1Sam 29 - ÎVUKU RÎA ÛVORO MWARO

Afilisiti nîmaaregire Daudi

¹ Afilisiti nîmaaûnganirie athigari ao a mbaara vamwe kûu Afeku, nao Aisiraeli makîamba magema mao vakuvî na kîthima kîrîa Kîamrî Kîamndarî Kîam Jezireeli.

² Nao atongoria atano a Afilisiti nîmaavîtûkire marî na ikundi ciao cia athigari îgana na cia athigari ngiri. Nake Daudi marî na andû ake nîmaavîtûkire vuvarî marî na mûthamaki Akishi.

³ Rîrîa anene a athigari a Afilisiti maamoonire nîmaaûririe atîrî, “Ahibirania aya mareka atîa gûkû?” Nake Akishi nîwacokirie atîrî, “Ûyû nî Daudi, ndungata ya Saûlo mûthamaki wa Isiraeli. Mbîthîrîtwe nîrî nake kwa îvinda îraca. Kuuma rîrîa aaûkire kûrî nie, ndianamwona na îvîtia.”

⁴ Nwatî anene a athigari a Afilisiti nîmaarakarîre Akishi mûno na makîmwîra atîrî, “Mwîre acoke îtûûra rîrîa wamûveere. Ndûkamwîtîkîrie athiî natue mbaararî, nîûndû tûrî mbaara avota kûgarûrûka agatuîka nthû yetû. Mûndû ûyû angîvota atîa kwîgucana na mwathi wake tiga nwa aûragire andû etû?

⁵ Kinthî ûyû tî Daudi ûrîa aka maainîre makîrûgarûgaga makiugaga atî, ‘Saûlo nîaûragîte andû ngiri nyîngî, nwatî Daudi nîaûragîte andû ngiri makûmi meengî?’ ”

⁶ Akishi nîwetire Daudi na akîmwîra atîrî, “Nie nevîta na Ngai-Mûnene ûrîa ûtûûraga mwoyo atî we nîwîthîrîtwe ûndungatîrîte na wîvokeku, na nîngîakena kethîrwa nî twathiî nawe mbaararî nîûndû ndirî nakwona na îvîtia wanarî rîmwe kuuma mûthenya ûrîa waûkire kûrî nie nginya ûmûnthî. Nwatî atongoria arîa engî matirakwenda.

⁷ Kwoguo coka mûciî na thayû na nîguo ndûgeke ûndû wa kûmarakaria.”

⁸ Daudi nîwerire Akishi atîrî, “Nîkwa mbîkîte îvîtia rîrîkû mwathi wakwa? Ethîrwa wata ûguo wauga, we ndûrî wamona na îvîtia wanarî rîmwe kuuma mûthenya ûrîa naambîrîrie gûgûtungatîra rî, nîndûî gîkûgiria nthiî nawe ngarûe na nthû ciaku mwathi wakwa mûthamaki?”

⁹ Nake Akishi nîwacokerie Daudi atîrî, “Ûrî mwathîki mbere yakwa ta mûraika wa Ngai. Kûnarî ûguo atongoria arîa engî a Afilisiti maugîte atî tûtingîthiî nawe mbaararî.

¹⁰ Kwoguo ûgaaûkîra rûyû kîraûko tene mûrî na ndungata cia mwathi waku Saûlo irîa mwaûkire nacio na mwambîrîrie kûthiî wa rîmwe kwagîa na ûtheri.”

¹¹ Kwoguo Daudi na andû ake nîmaaûkîrire kîraûko tene Kîam mûthenya ûcio wîngî na magîcoka vûrûrirî wa Afilisiti. Nao Afilisiti nîmaathiîre nginya Jezireeli.