1Maû 9 - ÎVUKU RÎA ÛVORO MWARO

Andû arîa maacokire kuuma îthamîriorî

¹ Andû onthe a Isiraeli nîmaandîkirwe mûtaratara wao kûringana na njiarwa ciao. Marîîtwa mao nîmaandîkirwe îvukuurî rîa athamaki a Isiraeli. Andû a Juda maavirîtwe îthamîriorî Babuloni nîûndû wa kûrega gûtuîka evokeku kûrî Ngai.

² Andû a mbere arîa maacokire na magatûûra vûrûrirî wao na matûûrarî mao maarî: Aisiraeli, athînjîri-Ngai, Alawi na aruti wîra a hekarû.

³ Andû a mîvîrîga ya Juda, Benjamini, Efiraimu, na Manase nîmaathiîre gûtûûra Jerusalemu.

⁴ Uthai mûvîcî wa Amihudi, Amihudi mûvîcî wa Omuri, Omuri mûvîcî wa Imuri. Imuri aarî mûvîcî wa Bani, Bani aarî wa njiarwa cia Perezi mûvîcî wa Juda.

⁵ Andû a Shilo nao maarî Asaia arî îrikithathi na avîcî ake.

⁶ Avîcî a Zera maarî: Jeueli na andû ao. Andû onthe maarî magana matandatû ma mîrongo kenda (690).

⁷ Kuuma mûvîrîga wa Benjamini maarî: Salu mûvîcî wa Meshulamu, Meshulamu mûvîcî wa Hadavia, Hadavia mûvîcî wa Hasenua,

⁸ Ibuneia mûvîcî wa Jerohamu na Ela mûvîcî wa Shefatia. Shefatia aarî mûvîcî wa Reueli, Reueli mûvîcî wa Ibunija,

⁹ na andû ao kûringana na njiarwa ciao. Andû acio onthe maarî magana kenda ma mîrongo îtano na atandatû (956). Andû acio onthe maarî atongoria a nyomba ciao kûringana na nyomba cia methe mao.

Athînjîri-Ngai arîa maatûûraga Jerusalemu

¹⁰ Athînjîri-Ngai aya mandîkîtwe maatûûraga Jerusalemu. Jedaia, Jehoiaribu, Jakini,

¹¹ Azaria mûvîcî wa Hilikia, Hilikia aarî mûvîcî wa Meshulamu, Meshulamu aarî mûvîcî wa Zadoku, Zadoku aarî mûvîcî wa Meraiothi, Meraiothi aarî mûvîcî wa Ahitubu, Ahitubu nîke warî mûnene wa hekarû.

¹² Na kwarî Adaia mûvîcî wa Jerohamu, Jerohamu mûvîcî wa Pashuri, Pashuri mûvîcî wa Malikija, na Maasai mûvîcî wa Adieli. Adieli mûvîcî wa Jahizera, Jahizera mûvîcî wa Meshulamu, Meshulamu mûvîcî wa Meshilemithi, Meshilemithi mûvîcî wa Imeri,

¹³ na andû ao. Athînjîri-Ngai acio maarî atongoria a nyomba ciao maarî ngiri îmwe magana mûgwanja ma mîrongo îtandatû (1,760). Andû acio maarî na ûvoti wa mawîra monthe marîa maarutagwa hekarûrî.

Alawi arîa maatûûraga Jerusalemu

¹⁴ Ûyû nîguo mûtaratara wa Alawi arîa maatûûraga Jerusalemu, nao nî: Shemaia mûvîcî wa Hashubu ûrîa warî mûvîcî wa Azirikamu. Azirikamu mûvîcî wa Hashabia, Hashabia aarî wa rûciaro rwa Merari.

¹⁵ Kwarî na Bakibakari, Hereshi, Galali, na Matania mûvîcî wa Mika. Mika aarî mûvîcî wa Zikiri, Zikiri mûvîcî wa Asafu.

¹⁶ Kwarî na Obadia mûvîcî wa Shemaia. Shemaia mûvîcî wa Galali, na Galali mûvîcî wa Jeduthuni, na Berekia mûvîcî wa Asa, Asa mûvîcî wa Elikana. Elikana aatûûraga gîcagirî Kîam Netofa.

Arangîri a hekarû arîa maatûûraga Jerusalemu

¹⁷ Arangîri a hekarû aya mandîkîtwe maatûûraga Jerusalemu. Nao nî Shalumu, Akubu, Talimoni, na Ahimani na aa mûrwang'ina. Shalumu nîke warî mûtongoria wao.

¹⁸ Arangîri aya kuuma mûvîrîgarî wa Alawi, nginya kavinda kau meekaragia kîvingo gîa gûtonya kwa mûthamaki kîrîa Kîamrî mwena wa îrathîro.

