1Maû 8 - ÎVUKU RÎA ÛVORO MWARO

Njiarwa cia Benjamini

¹ Benjamini aarî na anake atano. Nao maarî: Bela, Ashibeli, Ahara,

² Noha na Rafa.

³ Avîcî a Bela maarî: Adari, Gera, Abihudi,

⁴ Abishua, Naamani, Ahoa,

⁵ Gera, Shefufani, na Huramu.

⁶ Avîcî a Ehudi maarî atongoria a nyomba ciao. Nao maarî: Naamani, Ahija, na Gera.

⁷ Andû aya maatûûraga Geba, nwatî nîmaatwarirwe îthamîriorî na makîthiî Manahathi. Gera îthe wa Uza nîke wamatongoririe makîthiî.

⁸ Shaharaimu nîwatecanîte na aka ake aîrî. Ûmwe eetagwa Hushimu na ûcio wîngî Baara. Vuvarî arî vûrûrirî wa Moabu nîwagîre ciana.

⁹ Nîwavikirie mûndûmûka wetagwa Hodeshi na nîwagîre na ciana mûgwanja. Nao maarî: Jobabu, Zibia, Mesha, Malikamu,

¹⁰ Jeuzi, Sakia, na Mirima. Avîcî ake onthe nîmaatuîkire atongoria a nyomba ciao.

¹¹ Shaharaimu nîwagîte avîcî aîrî na mûka Hushimu. Marîîtwa ma avîcî acio maarî: Abitubu na Elipaali.

¹² Avîcî a Elipaali maarî: Eberi, Mishamu na Shemedi. Shemedi nîke watumire matûûra manene ma Ono na Lodi na icagi irîa ciamathiûrûrûkîrîtie.

Njiarwa cia Benjamini irîa ciarî Gathu na Aijaloni

¹³ Beria na Shema maarî atongoria a nyomba cia andû arîa matûûraga îtûûrarî rîa Aijaloni, na nîo maavinyûririe andû arîa maatûûraga îtûûrarî rîa Gathu.

¹⁴ Nao Ahio, Shashaki, Jeremothi,

¹⁵ Zebadia, Aradi, Ederi,

¹⁶ Mikaeli, Ishipa, na Joha maarî njiarwa cia Beria.

Njiarwa cia Benjamini irîa ciatûûraga Jerusalemu

¹⁷ Avîcî a Elipaali maarî: Zebadia, Meshulamu, Hiziki, Heberi,

¹⁸ Ishimerai, Izilia na Jobabu.

¹⁹ Avîcî a Shimei maarî: Jakimu, Zikiri, Zabudi,

²⁰ Elienai, Zilethai, Elieli,

²¹ Adaia, Beraia na Shimurathi.

²² Avîcî a Shashaki maarî: Ishifani, Eberi, Elieli,

²³ Abudoni, Zikiri, Hanani,

²⁴ Hanania, Elamu, Anithothija,

²⁵ Ifudeia na Panueli.

²⁶ Avîcî a Jerohamu maarî: Shamusherai, Sheharia, Athalia,

²⁷ Jaareshia, Elija na Zikiri.

²⁸ Acio nîo maarî atongoria a mbarî ciao kûringana na njiarwa ciao arîa maatûûraga Jerusalemu.

Njiarwa cia Benjamini irîa ciatûûraga Gibeoni na Jerusalemu

²⁹ Jeieli nîke watumire îtûûra rîa Gibeoni na agîtûûra kuo. Mûka eetagwa Maaka.

³⁰ Mûvîcî wa îrikithathi eetagwa Abudoni akîthingatwa nî Zuri, Kishi, Baali, Nadabu,

³¹ Gedori, Ahio, Zekeri

³² na Mikilothi ûrîa warî îthe wa Shimea. Andû aya maatûûraga Jerusalemu vakuvî na andû acio engî ao.

Andû a nyomba ya mûthamaki Saûlo

³³ Neri aarî îthe wa Kishi, Kishu aarî îthe wa Saûlo. Saûlo aarî îthe wa Jonathani, Malikishua, Abinadabu na Eshibaali.

³⁴ Jonathani aarî îthe wa Meribaali, nake Meribaali aarî îthe wa Mika.

³⁵ Avîcî a Mika maarî: Pithoni, Meleki, Tarea, na Ahazi.

³⁶ Ahazi aarî îthe wa Jehoada. Jehoada aarî na avîcî athatû: Alemethi, Azimavethi, na Zimuri. Zimuri aarî îthe wa Moza.

³⁷ Moza aarî îthe wa Binea, Binea aarî îthe wa Rafa. Rafa aarî îthe wa Eleasa na Eleasa aarî îthe wa Azeli.

³⁸ Azeli aarî na avîcî atandatû. Namo marîîtwa maarî: Azirikamu, Bokeru, Ishumaeli, Shearia, Obadia na Hanani.

³⁹ Esheki aarî mûrwang'ina wa Azeli. Nake aarî na avîcî athatû, nao maarî: Ulamu arî ke îrikithathi, Jeushi arî wa kaîrî na Elifeleti wa kathatû.

⁴⁰ Avîcî a Ulamu maarî njamba cia mbaara na andû a kûguîma. Aarî na avîcî engî, na ciana cia avîcî a avîcî ake eengî. Onthe maarî îgana rîa mîrongo îtano (150) na onthe maarî njiarwa cia Benjamini.