Alawi 14 - ÎVUKU RÎA ÛVORO MWARO

Ûrîa andû marwarîte mîrimû mîcûku ya ngothi maatheragua

¹ Ngai-Mûnene nîwerire Musa atîrî,

² “Mama nîmo mawatho megiî mambura ma kûtheria mûndû avonetue mûrimû mûcûku wa ngothi. Rîrîa mûthînjîri-Ngai akeerwa ûvoro wa mûndû ûcio ûrarwarîte,

³ Mûthînjîri-Ngai nîakaathiî kûrî mûndû ûcio na amûrorie waro. Ethîrwa mûndû ûcio arî mûvonu mûrimû ûcio mûcûku wa ngothi,

⁴ Mûthînjîri-Ngai nîakaathana iconi igîrî ntheru ikaavirwa, vamwe na kamûtî ka mûtarakwe, mûkumbû mûtune na karûvûa ka hisofu, nîûndû wa mûndû ûcio ûkûtherua.

⁵ Mûthînjîri-Ngai nîagaacoka athane atî gîconi kîmwe gîa cio kîûragîrwe mbakûrirî ya yûmba îrî na manjî matheru matavîtwe vandû varîa matherûkaga.

⁶ Nîagaacoka oce gîconi kîu kîngî, kamûtî ka mûtarakwe, mûkumbû ûcio mûtune vamwe na karûvûa ka hisofu, na aitovokie nthakamerî ya gîconi kîu kîûragîrîtwe mbakûrirî îrî na manjî matheru matavîtwe vandû varîa matherûkaga.

⁷ Mûthînjîri-Ngai nîakaaminjîria mûndû ûrîa ûkûtherua kuumana na mûrimû mûcûku wa ngothi nthakame îo maita mûgwanja, na arîkia gwîka ûguo auge atî mûndû ûcio nî mûtheru. Nîagaacoka arekererie gîconi kîu kîrî mwoyo kîgûrûke.

⁸ Mûndû ûcio nîakaathambia nguo ciake cionthe, enje njuîrî ciake cionthe na nîakaathera. Vuva wa ûguo nîagaacoka kûrî andû acio engî, nwatî nîagekara nja ya îgema rîake îvinda rîa mîthenya mûgwanja.

⁹ Mûthenya wa mûgwanja mûndû ûcio nîakeenja njuîrî cia kîongo gîake rîngî, nderu ciake, njuîrî ciake cia metho, na njuîrî icio ciîngî cionthe cia mwîrî wake. Nîagaacoka athambie nguo ciake, ethambie na nîakaathera.

¹⁰ “Mûthenya wa kanana nîakaaruta tûtûrûme twîrî na kamwatî, irî na ûkûrû wa mwaka ûmwe na itarî na wonje, kilo ithatû cia mûtu mûvinyu ûtukanîtue na maguta ma ndamaiyû, na mililita magana mathatû ma mîrongo îthatû (330 ml) cia maguta ma ndamaiyû.

¹¹ Mûthînjîri-Ngai nîakaathiî na mûndû ûcio vamwe na matega mau vau mûromorî wa îgema rîa Ngai-Mûnene.

¹² Mûthînjîri-Ngai nîagooca gatûrûme kamwe vamwe na mililita magana mathatû ma mîrongo îthatû (330 ml) cia maguta na airute irî îtega rîa kûtheria mevia. Akaairuta irî kîveo Kîam mwanya kûrî Ngai-Mûnene.

¹³ Nîakaaûragîra gatûrûme vandû varîa vatheru, varîa nyamû cia matega ma kûtheria mevia na cia matega ma kûvîvua ciûragagîrwa. Nwanginya ageeka ûguo nîûndû îtega rîa wîvia na îtega rîa kûtheria mevia nî ma mûthînjîri-Ngai na nî matheru mûno.

¹⁴ Mûthînjîri-Ngai nîagooca nthakame îmwe ya îtega rîa kûthiria mevia na amîvake gûtûûrî kwa ûrîo, Kîamrarî kîrîa kînene Kîam njara ya ûrîo, na Kîamrarî kîrîa kînene gîa kûgûrû kwa ûrîo kwa mûndû ûrîa ûkûtherua.

¹⁵ Mûthînjîri-Ngai nîagooca maguta mamwe ma ndamaiyû na ametûrûre rûvîrî rwake rwa njara ya ûmotho.

¹⁶ Nîagaatovokia Kîamra kîmwe gîake Kîam njara ya ûrîo magutarî mau na aminjaminje mamwe mamo vau mbere ya Ngai-Mûnene maita mûgwanja.

