1Maû 6 - ÎVUKU RÎA ÛVORO MWARO

Mbarî ya athînjîri-Ngai arîa Anene

¹ Lawi aarî na avîcî athatû. Nao maarî: Gerishomu, Kohathu na Merari.

² Kohathu aarî na avîcî ana. Nao nî: Amuramu, Iziharu, Heburoni, na Uzieli.

³ Amuramu aarî na avîcî aîrî. Nao maarî: Aroni na Musa, na aarî na mwîrîtu ûmwe wetagwa Miriamu. Aroni aarî na avîcî ana. Nao maarî: Nadabu, Abihu, Eleazaru, na Ithamaru.

⁴ Eleazaru aarî îthe wa Finehasi, Finehasi aarî îthe wa Abishua,

⁵ Abishua aarî îthe wa Buki, Buki aarî îthe wa Uzi,

⁶ Uzi aarî îthe wa Zerahia, Zeraia aarî îthe wa Meraiothi,

⁷ Meraiothi aarî îthe wa Amaria, Amaria aarî îthe wa Ahitubu.

⁸ Ahitubu aarî îthe wa Zadoku, Zadoku aarî îthe wa Ahimaazi.

⁹ Ahimaazi aarî îthe wa Azaria, Azaria aarî îthe wa Johanani,

¹⁰ Johanani aarî îthe wa Azaria. (Azaria nîke watungataga hekarûrî îrîa mûthamaki Solomoni aatumire Jerusalemu.)

¹¹ Azaria aarî îthe wa Amaria, Amaria aarî îthe wa Ahitubu,

¹² Ahitubu aarî îthe wa Zadoku, Zadoku aarî îthe wa Shalumu,

¹³ Shalumu aarî îthe wa Hilikia, Hilikia aarî îthe wa Azaria,

¹⁴ Azaria aarî îthe wa Seraia, Seraia aarî îthe wa Jehozadaki.

¹⁵ Jehozadaki nîwathaamirue rîrîa Ngai-Mûnene aatûmire andû a Juda na Jerusalemu mavirwa îthamîriorî vîndî ya mûthamaki Nebukadinezarû.

Njiarwa ciîngî cia Lawi

¹⁶ Avîcî a Lawi maarî athatû, nao maarî: Gerishomu, Kohathu, Merari.

¹⁷ Marîîtwa ma avîcî a Gerishomu maarî Libuni na Shimei.

¹⁸ Avîcî a Kohathu maarî Amuramu, Iziharu, Heburoni, na Uzieli.

¹⁹ Nao a Merari maarî: Mahili na Mushi.

²⁰ Njiarwa cia Gerishomu ciarî: Gerishomu aarî îthe wa Libuni, Libuni aarî îthe wa Jahathi, Jahathi aarî îthe wa Zima,

²¹ Zima aarî îthe wa Joa, Joa aarî îthe wa Ido, Ido aarî îthe wa Zera nake Zera aarî îthe wa Jeatherai.

²² Njiarwa cia Kohathu nî ino. Kohathu aarî îthe wa Aminadabu, Aminadabu aarî îthe wa Kora, Kora aarî îthe wa Asiri,

²³ Asiri aarî îthe wa Elikana, Elikana aarî îthe wa Ebiasafu, Ebiasafu aarî îthe wa Asiri.

²⁴ Asiri aarî îthe wa Tahathi, Tahathi aarî îthe wa Urieli, Urieli aarî îthe wa Uzia, nake Uzia aarî îthe wa Shauli.

²⁵ Elikana aarî na avîcî aîrî: Amasai na Ahimothi.

²⁶ Ino nîcio njiarwa cia Ahimothi. Ahimothi aarî îthe wa Elikana, Elikana aarî îthe wa Zofai, Zofai aarî îthe wa Nahathi.

²⁷ Nahathi aarî îthe wa Eliabu, Eliabu aarî îthe wa Jerohamu. Jerohamu aarî îthe wa Elikana nake Elikana aarî îthe wa Samueli.

²⁸ Avîcî a Samueli maarî, Joeli arî ke îrikithathi na Abija arî ke mûnini.

²⁹ Ino nîcio njiarwa cia Merari. Mûvîcî wa Merari eetagwa Mahili. Mahili aarî îthe wa Libuni, Libuni aarî îthe wa Shimei, Shimei aarî îthe wa Uza,

³⁰ Uza aarî îthe wa Shimea, Shimea aarî îthe wa Hagia, na Hagia aarî îthe wa Asaia.

Aini a nyîmbo hekarûrî

³¹ Mûthamaki Daudi nîwathuurire andû a gûtongoragia ûtungatarî wa nyîmbo hekarûrî. Maambîrîrie ûtungati ûcio îthandûkû rîa kîrîkanîro rîatonyua hekarûrî.

³² Nîmaarûmagîrîra mûvango wa ûtungata wa nyîmbo îgemarî rîa Ngai-Mûnene nginya rîrîa mûthamaki Solomoni aatumire hekarû kûu Jerusalemu.

