1Atha 10 - ÎVUKU RÎA ÛVORO MWARO

Mûndûmûka ûrîa warî Mûthamaki wa Sheba nîwathiîre gwa Solomoni

¹ Rîrîa mûndûmûka ûrîa warî mûthamaki wa Sheba eegwire ngumo ya Solomoni ûvororî wîgiî rîîtwa rîa Ngai-Mûnene, nîwathiîre kûrî Solomoni kûu Jerusalemu nîguo amûgerie na njîra ya kûmûria ciûria ndito.

² Aathiîre kûrî Solomoni kûu Jerusalemu marî na andû eengî mûno, ngamîîra ikuuîte mînyamû mînungi waro, tûthiga twa goro vamwe na thaavu nyîngî. Rîrîa mûndûmûka ûcio mûthamaki aakinyire kûrî Solomoni, nîwerire Solomoni maûndû monthe marîa aarî namo ngororî yake.

³ Nake Solomoni nîwacokerie mûndû mûka ûcio mûthamaki ciûria ciake cionthe. Gûtirî kîûria Solomoni aaremirwe nî kûmûcokeria.

⁴ Vîndî îrîa mûndûmûka ûcio warî mûthamaki wa Sheba eegwire ûûgî wa Solomoni na akîona nyomba îrîa aatumîte,

⁵ irio irîa ciarî metharî yake, kûrîa ndungata cia Solomoni ciekaraga, ûrîa aatungatagîrwa nî ndungata ciake, nguo cia ndungata icio, ndungata irîa ciamûviragîra gîa kûnyua na magongoona ma kûvîvua marîa Solomoni aarutagîra hekarûrî, nîwamakire mûno na akîremwa nî kwaria.

⁶ Nîwerire mûthamaki Solomoni atîrî, “Maûndû marîa makwîgiî vamwe na ûûgî waku ûrîa neguire nîrî vûrûrirî wakwa nî ma ûû ma!

⁷ Nwatî ndingîetîkirie nginya rîrîa nîraûkire na neyonera nie mwene na metho makwa. Nama, ndierîtwe wanarî nuthu ya ûvoro ûcio. Ûûgî waku na ûtonga waku nî mwîngî gûkîra ûrîa nerirwe.

⁸ Gûkena-rî nî aka aku! Wana kûgîa na mûnyaka nî ndungata ciaku, irîa mwîkaraga nacio vîndî cionthe ikîthikagîrîria ciugo ciaku cia ûûgî.

⁹ Ngai-Mûnene, Ngai waku arogoocwa! Ke nîwonanîtie ûrîa akenetue nîwe na njîra ya gûgûtua mûthamaki wa Isiraeli. Agûtuîte mûthamaki wa Isiraeli nîguo ûtucagîre andû ciira na kîvooto na ûûma, nîûndû Ngai-Mûnene eendire Isiraeli tene na tene.”

¹⁰ Mûndûmûka ûcio mûthamaki wa Sheba nîwacokire akîva mûthamaki Solomoni iveo irîa aamûvirîrîte: Nîwamûvere makîria ya kilo ngiri inya (4,000) cia thaavu vamwe na mînyamû mîîngî mînungi waro, na mathiga ma goro. Mînyamû îo mînungi waro yarî mîîngî gûkîra îrîa Solomoni aarî anavewa mbererî.

¹¹ Wana gîkundi Kîam meri cia Hiramu irîa ciakuuîte thaavu kuuma Ofiri, wanacio nîciavirîre mûthamaki Solomoni mîtî ya mîthandari mîîngî na mathiga ma goro.

¹² Mûthamaki Solomoni nîwatûmîre mîtî îo ya mîthandari îrî itugî cia hekarû na cia nyomba ya mûthamaki. Nîwacokire agîtûmîra mîtî îo kûrûtha inanda na ngita cia andû arîa maainaga. Gûtirî mîtî ya mîthandari yacokire kwoneka rîngî nginya ûmûnthî.

¹³ Mûthamaki Solomoni nîwavere mûndûmûka ûcio warî mûthamaki wa Sheba indo cionthe irîa aamûvoete, îgûrû rîa irîa aamûveete kuumana na ûtaana wake ta mûthamaki. Nake mûndûmûka ûcio vamwe na ndungata ciake nîmaacokire vûrûrirî wao.

