Ahib 6 - ÎVUKU RÎA ÛVORO MWARO

¹ Kwoguo nîtûtiganîrie maûndû marîa twathomithirue mbere megiî Kristû, na tûthiî na mbere na kîthomo kîrîa kîrî na ûgima. Tûtiagîrîrwe nî gûcokera rîngî ûvoro wîgiî kiumo Kîam maûndû marîa twathomire mbere ta gwîtîkia Ngai na kûgarûrûka kuuma kûrî ciîko irîa iretage gîkuû.

² Tûtiagîrîrwe nî gûcokera ûvoro wîgiî magongoona ma ûvatithio na kwiganîrîra njara, kûriûka na îtuîro rîa tene na tene.

³ Na nîtûgwîka ûguo ethîrwa Ngai nîagûtwîtîkîria.

⁴ Andû arîa matiganîrîtie wîtîkio wao nî vinya kûmagarûra nîguo mavere. Nîûndû nîmonete ûtheri na magacama kîveo Kîam îgûrû na makagaîrwa Roho Mûtheru.

⁵ Nîmamenyete atî kiugo Kîam Ngai nî Kîamro vamwe na kûgîa na vinya wa kûmenya vîndî îrîa Ngai akaathana.

⁶ Nîmaatiganîrie wîtîkio wao! Kwoguo nîûndû ûrî na vinya kûmagarûra nîguo merire, nîûndû nî takwa marambithia Mûriû wa Ngai rîngî wa vamwe na kûmûconorithia kûrî andû.

⁷ Ngai arathimaga mûgûnda ûrîa ûnyunyaga mbura îrîa yuraga kuo na îkamerithia mîmera îrîa îgunaga andû arîa mamîrîmaga.

⁸ Nwatî mûgûnda ûcio ûngîmera mîgua na ria, nî wa mana na wavota kûrumwa nî Ngai na ûkavîvua na mwaki.

⁹ Arata akwa, wana ethîrwa nîtwaragia ûguo tûtirî na nganja namue. Nîtwîcî nîmûthiîte na njîra îrîa mbaro ya kûmûkinyia ûvonokiorî wenyu.

¹⁰ Ngai nî wa kîvooto. Nama akaaririkanaga wîra ûrîa mwarutire, na wendo ûrîa mwonanirie nîûndû wa rîîtwa rîake. Mue nîmwatungatîre akristiano arîa engî na nwa mûrathiî na mbere kûmatungatîra.

¹¹ Tûngîenda mûndû wa wonthe gatagatîrî kenyu athiî na mbere na kûgîa na kîîo nginya mûthiia, nîguo mûnyite na ma maûndû marîa mwîriragîria.

¹² Tûtingîenda mûtuîke igûta. Nwatî tûngîenda mwîgerekanie na andû arîa magaaga ciîranîro cia Ngai na njîra ya wîtîkio na gûkirîrîria.

Kîîranîro kîa Ngai kîa ma

¹³ Rîrîa Ngai aathondekire kîîranîro gîake na Iburahimu nîwevîtire na rîîtwa rîake ke mwene, nîûndû gûtirî wîngî warî mûnene kûmûkîra.

¹⁴ Nîwaugire atîrî, “Nama nîngaakûrathima na ngwîngîvîrie njiarwa ciaku.”

¹⁵ Iburahimu nîwekarire etererete, kwoguo nîwamûkîre kîrîa Ngai aamwîrîrîte.

¹⁶ Andû matûmagîra rîîtwa rîa mûndû ûrîa mûnene kûmakîra rîrîa makwîvîta, naguo mwîvîto ûcio nîûthiragia ngarari cionthe.

¹⁷ Ngai nîwendire kwonia andû arîa makagaa ciîranîro ciake atî îtua rîake nî rîa ma. Kwoguo nîwevîtire atî ke nîakaavingia ciîranîro ciake.

¹⁸ Kûrî na maûndû maîrî marîa matangîgarûrîka namo nî atî: Ngai ndangîîricûkwa rîrîa akwîranîra ûndû, na ndangîveenania rîrîa akwîvîta. Maûndû mama nîmatûmagîrîria tue arîa tûthiîcaga kûrî Ngai nîguo atûgitîre, na nîmatûvecaga vinya wa gûtûûra tûrî na kîîrîgîrîro kîrîa kigîtwe mbere yetû.

¹⁹ Ûndû ûcio twîthagîrwa twîrîgîrîrîte nîûtûmaga twîkarage tûkîgucaga tûrî agitîre. Kîîrîgîrîro kîu nî Kîam ma na kîrî vinya na nîgîtonyagîra gîtambaarî Kîam hekarû ya îgûrû gîgakinya ndaarî varîa vatheru.

²⁰ Nake Jesû nîmûtonyu vo vandûrî vetû na nîmûtuîku Mûthînjîri-Ngai ûrîa mûnene wa tene na tene wata Melikizedeki.