¹⁹ Shalumu mûvîcî wa Kore, mûvîcî wa Ebiasafu marî vamwe na andû ao a mbarî ya Kora nîo maarangagîra kîvingo gîa gûtonya îgemarî rîa Ngai-Mûnene rîa gûtûnganwa wata ûrîa methe mao ma tene wa nao maarangagîra kîvingo Kîam hekarû ya Ngai-Mûnene.

²⁰ Mbererî Finehasi mûvîcî wa Eleazaru nîke warî mûnene wa arangîri a ivingo. Nake Ngai-Mûnene nîwamûtethagia.

²¹ Zakaria mûvîcî wa Meshelamia wana ke aarî mûrangîri wa kîvingo Kîam îgema rîa Ngai-Mûnene.

²² Andû arîa maathuurîtwe marî arangîri a ivingo marî vamwe onthe maarî andû magana maîrî ma îkûmi na aîrî (212). Maandîkîtwe kûringana na njiarwa ciao icagirî irîa maatûûraga. Mûthamaki Daudi na mûrathi Samueli nîo maavete andû acio wîra nîûndû wa wîvokeku wao.

²³ Kwoguo o vamwe na njiarwa ciao nîo maathiîre na mbere kûrangîra ivingo cia nyomba ya Ngai-Mûnene na nwayo îtagwa îgema rîa gûtûnganwa.

²⁴ Arangîri meethagîrwa marî mîena yonthe îna, mwena wa îrathîro, îthûîro, rûgûrû, na mwena wa îveti.

²⁵ Arangîri aya nîmaatethagua nî andû ao arîa maatûûraga icagirî. Nîkwavangîtwe andû acio mathiîcage gûtethia arangîri wa andû mavinda mao vandû va mîthenya mûgwanja.

²⁶ Nwatî arangîri ana arîa meethagîrwa arî o anene maarî Alawi, na nîo maarî amenyereri a tûnyomba twa hekarû na indo irîa ciaigagwa kuo.

²⁷ Maatûûraga vakuvî na hekarû nîûndû nîo maarî arangîri a hekarû na nîo maavetwe wîra wa kûvingûraga ivingo vîndî cionthe kîraûko.

Alawi acio engî

²⁸ Alawi acio engî nîo maamenyagîrîra indo irîa ciatûmagîrwa hekarûrî. Nîo maaitaraga vîndî îrîa ciarutwa, na magaitara igîcokua ciarîkia gûtûmîrwa.

²⁹ Na engî nîmaaveetwe wîra wa kûmenyerera itî, metha na indo irîa nyamûre, mûtu, ndivei, maguta, ûbani na mînyamû îrîa înungaga waro.

³⁰ Nwatî wîra wa gûtukania mînyamû îo yanungaga waro warî wa athînjîri-Ngai.

³¹ Nake Matithia mûvîcî wa Shalumi, îrikithathi rîa Mûlawi wa mbarî ya Kora nîke waveetwe wîra wa kûruga mîgate ya matega.

³² Andû a mbarî ya Kohathu nao maarugaga mîgate îrîa mîamûre ya hekarû mîthenya yonthe ya thavatû.

³³ Alawi amwe maarî aini a nyîmbo. Atongoria a nyomba ciao maatûûraga tûnyombarî twa hekarû na matiagaagîrwa mawîra mengî nîûndû maarutaga wîra ûtukû na mûthenya.

³⁴ Andû aya onthe maarî atongoria a nyomba ciao cia Alawi kûringana na njiarwa ciao na maatûûraga Jerusalemu.

Njiarwa cia mûthamaki Saûlo

³⁵ Jeieli nîke wambîrîrie îtûûra rîa Gibeoni na agîtûûra kuo. Mûka eetagwa Maaka.

³⁶ Mûvîcî wa îrikithathi eetagwa Abudoni. Nao avîcî ake acio engî maarî Zuri, Kishu, Baali, Neri, Nadabu,

³⁷ Gedori, Ahio, Zakaria na Mikilothi.

³⁸ Mikilothi aarî îthe wa Shimea. Wa nao maatûûraga mariganîtie na andû ao kûu Jerusalemu.

³⁹ Neri aarî îthe wa Kishu, nake Kishu aarî îthe wa Saûlo. Saûlo aarî îthe wa Jonathani, Malikishua, Abinadabu na Eshibaali.

⁴⁰ Jonathani aarî îthe wa Meribaali ûrîa warî îthe wa Mika.

⁴¹ Mika aarî îthe wa Pithon, Meleki, Tarea, na Ahazi.

⁴² Ahazi aarî îthe wa Jara, Jara aarî îthe wa Alemethi, Azimavethi na Zimuri. Zimuri aarî îthe wa Moza,

⁴³ Moza aarî îthe wa Binea, Binea aarî îthe wa Refaia, Refaia aarî îthe wa Eleasa, na Eleasa aarî îthe wa Azeli.

⁴⁴ Azeli aarî na avîcî atandatû. Nao maarî: Azirikamu, Bokeru, Ishumaeli, Shearia, Obadia na Hanani.