Ezek 40 - ÎVUKU RÎA ÛVORO MWARO

EZEKIELI NÎWAGÎRE NA KÎONEKI KÎA HEKARÛ NJERÛ Ezekieli nîwavirirwe Jerusalemu

¹ Kwarî mûthenya wa îkûmi wa mweri wa mbere wa mwaka wa mîrongo îîrî na îtano kuuma twavirwa îthamîriorî, na mwaka ûcio nîguo warî wa îkûmi na îna kuuma îtûûra rîa Jerusalemu rîanyitwa. Mûthenya ûcio nînecûrirwe nî vinya wa Ngai-Mûnene.

² Na njîra ya kîoneki Ngai-Mûnene nîwambocire akîmbira vûrûrirî wa Isiraeli na akîmbiga vandû îgûrû kîrîmarî kîraca. Mwena wa îveti wa kîrîma kwarî na mîako yonekaga ta îtûûra rînene.

³ Rîrîa aambirire vau, nînoonire mûndû wavenavenagia ta cuuma ya gîcango. Mûndû ûcio aarûngamîte kîvingorî anyitîte kîthimi gîa kamûkumbû na akanyita kîthimi gîa kamûtî.

⁴ Mûndû ûcio nîwambîrire atîrî, “We mûndû, roria waro na ûtege matû wîgue na wîcirie waro ûvoro wa maûndû marîa ngûkwonia. Ûndû ûcio nîguo watûmire ûretwa gûkû. Nwanginya wîre andû a Isiraeli maûndû monthe marîa ûkwona.”

Kîvingo kîa mwena wa Îrathîro

⁵ Nînoonire hekarû îthiûrûrûkîrîtue na rûthingo. Mûndû ûrîa noonete, nîwocire kîthimi gîa kamûtî ka ûraca wa mita ithatû na akîthima rûthingo nako. Rûthingo rûu rwarî rwa mita ithatû (3) kûthiî na îgûrû na ûtungu wa rûthingo warî mita ithatû (3).

⁶ Nîwacokire akîthiî kîvingorî kîrîa kîerekerete na mwena wa îrathîro. Nîwatwîre na ngathî ciakîo akîthiî agîkîthima, nakîo Kîamrî Kîam mita ithatû (3).

⁷ Wavîtûka kîvingo, kwarî na gacîra. Mîenarî yoîrî yako kwarî na tûnyomba twa arangîri, wa mwena tûnyomba tûthatû. Wa kanyomba kaarî na mîena yeganene yonthe ya ûraca wa mita ithatû. Nthingo irîa ciatûgaanîtie ciarî na ûtungu wa mita igîrî na nuthu (2.5). Na wavîtûka tûnyomba tûu twa arangîri ûthiîte hekarûrî, kwarî na gacîra ka ûraca wa mita ithatû (3). Gacîra kau kaaviraga mûndû kanyombarî karîa keerekerete mûromorî wa hekarû.

⁸ Mûndû ûcio nîwathimire kanyomba kau wanako na akîona atî kaarî ka ûraca wa mita inya (4).

⁹ Nîwacokire akîthima nthingo ciako na akîona irî na ûtungu wa mita îmwe (1). Mûthiia wa kanyomba kau mwena wa ndarî nîguo warî vakuvî mûno na hekarû.

¹⁰ Tûnyomba tûu twa arangîri, na twarî mîena yoîrî ya gacîra ga kûvîtûkîra nîtweganene, wana nthingo irîa ciatûgaanîtie nîcieganene.

¹¹ Mûndû ûcio nîwacokire akîthima wariî wa gacîra kau ga kûvîtûkîrîra. Wariî wako warî wa mita ithathatû na nuthu (6.5) na wariî wa kîvingo warî wa mita ithano (5).

¹² Mbere ya kanyomba wa kanyomba ka arangîri vaarî na karûthingo kaarûngamîte ga kûrigîrîria ga cendimita mîrongo îtano (50) na ûtungu wako warî wa cendimita mîrongo îtano (50).

¹³ Mûndû ûcio nîwacokire akîthima ûraca wa rûthingo rwa mwena wa vuva wa kanyomba kamwe kûthiî nginya rûthingorî rwa vuva rwa kanyomba ka mwena ûcio wîngî. Naguo warî wa mita îkûmi na igîrî na nuthu (12.5).