Ûtonga wa mûthamaki Solomoni

¹⁴ Varî mwaka ûmwe, Solomoni nîwaviragîrwa vakuvî kilo ngiri mîrongo îîrî na ithatû (23,000) cia thaavu

¹⁵ îgûrû rîa irîa ciaviragwa nî andû arîa maagûraga makîendagia indo itarî nyîngî, na andû arîa maagûraga makîendagia indo nyîngî vamwe, wana irîa ciaviragwa nî athamaki onthe a Arabia na kuuma kûrî anene a Isiraeli.

¹⁶ Solomoni nîwaturire ngo magana maîrî (200) irîa nene, na wa ngo nîyakunîkirwe na thaavu ya ûrito wa vakuvî kilo mûgwanja.

¹⁷ Nîwacokire agîtura ngo magana mathatû (300) irîa nini, na wa îmwe ya cio nîyakunîkirwe na thaavu ya ûrito wa vakuvî kilo igîrî. Mûthamaki nîwaigire ngo icio nyombarî nene îrîa yetagwa Nyomba ya Mûtitû wa Lebanoni.

¹⁸ Solomoni nîwacokire agîtuma gîtî kînene Kîam ûthamaki Kîam mûguongo, agîcoka agîgîkunîka kîonthe na thaavu ntheri.

¹⁹ Gîtî kîu Kîamrî na ngathî ithathatû cia gûgîtwa. Vau vuva îgûrû rîa gîtî kîu vaarî va kîthiûrûrû. Mîenarî ya gîtî kwarî na kûndû gwa kwigîrîrwa njara na mîvuano îîrî ya mînyambû îrûngamîtue mîenarî ya kûndû kûu gwa kwigîrîrwa njara.

²⁰ Kwarî na mîvuano ya mînyambû îkûmi na îîrî, wa mûvuano wa mûnyambû ûrûngamîte mîenarî ya ngathî icio ithathatû. Gûtirî gîtî ta kîu Kîamrî Kîamnatumwa ûthamakirî wîngî wanarî ûmwe.

²¹ Ikombe cionthe irîa Solomoni aanyunyaga nacio ciarûthîtwe na thaavu; nacio indo cia nyomba nene ya Mûtitû wa Lebanoni ciarûthîtwe na thaavu ntheri. Gûtirî kîndû Kîamrûthîtwe na sîlûva, nîûndû sîlûva ndîonagwa îrî na vata vîndî ya wathani wa Solomoni.

²² Solomoni aarî na gîkundi Kîam meri cia Tarishishi ciathiîcaga vamwe na gîkundi Kîam meri cia Hiramu. Varî îvinda rîa mîaka îthatû, meri icio cia Tarishishi nîciacokaga rita rîmwe ikuuîte thaavu, sîlûva, mîguongo, nthinwa na ngoroi.

²³ Mûthamaki Solomoni aarî mûtongu na mûûgî gûkîra athamaki acio engî onthe,

²⁴ nao andû kuuma nthî yonthe nîmeendaga kûthiî kûrî Solomoni nîguo mathikîrîrie ûûgî wake ûrîa aaveetwe nî Ngai.

²⁵ Andû onthe arîa maathiîcaga kûrî ke nîmaamûviragîra iveo. Iveo icio ciarî indo cia sîlûva, thaavu, nguo, indo cia mbaara, mînyamû mînungi waro, maguta kuuma mûtî wa mare, mbarathi na nyûmbû. Gwekîkaga ûguo wa mwaka wa mwaka.

²⁶ Solomoni nîwaûnganirie vamwe ikaari cia mbaara na andû arîa maathiîcaga matûîte mbarathi. Aarî na ikaari ngiri îmwe na magana mana (1,400) cia mbaara, na athigari ngiri îkûmi na igîrî (12,000) arîa mathiîcaga matûîte mbarathi. Aamaigire matûûrarî marîa maaigagwa ikaari cia mbaara, nao acio engî akîmaiga Jerusalemu kwa mûthamaki.

²⁷ Vîndî ya ûthamaki wa Solomoni, sîlûva ciengîvîte ta mathiga, nayo mîtarakwe yengîvîte ta mîkûyû îrîa îrî Shefela.

²⁸ Mbarathi cia mûthamaki ciaumaga Misiri na Cericia. Andû arîa maarutagîra mûthamaki wîra wa kûgûra na kwendia indo maagûraga mbarathi icio kûringana na thogora wa cio.

²⁹ Andû acio maagûraga gîkaari Kîam mbaara Misiri na thogora wa sîlûva magana matandatû (600), nayo mbarathi sîlûva îgana rîa mîrongo îtano (150). Andû acio meendagîria athamaki a Ahiti na a Sîria indo icio.