¹⁷ Nîagooca maguta mamwe marîa makethîrwa matigarîte rûvîrî rwake na amavake îgûrû rîa nthakame ya îtega rîa kûthiria mevia îrîa îvakîtwe gûtûûrî kwa ûrîo kwa mûndû ûrîa ûkûtherua, Kîamrarî kîrîa kînene Kîam njara ya ûrîo, wana Kîamrarî kîrîa kînene gîa kûgûrû kwa ûrîo gwake.

¹⁸ Nîagetîrîria maguta marîa makethîrwa matigarîte rûvîrî rwake kîongorî Kîam mûndû ûcio ûkûtherua. Ûguo nîguo mûthînjîri-Ngai akaarûtha mambura ma kûtheria mûndû ûcio.

¹⁹ “Mûthînjîri-Ngai nîagaacoka arute îtega rîa kûtheria mevia na arûthe mambura ma kûtheria mûndû ûrîa ûkûtherua. Vuva wa ûguo mûthînjîri-Ngai nîakaaûraga nyamû ya îtega rîa kûvîvua,

²⁰ na amîrutîre metharî ya kîgongoona vamwe na îtega rîa irio cia mûgûnda. Ûguo nîguo mûthînjîri-Ngai akaarûtha mambura ma kûtheria mûndû ûcio, na mûndû ûcio nîakaathera.

²¹ Nwatî ethîrwa mûndû nî mûthîni na ndangîona indo icio, nîakaaruta gatûrûme kamwe tu karî ga kûmûtheria mevia. Nîgakaanengerwa mûthînjîri-Ngai karî kîveo Kîam mwanya kûrî Ngai-Mûnene. Mûndû ûcio nîakaaruta kilo îmwe tu ya mûtu mûvinyu ûtukanîtue na maguta ma ndamaiyû rîrî îtega rîa irio cia mûgûnda, vamwe na mililita magana mathatû ma mîrongo îthatû ma maguta ma ndamaiyû.

²² Wana nîakaaruta ndutuura igîrî kana macîa maîrî; wa kîrîa akaavota. Gîconi kîmwe gîkethîrwa kîrî Kîam îtega rîa kûtheria mevia nakîo kîu kîngî kîrî Kîam îtega rîa kûvîvua.

²³ Mûthenya wa kanana wa mambura ma kûtherua gwake, nîakaaivira kûrî mûthînjîri-Ngai vau mûromorî wa îgema rîa Ngai-Mûnene.

²⁴ Mûthînjîri-Ngai nîagooca gatûrûme ka îtega rîa kûtheria mevia, vamwe na mililita magana mathatû ma mîrongo îthatû ma maguta ma ndamaiyû na airute irî îtega rîa mwanya kûrî Ngai-Mûnene.

²⁵ Nîakaaûraga gatûrûme ka îtega rîa kûtheria mevia na oce nthakame îmwe yako na amîvake gûtûûrî kwa ûrîo, Kîamrarî kîrîa kînene Kîam njara ya ûrîo, na Kîamrarî kîrîa kînene gîa kûgûrû kwa ûrîo kwa mûndû ûrîa ûkûtherua.

²⁶ “Mûthînjîri-Ngai nîagekîra maguta mamwe rûvîrî rwake rwa njara ya ûmotho,

²⁷ na atovokie Kîamra gîake kîmwe Kîam njara ya ûrîo magutarî mau na aminjaminje mamwe ma mo vau mbere ya Ngai-Mûnene maita mûgwanja.

²⁸ Nî agaacoka avake maguta mamwe îgûrû rîa nthakame ya îtega rîa kûtheria mevia îrîa îvakîtwe gûtûûrî kwa ûrîo kwa mûndû ûcio ûkûtherua, Kîamrarî kîrîa kînene Kîam njara yake ya ûrîo, na Kîamrarî kîrîa kînene gîa kûgûrû gwake kwa ûrîo.

²⁹ Nî agetîrîria maguta marîa makethîrwa matigarîte rûvîrî rwake kîongorî Kîam mûndû ûcio ûkûtherua. Ûguo nîguo mûthînjîri-Ngai akaarûtha mambura ma kûtheria mûndû ûcio.

³⁰ Mûndû ûcio nî agaacoka arute ndutuura îmwe kana îcîa rîmwe, wa kîrîa angîona

³¹ rîrî îtega rîa kûtheria mevia, nayo ndutuura îo îngî kana îcîa rîu rîngî arute vamwe na irio cia mûgûnda rîrî îtega rîa kûvîvua. Ûguo nîguo mûthînjîri-Ngai akaarûtha mambura ma kûtheria mûndû ûcio.

³² Mau nîmo mawatho megiî mûndû arwarîte mûrimû mûcûku wa ngothi na ethîrwe atangîvota kwona matega ma kûmûtheria ta andû arîa engî.”