¹⁴ Kanyomba karîa kaarî ka mûthiia nîguo mûndû akinye kîvarorî wanako nîwakathimire. Nako kaarî na wariî wa mita îkûmi (10).

¹⁵ Kuuma mwena wa nja wa rûthingo rwa kîvingo kûthiî mûthiia wa rûthingo rwa kanyomba ka mûthiia ka arangîri warî wa mita mîrongo îîrî na ithano (25).

¹⁶ Tûnyomba tûu twarî na tûtirica nthingorî cia mwena wa na nja cia wa kanyomba wa kanyomba, wana nthingorî irîa ciagaanîtie tûnyomba tûu. Mwena wa ndaarî ûrîa werekerete gacîra ga kûvîtûkîrîra kwarî na mbica cia mîtî ya mîkîndû ciacîtwe nthingorî.

Kîvaro kîa Nja

¹⁷ Mûndû ûcio nîwandonyirie na akînginyia nja ya kîvaro. Rûthingorî rûrîa rwathiûrûrûkîrîtie hekarû kwarî na tûnyomba mîrongo îthatû (30). Mwenarî wa mbere wa tûnyomba tûu kwarî na gacîra kaathondeketwe na mathiga.

¹⁸ Gacîra kau kaathiûrûrûkîte kîvaro. Kwarî na kengî wata ko nwatî kaarî nthî ya karîa ka mbere. Kîu Kîamrî kîvaro gîa kaîrî.

¹⁹ Kwarî kîvingo Kîamrî Kîam gacîra karîa kaarî îgûrû rîa karîa kengî. Gacîra kau kaathiîte kîvarorî Kîam mwena wa ndarî. Mûndû ûcio nîwathimire wariî ûrîa warî gatagatî ka ivingo icio cioîrî, naguo warî wa mita mîrongo îtano (50).

Kîvingo kîa mwena wa Rûgûrû

²⁰ Mûndû ûcio nîwacokire akîthima gacîra ka mwena wa rûgûrû karîa kaathiîcaga kîvarorî Kîam nja.

²¹ Tûnyomba tûthatû twa arangîri twarî mîena yoîrî ya gacîra, nthingo irîa ciatûgaanîtie na nyomba îrîa yarî vakuvî na hekarû, cionthe ciarî na ithimi wata irîa ciarî kîvingorî Kîam mwena wa îrathîro. Ûraca wa gacîra kau warî wa mita mîrongo îîrî na ithano (25) na wariî wa mita îkûmi na igîrî na nuthu (12.5).

²² Nyomba îrîa yarî kîvingorî, tûtirica, na mbica cia mîtî ya mîkîndû irîa ciacîtwe rûthingorî, ciekariî wata irîa irî kîvingorî Kîam mwena wa îrathîro. Mwena ûyû warî na ngathî mûgwanja cia kunûkia kîvingorî, na nyomba ya mûthiia yerekerete kîvarorî kîu.

²³ Mûkîra ûcio wîngî wa kîvaro umîte kîvingorî Kîam mwena wa rûgûrû, kwarî na kîvingo kîngî gîa kûthiî kîvarorî Kîam ndarî wata mwena wa îrathîro. Mûndû ûcio nîwathimire ûraca gatagatî ka ivingo icio cioîrî, ûraca wa vo warî mita mîrongo îtano.

Kîvingo kîa mwena wa Îveti

²⁴ Vuva wa ûguo, mûndû ûcio nîwambirire mwena wa îveti, na ngîona kîvingo. Nîwathimire nthingo ciakîo cia mwena wa ndarî na akîthima nyomba îrîa yarî kîvingorî kîu. Nacio ithimi cionthe ciegana wata ithimi irîa ciîngî.

²⁵ Kîvingorî gîkî kwarî na tûnyomba twarî na tûtirica wata twa tûnyomba twa ivingo irîa ciîngî. Ûraca wakîo warî mita mîrongo îîrî na ithano (25), na wariî wakîo warî mita îkûmi na igîrî na nuthu (12.5).

²⁶ Nîguo mûndû akinye kîvingorî kîu, kwarî na ngathî mûgwanja, na mûthiiarî kwarî na nyomba yerekerete kîvaro. Nthingorî cia ndarî irîa cierekerete gacîrarî kwarî na mbica cia mîtî ya mîkîndû.

