1Maû 2 - ÎVUKU RÎA ÛVORO MWARO

Njiarwa cia Isiraeli

¹ Anake a Isiraeli maarî: Reubeni, Simeoni, Lawi, Juda, Isakaru, Zebuluni,

² Dani, Josefu, Benjamini, Nafutali, Gadi, na Asheri.

³ Juda aarî na anake atano. Bathi-shua mûka ûrîa warî Mûkanaani aamûciarîre avîcî athatû, nao nî: Eri, Onani, na Shela. Eri mûvîcî ûrîa wa îrikithathi nîwekaga maûndû macûku mûno, kwoguo Ngai-Mûnene nîwamûragire.

⁴ Juda nîwaciarire anake aîrî na mûka wa mûvîcî. Mûndûmûka ûcio eetagwa Tamarû. Anake acio maarî: Perezi na Zera.

⁵ Perezi nîwagîre na anake aîrî. Ûmwe eetagwa Hezironi na ûcio wîngî Hamuli.

⁶ Zera mûrwang'ina na Perezi agîîre anake atano. Nao maarî: Zimuri, Ethani, Hemani, Kalikoli, na Dara.

⁷ Akari mûvîcî wa Karimi nîwatûmire andû a Isiraeli magîe na thîna nîûndû nîwatavire indo irîa ciamûrîrîtwe Ngai-Mûnene.

⁸ Ethani aarî na mwanake ûmwe wetagwa Azaria.

Njiarwa cia Mûthamaki Daudi

⁹ Hezironi aarî na anake athatû. Nao maarî: Jerahimeli, Ramu, na Kalebu.

¹⁰ Ramu aarî îthe wa Aminadabu, Aminadabu aarî îthe wa Nahashoni. Nahashoni aarî mûndû warî îgweta mûvîrîgarî wa Juda.

¹¹ Nahashoni aarî îthe wa Salimoni, Salimoni aarî îthe wa Boazu.

¹² Boazu aarî îthe wa Obedi nake Obedi aarî îthe wa Jesii.

¹³ Jesii aarî na anake mûgwanja. Marûmanîrîrîte na ûkûrû wao maarî: Eliabu, Abinadabu, Shimea,

¹⁴ Nethanieli, Radai,

¹⁵ Ozemu, na Daudi.

¹⁶ Aa mwarwang'ina maarî: Zeruia na Abigaeli. Mwarî wa Jesii ûrîa wetagwa Zeruia aarî na anake athatû; Abishai, Joabu na Asaheli.

¹⁷ Abigaeli nîwavikirue nî Jetheri wa njiarwa cia Ishumaeli. Nake nîwagîre na mûvîcî wetagwa Amasa.

Njiarwa cia Hezironi

¹⁸ Kalebu mûvîcî wa Hezironi nîwavikirie Azuba na nîmaaciarire mwîrîtu wetagwa Jeriothi. Nao anake ake maarî: Jesheri, Shobabu, na Aridoni.

¹⁹ Azuba akua, Kalebu nîwavikirie Efirathi na nîmaagîre na mûvîcî wetagwa Huri.

²⁰ Huri aarî îthe wa Uri, nake Uri aarî îthe wa Bazaleli.

²¹ Rîrîa Hezironi aakinyirie mîaka mîrongo îtandatû, nîwavikirie mwarî wa Makiru mwarwang'ina na Gileadi. Hezironi nîwaciarire Segubu.

²² Segubu nîwagîre na mwanake wetagwa Jairi. Jairi aathaga matûûra manene mîrongo îîrî na mathatû vûrûrirî wa Gileadi.

²³ Nwatî mothamaki ma Geshuri na Aramu nîmaarûire na Jairi na makîîgwatîra matûûra mîrongo îtandatû, wa vamwe na icagi cia Jairi na Kenathi na matûûra marîa maarî vakuvî. Andû onthe arîa maatûûraga kûu maarî njiarwa cia Makiru, îthe wa Gileadi.

²⁴ Hezironi akua, mûvîcî Kalebu nîwavikirie Efirathi, mûka wa ndigwa ûrîa warî îthe. Nake nîwagîre mwana nake wetagwa Ashihuri. Ashihuri nîke wambîrîrie îtûûra rîa Tekoa.

Njiarwa cia Jerahimeli

²⁵ Jerahimeli mûvîcî wa Hezironi wa îrikithathi aarî na anake atano. Ramu nîke wa îrikithathi akîrûmîrîrwa nî Buna, Oreni, Ozemu, na Ahija.

²⁶ Jerahimeli aarî na mûka wîngî wetagwa Atara. Nîwagîre na mûvîcî wetagwa Onamu.

²⁷ Ramu, îrikithathi rîa Jerahimeli aarî na anake athatû: Maazi, Jamini, na Ekeri.

²⁸ Onamu aarî na anake aîrî meetagwa Shamai na Jada. Shamai wanake aarî na anake aîrî, Nadabu na Abishuri.

²⁹ Abishuri nîwavikirie mûka wetagwa Abihaili na nîmaagîre na anake aîrî: Ahibani na Molidi.