³³ Aya marûmîrîrîte nî andû arîa maatungataga vamwe na njiarwa ciao. Mbarî ya Kohathu kwarî na Herimani na aarî mûtongoria. Herimani aarî mûvîcî wa Joeli, Joeli aarî mûvîcî wa Samueli.

³⁴ Samueli aarî mûvîcî wa Elikana, Elikana aarî mûvîcî wa Jerohamu, Jerohamu aarî mûvîcî wa Elieli, Elieli aarî mûvîcî wa Toa.

³⁵ Toa aarî mûvîcî wa Zufu, Zufu aarî mûvîcî wa Elikana, Elikana aarî mûvîcî wa Mahathi, Mahathi aarî mûvîcî wa Amasai.

³⁶ Amasai aarî mûvîcî wa Elikana, Elikana aarî mûvîcî wa Joeli, Joeli aarî mûvîcî wa Azaria. Azaria aarî mûvîcî wa Zefania,

³⁷ Zefania aarî mûvîcî wa Tahathi, Tahathi aarî mûvîcî wa Asiri, Asiri aarî mûvîcî wa Ebiasafu, Ebiasafu aarî mûvîcî wa Kora.

³⁸ Kora aarî mûvîcî wa Iziharu, Iziharu aarî mûvîcî wa Kohathu, Kohathu aarî mûvîcî wa Lawi, na Lawi aarî mûvîcî wa Isiraeli.

³⁹ Kwarî na mûndû wîngî wetagwa Asafu ûrîa watethagîrîria Herimani. Nacio njiarwa ciake ciarûmanîrîrîte ta ûû: Asafu aarî mûvîcî wa Berekia, Berekia aarî mûvîcî wa Shimea.

⁴⁰ Shimea aarî mûvîcî wa Mikaeli, Mikaeli aarî mûvîcî wa Ba-aseia. Ba-aseia aarî mûvîcî wa Malikija.

⁴¹ Malikija aarî mûvîcî wa Ethini, Ethini aarî mûvîcî wa Zera, Zera aarî mûvîcî wa Adaia.

⁴² Adaia aarî mûvîcî wa Ethani, Ethani aarî mûvîcî wa Zima, Zima aarî mûvîcî wa Shimei.

⁴³ Shimei aarî mûvîcî wa Jahathi, Jahathi aarî mûvîcî wa Gerishomu nake Gerishomu aarî mûvîcî wa Lawi.

⁴⁴ Mwena ûcio wîngî wa ûmotho kwarî na mbarî ya Merari. Nayo yatongoragua nî Ethani. Mbarî ya Merari yaumîte kûrî Lawi na maarûmanîrîrîte ta û: Ethani aarî mûvîcî wa Kishi, Kishi aarî mûvîcî wa Abudi, Abudi aarî mûvîcî wa Maluki,

⁴⁵ Maluki aarî mûvîcî wa Hashabia, Hashabia aarî mûvîcî wa Amazia, Amazia aarî mûvîcî wa Hilikia.

⁴⁶ Hilikia aarî mûvîcî wa Amuzi, Amuzi aarî mûvîcî wa Bani. Bani aarî mûvîcî wa Shemeri.

⁴⁷ Shemeri aarî mûvîcî wa Mahili, Mahili aarî mûvîcî wa Mushi. Mushi aarî mûvîcî wa Merari, na Merari aarî mûvîcî wa Lawi.

⁴⁸ Alawi acio engî nîmaaveerwe mawîra monthe ma gûtungata îgemarî rîa Ngai-Mûnene rîa gûtûnganwa.

Njiarwa cia Aroni

⁴⁹ Aroni na njiarwa ciake nîmaarutaga magongoona ma kûvîvua metharî ya kîgongoona na nîmaavîvagia ûbani metharî ya kîgongoona. Nîo maarutaga mawîra monthe ma vandû varîa vatheru Mûno. Nîmaarutaga magongoona nîguo andû a Isiraeli mathengutîrue mevia mao kûringana na ûrîa Musa ndungata ya Ngai aathanîte.

⁵⁰ Ûyû nîguo mûtaratara wa marîîtwa ma njiarwa cia Aroni. Aroni aarî îthe wa Eleazaru, Eleazaru aarî îthe wa Finehasi. Finehasi aarî îthe wa Abishua,

⁵¹ Abishua aarî îthe wa Buki, Buki aarî îthe wa Uzi, Uzi aarî îthe wa Zerahia,

⁵² Zerahia aarî îthe wa Meraiothi. Meraiothi aarî îthe wa Amaria, Amaria aarî îthe wa Ahitubu.

⁵³ Ahitubu aarî îthe wa Zadoku, Zadoku aarî îthe wa Ahimaazi.

Kûrîa Alawi maatûûraga

⁵⁴ Njiarwa cia Aroni ciatûûraga mavûrûrirî mama marûmîrîrîte: Njiarwa ciake cia mbarî ya Kohathu nîo maarî a mbere kûgaîrwa vûrûri.

⁵⁵ Maagaîrwe Heburoni vûrûrirî wa Juda wa vamwe na kûndû gwa kûrîthua kûrîa kwathiûrûrûkîrîtie Heburoni.