²⁷ Ava wana vo vaarî na kîvingo gîa kûthiî kîvarorî Kîam mwena wa ndarî. Mûndû ûcio nîwathimire ûraca wa kuuma kîvingorî gîkî kûthiî kîrîa Kîam mwena wa îveti, naguo warî wa mita mîrongo îtano (50).

Kîvingo kîa mwena wa îveti wa kîvaro kîa ndarî

²⁸ Mûndû ûcio nîwacokire akîmbîtûkîrîria kîvingorî Kîam mwena wa îveti na tûgîkinya kîvingorî Kîam mwena wa ndarî. Nîwathimire kîvingo kîu na akîona nîkîeganene na ivingo irîa ciîngî ciarî rûthingorî rwa mwena wa nja.

²⁹ Tûnyomba twa arangîri tûrîa twarî mîena yoîrî ya gacîra, nyomba îrîa yarî kîvingorî na nthingo ciayo nîcieganene na nthingo cia ivingo irîa ciîngî. Nthingorî cia mwena wa gacîra kwarî na tûtirica wa na kanyombarî karîa kerekerete kîvaro. Ûraca wako warî mita mîrongo îîrî na ithano (25), na wariî wa mita îkûmi na igîrî na nuthu (12.5).

³⁰ Kwarî na tûnyomba mîenarî ya gacîra kau ga gûtonya. Tûnyomba tûu twarî twa ûraca wa mita mîrongo îîrî na ithano (25) na wariî wa mita îkûmi na igîrî na nuthu (12.5).

³¹ Kwarî na kanyomba kaarî kîvingorî na kaaroretie kîvaro Kîam mwena wa nja. Nthingorî cia kanyomba kau nîgwacoretwe mbica cia mîtî ya mîkîndû mîenarî ya gacîra kau. Kwarî na ngathî inyanya cia kunûkia kîvingorî kîu.

Kîvingo kîa mwena wa îrathîro gîa kîvaro kîa ndarî

³² Mûndû ûcio nîwacokire akîndonyeria kîvingorî Kîam mwena wa îrathîro ngîkinya kîvarorî Kîam ndarî. Nîwathimire kîvingo na ithimi ciakîo ciarî wata cia ivingo irîa ciîngî.

³³ Tûnyomba twa arangîri tûrîa twarî mîena yoîrî ya gacîra, nyomba îrîa yarî kîvingorî na nthingo ciayo nîcieganene na nthingo cia ivingo irîa ciîngî. Nthingorî cia mwena wa gacîra kwarî na tûtirica wa na kanyombarî karîa kerekerete kîvaro. Ûraca wako warî mita mîrongo îîrî na ithano (25), na wariî wa mita îkûmi na igîrî na nuthu (12.5).

³⁴ Kanyomba kau ga kîvingo keerekerete kîvaro Kîam nja. Mbica cia mîtî ya mîkîndû ciacoretwe nthingorî cia mîena ya kûvîtûkîrîra. Kwarî na ngathî inyanya cia kunûkia kîvingorî kîu.

Kîvingo kîa mwena wa rûgûrû kîa kîvaro kîa ndarî

³⁵ Mûndû ûcio nîwacokire akîmbira kîvingorî Kîam mwena wa rûgûrû. Wanakîo nîwakîthimire na Kîamrî na ithimi wata irîa cia ivingo irîa ciîngî.

³⁶ Tûnyomba twa arangîri tûrîa twarî mîena yoîrî ya gacîra, nyomba îrîa yarî kîvingorî na nthingo ciayo nîcieganene na nthingo cia ivingo irîa ciîngî. Nthingorî cia mwena wa gacîra kwarî na tûtirica wa na kanyombarî karîa keerekerete kîvaro. Ûraca wako warî mita mîrongo îîrî na ithano (25) na wariî mita îkûmi na igîrî na nuthu (12.5).

³⁷ Kwarî na kanyomba kaarî kîvingorî na kaaroretie kîvaro Kîam mwena wa nja. Nthingorî cia kanyomba kau nîgwacoretwe mbica cia mîtî ya mîkîndû mîenarî ya gacîra kau. Kwarî na ngathî inyanya cia kunûkia kîvingorî kîu.

