya ndarî.

²⁶ Mîenarî yoîrî ya kanyomba kau kwarî na ndirica, na nthingo ciagemetue na mbica cia mîtî ya mîkîndû.