Әйүп 25 - Киелі кітап

Билдадтың Әйүпті Құдайды терең қастерлеуге шақыруы

¹ Шуахтық Билдад Әйүпке қарсылық білдіріп былай деді:

² — Құдайда билік бар, барша жұрт Оны терең қастерлеуі керек. Ол көктің биігінде тәртіп орнатады.

³ Оның көктегі періштелер топтарын кім санай алар еді? Ол өз жарығын кімнің үстіне түсірмейді?

⁴ Сонда адам баласы Құдайдың алдында қалайша әділ бола алады? Әйелден туған пенде қалайша таза бола алар еді?

⁵ Тіпті ай да Оның алдында жеткілікті жарық емес, жұлдыздар да айқын емес!

⁶ Салыстырсақ, пенде жай жер құртына ұқсайды, адам баласы тек күйе құрты сияқты.