Mîako îrîa yarî vakuvî na kîvingo kîa mwena wa rûgûrû

³⁸ Kîvarorî Kîam mwena wa nja kwarî na kanyomba gaatumîtwe kanyitanîte na gacîra ka gûtonya ka mwena wa ndarî. Mûromo wako waumîrîrîte kanyombarî ka gûtonya kîvarorî. Kanyombarî kau nîkuo kwathambagîrua nyamû irîa ciûragîtwe nîûndû wa magongoona ma kûvîvua.

³⁹ Kanyombarî kau kaarî kîvingorî kwarî na metha igîrî mwena ûmwe na ûcio wîngî metha igîrî. Metha icio ciarî cia kûthînjîra nyamû cia magongoona ma kûvîvua, magongoona ma mevia na cia magongoona ma kûthengutîrua mavîtia.

⁴⁰ Nja ya kanyomba kau kwarî na metha ciîngî inya wata irîa irî ndarî ya kanyomba. Igîrî mwena ûmwe na igîrî mwena ûcio wîngî wa kîvingo Kîam mwena wa rûgûrû.

⁴¹ Kwoguo metha cionthe irîa ciavûthagîrwa nîûndû wa kûthînja nyamû cia magongoona ciarî inyanya: inya ndarî ya kanyomba na inya nja ya kanyomba.

⁴² Kwarî na metha ciîngî inya cia kûrutîra magongoona ma kûvîvua. Metha icio ciatumîtwe na mathiga marî maumie. Metha icio ciarî na ûraca wa cendimita mîrongo îtano (50) kûthiî na îgûrû, na wariî wa cendimita mîrongo mûgwanja na ithano (75), na ûraca wa cendimita mîrongo mûgwanja na ithano (75). Metha icio ciarî cia kwigîrîra indo irîa maavûthagîra makîthînja nyamû cia magongoona ma kûvîvua na cia magongoona mau mengî.

⁴³ Kwarî na karûvaû ka wariî wa cendimita inyanya (8) gekîrîtwe kathiûrûrûkîrîtie metha icio kûrîa nyama cia magongoona ciaigagwa.

⁴⁴ Ndarî ya kîvaro kwarî na tûnyomba twîrî twa aini a nyîmbo. Kamwe kaarî vakuvî na kîvingo Kîam mwena wa rûgûrû kerekerete na mwena wa îveti, na kau kengî kaarî mwena wa îveti kerekerete na mwena wa rûgûrû.

⁴⁵ Mûndû ûcio nîwambîrire atîrî, “Kanyomba karîa kerekerete mwena wa îveti nî ka athînjîri-Ngai arîa matungataga hekarûrî.

⁴⁶ Nako kanyomba karîa karoretie mwena wa rûgûrû nî ka athînjîri-Ngai arîa matungataga metharî ya kîgongoona. Athînjîri-Ngai acio nî njiarwa cia Zadoku na nîo onga kuuma mûvîrîgarî wa Lawi maarî etîkîrie gûtungata Ngai-Mûnene.”

Kîvaro kîa mwena wa ndarî na hekarû

⁴⁷ Mûndû ûcio nîwathimire kîvaro kîu na mwena wa ndarî na akîona atî Kîamrî na wariî weganene na ûraca wa mita mîrongo îtano (50). Nayo metha ya kîgongoona yarî vau mbere ya hekarû.

⁴⁸ Nîwacokire akîmbira kanyombarî karîa karî kîvingorî gîa gûtonya hekarûrî. Nîwathimire kîvingo na akîona atî Kîamrî na wariî wa mita igîrî na nuthu (2.5) kûthiî na îgûrû na wariî wa mita mûgwanja (7). Nthingo cia kîvingo ciarî cia ûtungu wa mita îmwe na nuthu (1.5) mîena yoîrî.

⁴⁹ Kwarî na ngathî mûndû aatûcaga nîguo akinye kanyombarî ka gûtonya hekarûrî. Ngathî icio ciarî cia wariî wa mita îkûmi (10) na ûraca wa mita ithathatû (6). Kwarî na itugî cia mathiga mîena yoîrî ya kîvingo, kîmwe mwena ûyû na kîu kîngî mwena ûcio wîngî.