³⁰ Nadabu mûrwang'ina wa Abishuri aarî na anake aîrî, Seledi na Apaimu. Nwatî Seledi nîwakwire atagîte na ciana.

³¹ Apaimu nîwaciarire mwanake wetagwa Ishi. Ishi aarî îthe wa Sheshani, nake Sheshani aarî îthe wa Ahilai.

³² Jada, mûrwang'ina na Shamai aarî na anake aîrî. Ûmwe eetagwa Jetheri na ûcio wîngî eetagwa Jonathani. Nwatî Jetheri nîwakwire atagîte na ciana.

³³ Jonathani nîwaciarire anake aîrî: Pelethi na Zaza. Acio onthe maarî njiarwa cia Jerahimeli.

³⁴ Sheshani ndaaciara anake, nwatî aarî na erîtu. Aarî na ndungata ya mwanake kuuma Misiri yetagwa Jeriha.

³⁵ Sheshani nîwavere ndungata îo yake mwîrîtu ûmwe atuîke mûka. Nao nîmaaciarire mûvîcî wetagwa Atai.

³⁶ Atai aarî îthe wa Nathani, nake Nathani aarî îthe wa Zabadi.

³⁷ Zabadi aarî îthe wa Efilali nake Efilali aarî îthe wa Obedi.

³⁸ Obedi aarî îthe wa Jehu, nake Jehu aarî îthe wa Azaria.

³⁹ Azaria aarî îthe wa Helezi, nake Helezi aarî îthe wa Eleasa.

⁴⁰ Eleasa aarî îthe wa Sisimai, nake Sisimai aarî îthe wa Shalumi.

⁴¹ Shalumi aarî îthe wa Jekamia, nake Jekamia aarî îthe wa Elishama.

Njiarwa ciîngî cia Kalebu

⁴² Kalebu aarî mûrwang'ina na Jerahimeeli. Mûvîcî wa Kalebu wa îrikithathi eetagwa Maresha. Maresha aarî îthe wa Zifu. Zifu aarî îthe wa Maresha, nake Maresha aarî îthe wa Heburoni.

⁴³ Heburoni aarî na anake ana: Kora, Tapua, Rekemu, na Shema.

⁴⁴ Shema aarî îthe wa Rahamu, nake Rahamu aarî îthe wa Jorikeamu. Rekemu aarî îthe wa Shamai,

⁴⁵ ûrîa warî îthe wa Maoni, nake Maoni aarî îthe wa Bethiziri.

⁴⁶ Kalebu aarî na mûka wa kwigwa wetagwa Efa. Kalebu nîwaciarîte anake engî athatû na mûka ûcio wa kwigwa. Anake acio maarî: Harani, Moza na Gazezi. Harani wanake aarî na mûvîcî wetagwa Gazezi.

⁴⁷ Kwarî mûndû wetagwa Jahidai na aarî na anake atandatû. Anake acio maarî Regemu, Jothamu, Geshani, Peleti, Efa na Shafi. Jahidai nîke warî îthe wa Efa mûka wa Kalebu wa kwigwa.

⁴⁸ Kalebu aarî na mûka wîngî wa kwigwa wetagwa Maaka na nîwagîre na anake aîrî. Ûmwe eetagwa Sheberi na ûcio wîngî Tirihana.

⁴⁹ Vuvarî, mûka ûcio wa kwigwa nîwacokire agîciara anake engî aîrî: Shafi na nîke warî îthe wa Madimana na Sheva îthe wa Makibena na Gibea. Vamwe na acio Kalebu aarî na mwarî wetagwa Akisa.

⁵⁰ Aya marûmîrîrîte wa nao maarî njiarwa cia Kalebu. Huri aarî îrikithathi rîa Kalebu, nake ng'ina wa Huri eetagwa Efiratha. Anake a Huri maarî: Shobali na nîke warî wa Kiriathi-jearimu,

⁵¹ Salima nîke warî îthe wa Bethilehemu na Harefu îthe wa Bethigaderi.

⁵² Shobali îthe wa Kiriathu-jearimu aarî îthe wa tene wa andû a Haroe, nuthu ya andû arîa maatûûraga Menuhothi,

⁵³ na mbarî cia Kiriathu-jearimu irûmîrîrîte ta û: Ithiri, Puthi, Shumathi, na Mishirai. (Na andû a matûûra ma Zora na Eshitaoli maaumîte kûrî mbarî ino).

⁵⁴ Salima îthe wa Bethilehemu nîke warî îthe wa tene wa Netofathi, Atirothi Bethi Joabu na nuthu ya andû a Manahathi kuuma Zori.

⁵⁵ Nacio mbarî ino irûmîrîrîte ciarî cia andû maarî na ûûgî na wara wa kwandîka na gûkovia mandîko na ciatûûraga Jabezi. Mbarî icio ciarî Atirathi, Ashimeathi na Asukathi. Acio maaumîte kûrî Keni ûrîa warî wa kuuma Hamathi nyombarî ya Rekabu.