Ezek 1 - ÎVUKU RÎA ÛVORO MWARO

Kîoneki kîa Ngai kîa mbere 1.1—7.27 Gîtî kîa ûthamaki kîa Ngai

¹ Mûthenya wa gatano mweri wa kana mwaka wa mîrongo îthatû, nie mûthînjîri-Ngai Ezekieli mûvîcî wa Buzi, twatûûraga vamwe na Ayahudi arîa maarî îthamîriorî kûu Babuloni rûtererî rwa rûnjî rwa Kebari. Nîrî kûu nînonire îtu rîavingûka na ngîona kîoneki Kîam Ngai.

² Mûthenya wa gatano wa mweri (ûyû warî mwaka wa gatano mûthamaki Jehoiakini aavirwa îthamîriorî),

³ nie mûthînjîri-Ngai Ezekieli mûvîcî wa Buzi nînakinyîrwe nî ndûmîrîri ya Ngai-Mûnene nîrî vûrûrirî wa Akalidei vakuvî na rûnjî rwa Kebari na ngîgua nagîa na vinya wake.

⁴ Nînacokire ngîroria na ngîona rûkûngi rûnene rûkîte kuuma na mwena wa rûgûrû na kûrî na îtu rînene rîaumaga mveni na mwaki ûtaavoraga. Gatagatî ka mwaki ûcio kwarî na kîndû Kîamvenagia ta cuuma ya gîcango.

⁵ Kûu rûkûngirî rûu rûnene, nînonire indo ciekariî ta ciûmbe inya irî mwoyo irî na mûvuano wa mûndû.

⁶ Wa kîûmbe Kîamrî na mothiû mana na mathagu mana.

⁷ Magûrû ma cio maarî marûngarû, na ciarî na mavûngû ta ma ndegwa na maavenagia ta cuuma ya gîcango îno ntheru.

⁸ Wa kîûmbe Kîamrî na njara inya ta cia mûndû rungu rwa mathagu ma cio mîenarî yakîo îna.

⁹ Mathagu ma cio nîmaavutanîtie. Wa kîûmbe Kîamthiîcaga gîtakwîvûgûra na ikathiî irî vamwe.

¹⁰ Ciûmbe icio inya irî mwoyo, wa kîûmbe Kîamrî na mothiû mana ngûrani. Mwena wa mbere Kîamrî na ûthiû ta wa mûndû; mwena wa ûrîo ûthiû ta wa mûnyambû, mwena wa ûmotho ûthiû ta wa ndegwa, na mwena wa vuva ûthiû ta wa nderi.

¹¹ Ûguo nîguo mothiû ma cio mekariî. Mathagu maîrî ma wa kîûmbe nîmaambararîte na îgûrû na makavutania na ma ciûmbe icio ciîngî. Namo mau mengî maîrî igekunîkîra namo.

¹² Wa kîûmbe Kîamthiîcaga na mbere kîrûngîrîrîtie. Kûrîa roho eendaga kûthiî nîkuo cionthe ciathiîcaga itakûgarûrûka.

¹³ Gatagatî ga ciûmbe icio inya irî mwoyo, nîkwaumagîra kîndû gîekariî ta makara ma mwaki maarutaga ûtheri mûkengu na wamûrîkaga ûkauma mveni.

¹⁴ Ciûmbe icio ciathiîcaga na mbere na igacoka na vuva ta rûveni.

¹⁵ Wa ndoretie ciûmbe icio inya nînonire nthugû vau nthî, wa kîûmbe kîrî na nthugû yakîo.

¹⁶ Nthugû icio nîciavanene; na ciavenavenagia ta îthiga rîa goro rîa rangi wa erûû. Ûrîa nthugû icio ciathondeketwe ciavanaga ta nthugû îrî ndaarî ya nthugû îngî.

¹⁷ Nthugû icio ciathiîcaga irûngîrîrîtie na mîena yonthe îna na itakûgarûrûka.

¹⁸ Nthugû icio ciarî cia kûmakania na ndaca na ciecûrîte metho mîena yonthe.

¹⁹ Rîrîa ciûmbe icio irî mwoyo ikûthiî, nthugû nacio ciathiîcaga irî mwena wacio. Rîrîa ciûmbe icio irî mwoyo ciarûga na îgûrû kuuma nthî, wana cio nthugû nîciarûgaga.

²⁰ Kûrîa kuonthe ciûmbe icio irî mwoyo ciendaga kûthiî nîciathiîcaga nacio nthugû ikairûmîrîra, nîûndû nthugû ciathagwa nî ciûmbe icio.

²¹ Rîrîa ciûmbe icio ciathiî, nthugû nîciathiîcaga; rîrîa ciarûngama nacio nthugû ikarûngama. Rîrîa ciarûga na îgûrû kuuma nthî nacio nthugû ikarûga na îgûrû vamwe nacio, nîûndû nthugû ciathagwa nî ciûmbe icio.

²² Îgûrû rîa ciongo cia ciûmbe icio inya irî mwoyo kwarî na kîndû gîekariî ta mûtambarûko wa matu mairû, gîakengaga ta gîcicio.

²³ Rungu rwa mûtambarûko ûcio, ciûmbe irîa inya irî mwoyo ciarûngamîte ikûnjûrîte mathagu ma cio maîrî, wa îthagu rîerekerete îthagu rîa kîûmbe kîrîa kîrî mwena wa îthagu rîu. Namo mathagu mau mengî maîrî wa kîûmbe gîgekunîkîra namo.

²⁴ Nînegwire mûgambo wa mathagu ma cio magûrûkîte; mûgambo wamo warî ta wa mûrurumo wa manjî meengî, mûgambo ta wa athigari a mbaara eengî, mûgambo ta wa Ngai. Na rîrîa ciarûngama nîciakûnjaga mathagu mau.

²⁵ Nîgwacokire gûgîûka mûgambo kuuma îgûrû rîa mûtambarûko wa matu ûrîa ûrî îgûrû rîa ciongo cia cio.

²⁶ Îgûrû rîa mûtambarûko ûcio nînonire kîndû gîekariî ta gîtî Kîam ûnene Kîam rangi wa erûû. Na ûrîa wekarîrîte gîtî kîu ekariî ta mûndû.

²⁷ Mwena wa îgûrû kuuma varîa vekariî ta kîûnû, Kîamvenavenagia ta cuuma ya gîcango îthiûrûrûkîrîtue nî mwaki. Naguo mwena wa gûcoka na nthî wa kuuma vau vekariî ta kîûnû, gwekariî ta mwaki na kûrî na ûkengu ûmûthiûrûrûkîrîtie.

²⁸ Ûkengu ûcio warî na marangi ta ma mûkûngambura. Ûguo nîguo mûvano wa ûkengu wa riiri wa Ngai-Mûnene wekariî. Rîrîa nawonire nînegwîthirie ngîturumithia ûthiû nthî, na ngîgua mûgambo wambarîria.