2Maû 3 - ÎVUKU RÎA ÛVORO MWARO

¹ Solomoni nîwambîrîrie gûtuma hekarû ya Ngai-Mûnene Jerusalemu kîrîmarî Kîam Moria varîa Ngai-Mûnene aaumîrîre Daudi, îthe wa Solomoni îtîrirî rîa Orinani wa kuuma Jebusi. Vau nîvo Daudi aathuurîte.

² Solomoni aambîrîrie gûtuma hekarû mweri wa kaîrî mwaka wa kana kuuma atuîka mûthamaki.

³ Mûthamaki Solomoni aatumire hekarû ya ûraca wa mita mîrongo îîrî na mûgwanja (27) na wariî wa mita kenda (9).

⁴ Kîthaku kîrîa kîrî mbere ya mûromo wa hekarû Kîamrî Kîam wariî wa mita kenda (9) ta wa hekarû na ûraca na îgûrû wa mita mîrongo îtano na inya (54). Ndaarî ya kîthaku kîu nîwakîvakire thaavu ntheri.

⁵ Ndaarî ya hekarû nîwamîvûrîre mbaû cia mîtarakwe na nîwaivakire thaavu ntheri. Nîwacokire akîmîgemia na mîcoro yekariî ta mîtî ya mîkîndû na mîkathî.

⁶ Mûthamaki nîwacokire akîmîgemia na mathiga ma goro na thaavu ya kuuma Parivaimu.

⁷ Nîwavakire thaavu hekarûrî îgûrû mwena wa ndaarî, nthingorî, itugîrî cia kûrûngamia mîrango, mîrangorî na nîwacire mîvuano ya akerubi nthingorî.

⁸ Nîwacokire agîtuma vandû varîa vatheru mûno. Ûraca wa vo warî wa mita kenda (9) na wariî wa mita kenda (9) ta wariî wa hekarû. Nîwatûmîre tani mîrongo îîrî (20) cia thaavu ntheri kûvaka vandû varîa vatheru mûno.

⁹ Mîcumarî yarûthîtwe na thaavu ya ûrito wa ngiramu magana matano ma mîrongo mûgwanja (570). Nîwavakire thaavu nthingo cia tûnyomba twa îgûrû.

¹⁰ Mûthamaki nîwarûthire mîvuano îîrî ya akerubi na mîtî na akîmavaka thaavu. Nîwaigire mîvuano îo vandû varîa vatheru mûno.

¹¹ Wa mûvuano wa kerubi warî na mathagu maîrî. Îthagu rîmwe rîarî na ûraca wa mita igîrî na cendimita mîrongo îîrî (2.20). Îthagu rîmwe rîa kerubi rîakûnjûkîte rîkavutia rûthingo, narîo rîu rîngî rîkavutia îthagu rîa kerubi îo îngî.

¹² Narîo îthagu rîmwe rîa kerubi ya kaîrî rîavutîtie rûthingo, narîo rîu rîngî rîavutanîtie na îthagu rîa kerubi ya mbere. Mathagu monthe ma akerubi nî meganene.

¹³ Mîvuano îo ya akerubi yarûngamîte na magûrû ma yo yerekerete hekarûrî. Mathagu ma yo makûnjûkîte vandû va wariî wa mita kenda.

¹⁴ Nîwatumire gîtambaa Kîamro na ndigi cia rangi wa vururu, njambarawe na rangi ndune gîa kûgaania vandû varîa vatheru mûno. Nîwagemirie gîtambaa kîu na mîvuano ya akerubi.

Itugî igîrî cia Gîcango

¹⁵ Mûthamaki Solomoni nîwarûthire itugî igîrî cia gîcango mbere ya hekarû. Itugî icio ciarî cia ûraca na îgûrû wa mita îkûmi na ithano na nuthu (15.5), wa gîtugî. Nacio ciongo cia itugî icio, wa kîongo Kîamrî Kîam ûraca wa mita igîrî na cendimita mîrongo îîrî (2.20).

¹⁶ Nîwacokire akîrûtha inyamû itumanîtue ta neti igemetue na tûnyamû twîkariî ta mîkanda ya nyororo yokothanîtue cia gwîkîra ikunîkorî cia itugî icio. Nîwacokire akîrûtha ngûngûmanga îgana rîmwe na agîciîkîra nyorororî icio.

¹⁷ Nîwarûthire itugî igîrî mîenarî ya mbere ya hekarû. Gîtugî kîmwe Kîamrî mwena wa îveti na kîu kîngî mwena wa rûgûrû. Kîrîa Kîamrî mwena wa îveti gîetagwa Jakini, nakîo kîrîa Kîamrî mwena wa rûgûrû gîetagwa Boazu.