Atir 15 - ÎVUKU RÎA ÛVORO MWARO

¹ Mekaranga Samusoni nîwathiîre gûcerera mûka îvinda rîa maketha ma ngano na akîmûvirîra koori ka mbûri. Nîwerire mûthoniwe atîrî, “Nîrenda kûthiî nyomba kwa mûka wakwa.” Nwatî mûthoniwe ndeetîkîria Samusoni atonye kuo.

² Mûthoniwe wa Samusoni nîwamwîrire atîrî, “Na ma nie neciragia atî nîwamûmenire viû, kwoguo nînaamûvecanire kûrî mûrataguo. Nwatî kûnarî ûguo mwarwamg'ina ûrîa mûnini nî mûthaka gûkîra mûkaguo. Nakûthaitha tu mwoce vandûrî vake.”

³ Nake Samusoni nîwamerire atîrî, “Vîndî îno, nie ndikaaûrua nîûndû wa maûndû marîa ngwîka Afilisiti!”

⁴ Kwoguo Samusoni nîwathiîre na agîoca mbwe magana mathatû (300). Nîwaciovanirie na mîkia yacio igîrî igîrî, agîcoka akîoverera kîmûrî Kîam mwaki wa îkundorî rîa mîkia yacio.

⁵ Nîwacokire akîmundia mwaki imûrîrî icio na akîrekereria mbwe icio ithiî mîgûndarî ya Afilisiti îrîa yarî na ngano. Nîciavîvirie ngano irîa ciarî ngethe na irîa itarî ngethe, wa vamwe na mîgûnda yao ya mîthavibu.

⁶ Rîrîa Afilisiti maaûrîrîrie mûndû ûrîa wekîte ûguo, nîmaamenyire atî nî Samusoni wekîte guo nîûndû mûthoniwe wa kuuma Timuna nîwocete mûka wa Samusoni na akamûvecana kûrî mûndû wîngî mûrata wa Samusoni. Kwoguo Afilisiti nîmaathiîre na makîvîvia mûndûmûka ûcio vamwe na andû a mûciî wao magîkua.

⁷ Nake Samusoni nîwamerire atîrî, “Ethîrwa ûguo nîguo mwîkaga, nînîîvîta atî ndingîthiî ndambîte kwîrîvîrîria kûrî mue!”

⁸ Samusoni nîwaûragire Afilisiti eengî mûno, na agîcoka agîkara ngurungarî ya îthiga rîrîa rîarî Etamu.

Samusoni nîwavootire Afilisiti

⁹ Afilisiti nîmaathiîre na makîamba magema mao kûu Juda, na makîtharîkîra îtûûra rîa Lehi.

¹⁰ Nao andû a Juda nîmaaûririe Afilisiti atîrî, “Mûratûtharîkîra nîkî?” Nao nîmaacokirie atîrî, “Tûraûkire kûnyita Samusoni nîguo tûmwîke wata ûrîa wanake aatwîkire.”

¹¹ Kwoguo arûme ngiri ithatû (3,000) a Juda nîmaathiîre ngurungarî ya îthiga rîa Etamu na makîra Samusoni atîrî, “Nîkwa ûtaicî atî Afilisiti nîo matwathaga? Nîkwa ûtûîkîte atîa?” Nake Samusoni nîwamacokerie atîrî, “Nîramekire wata ûrîa wanao maambîkire.”

¹² Arûme acio a Juda nîmeerire Samusoni atîrî, “Tûkire gûkû nîguo tûkûove na tûkûvire kûrî Afilisiti.” Nake Samusoni nîwamerire atîrî, “Îîvîteni kûrî nie atî, mue ene tîmûmbûraga.”

¹³ Nao nîmaamwîrire atîrî, “Tue tûtîkûraga. Tûrenda gûkwova tûcoke tûkûvire kûrî Afilisiti.” Kwoguo nîmaamwovire na mîkanda îîrî îno îtanova kîndû rîngî na makîmûruta ngurungarî ya îthiga.

¹⁴ Rîrîa aakinyire Lehi, Afilisiti nîmaavinyûrire na kûrîa aarî makîmugagîrîria. Naguo roho wa Ngai-Mûnene nîwamwîkîrire vinya wa rîmwe na agîtucanga mîkanda îrîa yamwovanîtie njara. Yatuîkangire îkîgûcaga nthî ta mûvûra ûvîvîtue nî mwaki.

¹⁵ Nîwacokire akîona îvîndî rîa rûthîa rwa mvunda yakuîte îvinda rîtaarî îraca. Nîwarîocire na akîûraga arûme ngiri îmwe narîo.

¹⁶ Kwoguo Samusoni nîwaugire atîrî, “Naaûragire arûme ngiri îmwe na îvîndî rîa rûthîa rwa mvunda, naamaiganîrîre vamwe ngîtûmagîra îvîndî rîa rûthîa rîa mvunda.”

¹⁷ Rîrîa aarîkirie kuga ûguo, nîwatere îvîndî rîa rûthîa rwa mvunda rîu aarî narîo. Vandû vau ûndû ûcio wekîkîre veetirwe Ramathu Lehi

¹⁸ Samusoni nîwacokire akînyonda mûno, kwoguo nîwetire Ngai-Mûnene na akîmwîra atîrî, “Nîwe ûmvotithîtie kûvootana na ûvootani mûnene ûguo. Rîu nîkwa ûrenda ngue nî nyonda na nyitwe nî Afilisiti aya mataruaga?”

¹⁹ Ngai nîwatûmire nthî îgîe na karima kûu Lehi na manjî makiumîrîra karimarî kau. Samusoni nîwanyuire manjî mau na akîambîrîria kwîgua waro. Kwoguo kathima kau nîgeetirwe Eni-hakore. Kathima kau gatûûraga kûu Lehi nginya ûmûnthî.

²⁰ Samusoni aatirîrîre Isiraeli îvinda rîa mîaka mîrongo îîrî (20) vîndî îrîa Afilisiti maathaga vûrûrirî ûcio.