1Maû 1 - ÎVUKU RÎA ÛVORO MWARO

Kuuma kûrî Adamu nginya kûrî Iburahimu

¹ Adamu aarî îthe wa Sethi, Sethi aarî îthe wa Enoshi, Enoshi aarî îthe wa Kenani.

² Kenani aarî îthe wa Mahalaleli, Mahalaleli aarî îthe wa Jaredi.

³ Jaredi aarî îthe wa Enoku, Enoku aarî îthe wa Methusela, Methusela aarî îthe wa Lameki.

⁴ Lameki aarî îthe wa Noa. Noa aarî na anake athatû; Shemu, Hamu na Jafethi.

⁵ Anake a Jafethi maarî: Gomeri, Magogu, Madai, Javani, Tubali, Mesheki, na Tirasi.

⁶ Anake a Gomeri maarî: Ashikenazi, Difathi, na Togarima.

⁷ Anake a Javani maarî: Elisha, Tarishishi, Kitimu, na Rodanimu.

⁸ Anake a Hamu maarî: Kushi, Misiri, Lîbia, na Kanaani.

⁹ Anake a Kushi maarî: Seba, Havila, Sabuta, Raama, na Sabuteka. Anake a Raama maarî; Sheba na Dedani.

¹⁰ Kushi aarî na mûvîcî wetagwa Nimurodi. Nimurodi nîke warî njamba îrî na vinya gûkû nthî.

¹¹ Anake a Misiri maarî: Ludimu, Anamimu, Lehabimu, Nafutuhi,

¹² Pathirusimu, Kasiluhimu, na Kafutorimu. Afilisiti nî njiarwa cia Kasiluhimu.

¹³ Anake a Kanaani maarî: Sidoni, na nîke warî îrikithathi, na Hethi,

¹⁴ na Ajebusi, Amori, Agirigashi,

¹⁵ Ahivi, Aariki, Asini,

¹⁶ Arivadi, Azemari na Ahamathi.

¹⁷ Anake a Shemu maarî: Elamu, Ashuri, Afakisadi, Ludi, na Aramu, Aramu aarî îthe wa Uzi, Huli, Getheri, na Mesheki.

¹⁸ Afakisadi aarî îthe wa Shela, Shela aarî îthe wa Eberi.

¹⁹ Eberi aarî na anake aîrî. Ûmwe eetagwa Pelegi, (nîûndû vîndî yake andû a nthî nîmaagaûkanîte). Nake ûcio wîngî eetagwa Jokitani.

²⁰ Jokitani aarî îthe wa Alimodadi, Shelefu, Hazarimavethi, Jera,

²¹ Hadoramu, Uzali, Dikila,

²² Ebali, Abimaeli, Sheba,

²³ Ofiri, Havila, na Jobabu.

²⁴ Andû a nyomba ya Shemu nginya Aburamu maarûmanîrîrîte ta ûû: Shemu, Afakisadi, Shela,

²⁵ Eberi, Pelegi, Reu,

²⁶ Serugi, Nahoru, Tera,

²⁷ na Aburamu ûrîa wecîkene na rîîtwa rîngî ta Iburahimu.

Njiarwa cia Ishumaeli

²⁸ Iburahimu aarî na anake aîrî. Ûmwe eetagwa Isaka na ûcio wîngî Ishumaeli.

²⁹ Anake a Ishumaeli maarûmanîrîrîte ta ûû: Nebaiothi nîke warî îrikithathi. Acio engî maarî: Kedari, Adibeli, Mibusamu,

³⁰ Mishima, Duma, Masa, Hadadi, Tema,

³¹ Jeturi, Nafishi, na Kedema.

³² Iburahimu aarî na mûka wa kwiga wetagwa Ketura. Ketura nîwaciarire avîcî atandatû. Nao maarî: Zimurani, Jokishani, Medani, Midiani, Ishubaki, na Shua. Jokishani aarî na avîcî aîrî. Sheba na Dedani.

³³ Midiani aarî na avîcî atano, nao maarî: Efa, Eferi, Hanoku, Abidani, na Elida.

Njiarwa cia Esaû

³⁴ Isaka mûvîcî wa Iburahimu nîwaciarire anake aîrî. Ûmwe eetagwa Esaû na ûcio wîngî eetagwa Jakovu.

³⁵ Anake a Esaû maarî: Elifazi, Reueli, Jeushi, Jalamu, na Kora.

³⁶ Anake a Elifazi maarî: Temani, Omari, Zefi, Gatamu, Kenazi, Timuna, na Amaleki.

³⁷ Nao anake a Reueli maarî: Nahathi, Zera, Shama, na Miza.

Andû a Seiru arîa maatûûraga Edomu

³⁸ Andû arîa matûûraga Edomu maarî avîcî a Seiru. Nao maarî: Lotani, Shobali, Zibeoni, Ana, Dishoni, Ezeri, na Dishani.

³⁹ Anake a Lotani maarî: Hori na Homamu. Lotani aarî na mwarwang'ina wetagwa Timuna.

⁴⁰ Anake a Shobali maarî: Aliani, Manahathi, Ebali, Shefi, na Onamu. Anake a Zibeoni maarî: Aia na Ana.

⁴¹ Ana aarî na mwanake wetagwa Dishoni. Anake a Dishoni maarî: Hamurani, Eshibani, Ithirani, na Kerani.

⁴² Anake a Ezeri maarî: Bilihani, Zaavani, na Jaakani. Anake a Dishani maarî: Uzi na Arani.

Athamaki a Edomu

⁴³ Athamaki arîa maathamakaga vûrûrirî wa Edomu mbere ya gûkaagîa athamaki vûrûrirî wa Isiraeli maarî: Bela mûvîcî wa Beori ûrîa wathanaga Edomu arî Dinihaba îtûûra rîrîa rînene.

⁴⁴ Rîrîa Bela aakwire, Jobabu mûvîcî wa Zera wa kuuma Bozira nîke watuîkire mûthamaki vuva wake.

⁴⁵ Jobabu akua, Hushamu nîke watuîkire mûthamaki. Hushamu arî wa kuuma vûrûrirî wa Temani.

⁴⁶ Hushamu akua, Hadadi mûvîcî wa Bedadi nîke watuîkire mûthamaki wa Edomu vuva wake. Îtûûra rîake rînene rîarî Avithi. Hadadi nîwavootire Amidiani vûrûrirî wa Moabu.

⁴⁷ Rîrîa Hadadi aakwire, Samula nîwatuîkire mûthamaki vuva wake. Samula aarî wa kuuma Masireka.

⁴⁸ Rîrîa Samula aakwire, Shauli wa kuuma Rehobathu îrîa îrî rûnjîrî rwa Farati nîwatuîkire mûthamaki vuva wake.

⁴⁹ Rîrîa Shauli aakwire, Baali-hanani mûvîcî wa Akibori nîwatuîkire mûthamaki vuva wake.

⁵⁰ Rîrîa Baali-hanani aakwire, Hadadi nîke watuîkire mûthamaki wa Edomu vuva wake. Îtûûra rîake rînene rîarî Pai. Nake mûka eetagwa Mehetabeli mwarî wa Matiredi. Matiredi aarî mwarî wa Mezahabu.

⁵¹ Mûthamaki Hadadi nîwacokire agîkua. Nao anene a Edomu kûringana na mîvîrîga yao maarî: Timuna, Alia, Jethethi,

⁵² Oholibama, Ela, Pinoni,

⁵³ Kenazi, Temani, Mibuzari,

⁵⁴ Magidieli, na Iramu. Acio nîo maarî anene a mîvîrîga ya Edomu.