Mûrimû mûcûku Nyombarî

³³ Ngai-Mûnene nîwerire Musa na Aroni atîrî,

³⁴ “Rîrîa mûgaakinya vûrûrirî wa Kanaani ûrîa ngaamûva mwîgwatîre, na mûndû one atî nie nîndûmîte nyomba yake înyitwe nî Milideu,

³⁵ mwene nyomba îo nîakaathiî kwîra mûthînjîri-Ngai ûvoro ûcio.

³⁶ Nake mûthînjîri-Ngai nîakaathana indo cionthe irutwe nyombarî îo mbere ya athiî kûroria gîko kîu, nîguo indo irîa irî nyombarî îo itikerwe atî, tî ntheru. Vuvarî mûthînjîri-Ngai nîagaatonya nyombarî îo

³⁷ na arorie gîko kîu. Ethîrwa nthingorî cia nyomba îo kûrî na tûrima tûrî na rangi wa mathangû kana tûtengo twa rangi ndune,

³⁸ mûthînjîri-Ngai nîakaauma nyombarî îo na amîvinge na îkare îvinda rîa mîthenya mûgwanja.

³⁹ Mûthenya wa mûgwanja mûthînjîri-Ngai nî agaacoka rîngî kûroria nyomba îo. Ethîrwa gîko kîu kîrî gîtambu nthingorî cia nyomba,

⁴⁰ nî akaathana atî mathiga marîa magwatîtwe nî gîko marutwe na maikue vandû varîa vatarî vatheru na kûu nja ya îtûûra.

⁴¹ Vuva wa ûguo, nî akaauga atî mwena wa ndarî wa nthingo cionthe ûng'arwe na mûthetu ûcio ûkang'arwa wikue vandû varîa vatarî vatheru na kûu nja ya îtûûra.

⁴² Andû nî magaacoka moce mathiga mengî na mamekîre varîa mau mengî mararî na moce ndaka îngî na mathinge nyomba nayo.”

⁴³ Nyomba îngînyitwa nî gîko kîu rîngî vuva wa mathiga kûrutwa na nthingo kûng'arwa na kûthingwa rîngî,

⁴⁴ mûthînjîri-Ngai nî akaathiî na arorie rîngî. Ethîrwa gîko kîu kîrî gîtambu, kîu nî gîko gîtangîthira; nyomba îo tî ntheru.

⁴⁵ Nyomba îo nwanginya îkomomorwa na mathiga mayo, mbaû ciayo na ndaka yonthe îrîa îmîthingîte ivirwe vandû varîa vatarî vatheru na kûu nja ya îtûûra.

⁴⁶ Makîria ya ûguo, mûndû wa wonthe ûgaatonya nyomba îrî mvinge akethîrwa atarî mûtheru nginya kîvwaî.

⁴⁷ Ûndû wîngî nî atî, mûndû wa wonthe ûkamama kana arîîre irio nyombarî îo nwanginya akaathambia nguo ciake.

⁴⁸ Nwatî rîrîa mûthînjîri-Ngai angîthiî kûroria na one atî nyomba tî nyite nî gîko kîu rîngî vuva wa kûthingwa, nî akaauga atî nyomba îo nî ntheru, nîûndû gîko nî kîthiru.

⁴⁹ Nîûndû wa kûtheria nyomba, mûthînjîri-Ngai nî agooca iconi igîrî, kamûtî ka mûtarakwe, mûkumbû mûtune na karûvûa ka hisofu.

⁵⁰ Nî akaaûragîra gîconi kîmwe mbakûrirî ya yûmba îrî na manjî matheru matavîtwe vandû varîa matherûkaga.

⁵¹ Nî agaacoka oce kamûtî ka mûtarakwe, karûvûa ka hisofu, mûkumbû mûtune vamwe na gîconi kîu kîrî mwoyo na aitovokie nthakamerî ya gîconi kîrîa kîûragîtwe îtukanîte na manjî matheru matavîtwe vandû varîa matherûkaga, na amîminje nyomba îo maita mûgwanja.

⁵² Ûguo nîguo mûthînjîri-Ngai akaatheria nyomba na nthakame ya gîconi, manjî matheru matavîtwe vandû varîa matherûkaga, gîconi kîrî mwoyo, kamûtî ka mûtarakwe, karûvûa ka hisofu na mûkumbû mûtune.

⁵³ Nî agaacoka arekererie gîconi kîu kîrî mwoyo kîgûrûke. Ûguo nîguo mûthînjîri-Ngai akaarûtha mambura ma kûtheria nyomba, na nîîkathera.

⁵⁴ Mama nîmo mawatho megiî mîrimû mîcûku ya ngothi,

⁵⁵ gîko nguorî kana nyombarî kiumanîte na milideu,

⁵⁶ nyimba, matoo kana irema.

⁵⁷ Mawatho mama nîmo monanagia rîrîa kîndû kîrî kîtheru na rîrîa gîtarî kîtheru.