1Maû 7 - ÎVUKU RÎA ÛVORO MWARO

Njiarwa cia Isakaru

¹ Isakaru aarî na avîcî ana. Namo marîîtwa mao maarî: Tola, Pua, Jashubu, na Shimuroni.

² Avîcî a Tola maarî: Uzi, Refaia, Jerieli, Jahimai, Ibusamu na Shemueli. Andû acio maarî atongoria a nyomba cia mbarî ya Tola na maarî njamba cia mbaara vîndî yao vîndî îrîa Daudi aarî mûthamaki. Njiarwa ciao ciarî andû ngiri mîrongo îîrî na igîrî na magana matandatû (22,600).

³ Uzi aarî na mûvîcî ûmwe wetagwa Izirahia. Izirahia aarî na avîcî ana: Mikaeli, Obadia, Joeli na Ishia. Onthe maarî atongoria a nyomba ciao.

⁴ Andû acio maarî na aka eengî mûno na ciana nyîngî. Kwoguo njiarwa ciao ciarî na athigari a mbaara arûme ngiri mîrongo îthatû na ithathatû (36,000).

⁵ Mûvîrîga wa Isakaru matarîtwe na njiarwa ciao maarî ngiri mîrongo înana na mûgwanja (87,000) arîa mangîavotire gûtuîka athigari a mbaara.

Njiarwa cia Benjamini na Dani

⁶ Benjamini aarî na avîcî athatû: Bela, Bekeri na Jadiaeli.

⁷ Avîcî a Bela maarî: Eziboni, Uzi, Uzieli, Jerimothi na Iri. Onthe maarî atano na maarî atongoria a nyomba cia mbarî yao na maarî athigari njamba. Matarîtwe na njiarwa ciao maarî arûme mangîatuîkire athigari a mbaara ngiri mîrongo îîrî na igîrî ma mîrongo îthatû na ana (22,034).

⁸ Avîcî a Bekeri maarî kenda. Nao maarî: Zemira, Joashi, Eliezeri, Elioenai, Omuri, Jeremothi, Abija, Anathothi, na Alemethi.

⁹ Njiarwa ciao itarîtwe kûringana na nyomba ciao onthe kwarî na arûme ngiri mîrongo îîrî na magana maîrî (20,200) njamba cia mbaara, na maarî atongoria a nyomba ciao.

¹⁰ Jadiaeli aarî na mûvîcî ûmwe wetagwa Bilihani. Bilihani aarî na avîcî mûgwanja: Jeushi, Benjamini, Ehudi, Kenaana, Zethani, Tarishishi, na Ahishaha.

¹¹ Avîcî a Jadiaeli maarî atongoria a nyomba cia mbarî ya Jadiaeli na maarî njamba cia mbaara arûme ngiri îkûmi na mûgwanja na magana maîrî.

¹² Shupimu na Hupimu maarî a mûvîrîga ûyû. Dani aarî na mûvîcî wetagwa Hushimu.

Njiarwa cia Nafutali

¹³ Avîcî a Nafutali maarî: Jahizieli, Guni, Jazeri na Shalumu. Acio maarî njiarwa cia Biliha ûrîa warî mûka wa Jakovu wa kwigwa.

Njiarwa cia Manase

¹⁴ Avîcî a Manase arîa aaciarîrwe nî mûka wa kwigwa wa kuuma Aramea maarî: Asirieli na Makiru. Makiru aarî îthe wa Gileadi.

¹⁵ Makiru nîwacarîrie Hupimu na Shupimu aka. Mwarwang'ina wa Makiru eetagwa Maaka. Nake mûvîcî wa Makiru wa kaîrî eetagwa Zelofehadi na aarî na erîtu atheri, ndaarî na anake.

¹⁶ Mûka wa Makiru ûrîa wetagwa Maaka nîwaciarire tûvîcî twîrî na agîtwîta Pereshi na kau kengî Shereshi. Pereshi nîwagîre na avîcî aîrî. Ûmwe eetagwa Ulamu na ûcio wîngî Rakemu.

¹⁷ Ulamu nîwaciarire mûvîcî wetagwa Bedani. Aya onthe maarî njiarwa cia Gileadi. Gileadi aarî mûvîcî wa Makiru, nake Makiru aarî mûvîcî wa Manase.

¹⁸ Mwarwang'ina na Gileadi wetagwa Hamolekethi aarî na avîcî athatû. Marîîtwa mao maarî: Ishodi, Abiezeri na Mahila.