⁵⁶ Nwatî mîgûnda ya îtûûra rîa Heburoni na icagi ciarîo ciagaîrwe Kalebu mûvîcî wa Jefune.

⁵⁷ Kwoguo njiarwa cia Aroni nîciagaîrwe matûûra marîa andû maathiîcaga kwîthitha. Matûûra mau maarî: Heburoni, na matûûra mengî manini vamwe na kûndû gwa kûrîthua matûûrarî ma Libuna, Jatiru, Eshitemoa,

⁵⁸ Hileni, Debiri,

⁵⁹ Ashani, na Bethi-shemeshi.

⁶⁰ Nakuo vûrûrirî wa Benjamini nîmaagaîrwe matûûra mama marûmîrîrîte vamwe na kûndû gwa kûrîthua, kûrîa kûmathiûrûrûkîrîtie. Matûûra mau nî: Geba, Alemethi na Anathothi. Matûûra monthe marîa mbarî ya Kohathu yagaîrwe maarî îkûmi na mathatû.

⁶¹ Nyomba icio ciîngî cia mbarî ya Kohathi nîmaagaîrwe matûûra îkûmi kuuma kûrî vûrûri wa mûvîrîga wa Manase ya mwena wa îthûîro. Matûûra mau maagairwe na njîra ya kûûthîrwa.

⁶² Mbarî ya Gerishomu, kûringana na nyomba ciao nîmaagaîrwe matûûra manene îkûmi na mathatû kuuma mavûrûrirî ma mîvîrîga ya Isakaru, Asheri, Nafutali, na Manase vûrûrirî wa Bashani.

⁶³ Nayo mbarî ya Merari kûringana na nyomba ciao, nîmaagaîrwe matûûra manene îkûmi na maîrî kuuma mavûrûrirî ma mîvîrîga ya Reubeni, Gadi, na Zebuluni.

⁶⁴ Kwoguo andû a Isiraeli nîmaagaîre Alawi matûûra manene marîa magatûûraga vamwe na kûndû gwa kûrîthia kûrîa kwathiûrûrûkîrîtie matûûra mau.

⁶⁵ Matûûra manene mau magwete na maarî vûrûrirî wa Juda, Simeoni, na wa Benjamini wa namo maavecanirwe na njîra ya kûûthîrwa.

⁶⁶ Nyomba imwe cia mbarî ya Kohathu nîciagaîrwe matûûra manene wa vamwe na kûndû gwa kûrîthua marîa maarî vûrûrirî wa Efiraimu.

⁶⁷ Matûûra mau nî: Shekemu, îtûûra înene rîa kwîthitha rîrîa rîarî irîma cia Efiraimu, Gezeri,

⁶⁸ Jokimeamu, Bethi-horoni,

⁶⁹ Aijaloni, na Gathirimoni.

⁷⁰ Na kuuma mûvîrîgarî wa Manase ûrîa ûrî mwena wa îthûîro nîmaagaîrwe îtûûra înene rîa Aneri vamwe na kûndû gwa kûrîthua kûrîa kwarîthiûrûrûkîrîtie, na îtûûra înene rîa Bileamu na kûndû gwa kûrîthua.

⁷¹ Mbarî ya Gerishomu nîyagaîrwe matûûra manene mama marûmîrîrîte vamwe na kûndû gwa kûrîthua. Vûrûrirî wa Manase ya mwena wa îrathîro nî îtûûra rîa Golani îrîa îrî Bashani na Ashitarothu.

⁷² Vûrûri wa Isakaru nî îtûûra rîa, Kedeshi na Daberathi,

⁷³ Ramothu na Aremu.

⁷⁴ Vûrûrirî wa Asheri nî: Mashali, Abudoni,

⁷⁵ Hukoku, na Rehobu.

⁷⁶ Kuuma vûrûrirî wa Nafutali nî Kedeshi îrîa îrî Galili, Hamoni, na Kiriathaimu.

⁷⁷ Acio engî maatigarire a mbarî ya Merari nîmaagaîrwe matûûra manene mama marûmîrîrîte vamwe na kûndû gwa kûrîthua kûrîa kwamathiûrûrûkîrîtie. Kuuma vûrûrirî wa Zebuluni nî îtûûra rîa Rimono na Taboru.

⁷⁸ Kuuma vûrûrirî wa Reubeni mwena wa Jeriko waringa Jorodani mwena wa îrathîro nîmaagaîrwe îtûûra rîa Bezeri rîrîa rîrî kûndû gûtûgîru na kwaraganu, îtûûra rîa Jahiza,

⁷⁹ Kedemothi na Mefathi. Matûûra mau maagairwe vamwe na kûndû kwamo gwa kûrîthua kûrîa kwamathiûrûrûkîrîtie.

⁸⁰ Kuuma vûrûrirî wa Gadi nîmaagaîrwe Ramothi îtûûra rîrîa rîarî Gileadi, Mahanaimu,

⁸¹ Heshiboni, na Jazeri, vamwe na kûndû gwa kûrîthua kûrîa kwamathiûrûrûkîrîtie.