¹⁹ Shemida aarî na avîcî ana na marîîtwa mao maarî: Ahiani, Shekemu, Likihi na Aniamu.

Njiarwa cia Efiraimu

²⁰ Efiraimu aarî na mûvîcî wetagwa Shuthela. Mûvîcî wa Shuthela eetagwa Beredi, mûvîcî wa Beredi eetagwa Tahathi, mûvîcî wa Tahathi eetagwa Eleadi. Mûvîcî wa Eleadi eetagwa Tahathi.

²¹ Mûvîcî wa Tahathi eetagwa Zabadi, mûvîcî wa Zabadi eetagwa Shuthela. Efiraimu aarî na avîcî engî aîrî meetagwa, Ezeri na Eleadi. Ezeri na Eleadi nîmaaûragîtwe nî andû arîa maatûûraga Gathu mathiî kwîa ndîthia ciao.

²² Îthe wao Efiraimu nîwamacakaîre îvinda rîa mîthenya mîngî na andû ao nîmaaûkire kûmûmîrîria.

²³ Efiraimu nîwamenyanire kîîmwîrî na mûka rîngî na agîciara mûvîcî ûrîa maatuîrîre rîîtwa Beria, nîûndû wa mathîna marîa maaûkîte kwao mûciî.

²⁴ Efiraimu aarî na mwarî wetagwa Sheera. Sheera nîke watumire matûûra ma Bethi-horoni ya mwena wa îgûrû na ya mwena wa îveti, na agîtuma îtûûra rîa Uzeni Sheera.

²⁵ Efiraimu aarî na mûvîcî wîngî wetagwa Refa. Nacio njiarwa ciake ciarûmanîrîrîte ta ûû. Refa aarî îthe wa Reshefu, Reshefu aarî îthe wa Tela, Tela aarî îthe wa Tahani.

²⁶ Tahani aarî îthe wa Ladani, Ladani aarî îthe wa Amihudi, Amihudi aarî îthe wa Elishama.

²⁷ Elishama aarî îthe wa Nuni, nake Nuni aarî îthe wa Joshua.

²⁸ Vûrûri ûrîa meegwatîre ûtuîke wao na magîtûûra kuo wanyitîte Betheli vamwe na matûûra marîa maarîthiûrûrûkîrîtie kûthiî na mwena wa îrathîro nginya Naarani. Nakuo mwena wa îthûîro wakinyîte îtûûrarî rîa Gezeri vamwe na matûûra marîa maarîthiûrûrûkîrîtie. Nîwathiîte ûkîgwata matûûra manene ta, Shekemu na Aya na matûûra marîa maamathiûrûrûkîrîtie.

²⁹ Nîwathiîte ûgakinya mîvakarî ya vûrûri wa Manase na matûûra manene ta Bethishani, Taanaki, Megido na Doru vamwe na icagi irîa ciamathiûrûrûkîrîtie. Matûûrarî mama monthe nîkuo njiarwa cia Josefu mûvîcî wa Isiraeli ciatûûraga.

Njiarwa cia Asheri

³⁰ Avîcî a Asheri maarî: Ima, Ishiva, Ishivi na Beria. Asheri aarî na mwîrîtu ûmwe wetagwa Sera.

³¹ Avîcî a Beria maarî: Heberi na Malikieli. Malikieli nîke wambîrîrie îtûûra rîa Birizaithu.

³² Avîcî a Heberi maarî: Jafuleti, Shomeri na Hothamu na mwîrîtu ûmwe wetagwa Shua.

³³ Avîcî a Jafuleti maarî: Pasaki, Bimuhali na Ashivathu.

³⁴ Avîcî a Shomeri mûrwang'ina maarî: Rohiga, Jehuba na Aramu.

³⁵ Mûrwang'ina Hothamu aarî na avîcî ana. Nao maarî: Zofa, Imuna, Sheleshi, na Amali.

³⁶ Avîcî a Zafa maarî: Shua, Harineferi, Shuali, Beri, Imura,

³⁷ Bezeri, Hodi, Shama, Shilisha, Ithirani na Beera.

³⁸ Avîcî a Jetheri maarî: Jefune, Pisipa na Ara.

³⁹ Nao Avîcî a Ula maarî: Araha, Hanieli na Rizia.

⁴⁰ Andû aya onthe maarî njiarwa cia Asheri, na maarî atongoria a nyomba ciao andû maarî njamba cia mbaara. Mûtaratara wao wonanagia atî maarî na arûme a gûtuîka athigari a mbaara andû ngiri mîrongo îîrî na ithathatû (26,000).