Tatanigaina 5 - Ia Foforuna Naiungene

Ira Pagusu Ka Adamu

¹ Iahi mu ia tuturina ia pagusu ka Adamu. Ka ia fafata va vuhari ira noni God, manei neke riva taghe taghonai neke ghua ghidi.

² Manei neke va vuha mane, ghaseri nia vanadi veha tuna neke ghua. “Noni” neke ghua ghidi ghu va kudo ghidira.

³ Ka ia 130 komuhuna Adamu, manei neke kurui kaike tuunamane taghe hihilina taghonai e ghua, Seti neke ghua ghini ghu baolina.

⁴ Leghuna Seti mu, Adamu neke au laoni keha 800 komuhu. Manei neke kurui haro keha tuunamanera nia tuuna ghasera,

⁵ nia leme tuna ka ia age 930 komuhuna, neke ghua.

⁶ Ka ia age 105 komuhuna Seti, manei neke kurui kaike tuunamane babaolonana Enosi.

⁷ Leghuna ia dolina Enosi, Seti neke au laoni keha 807 komuhu. Manei neke kurui haro keha tuunamanera nia tuunaghasera,

⁸ nia leme tuna ka ia age 912 komuhuna, neke ghua.

⁹ Ka ia 90 komuhuna Enosi, manei neke kurui kaike tuunamane babaolonana Kenani.

¹⁰ Leghuna ia dolina Kenani, Enosi neke au laoni keha 815 komuhu. Manei neke kurui haro keha tuunamanera nia tuuna ghasera,

¹¹ nia leme tuna ka ia age 905 komuhuna, neke ghua.

¹² Ka ia 70 komuhuna Kenani, manei neke kurui kaike tuunamane babaolonana Mahalaleli.

¹³ Leghuna ia dolina Mahalaleli, Kenani neke au laoni keha 840 komuhu. Manei neke kurui haro keha tuuna manera nia tuuna ghasera,

¹⁴ nia leme tuna ka ia age 910 komuhuna, neke ghua.

¹⁵ Ka ia 65 komuhuna Mahalaleli, manei neke kurui kaike tuunamane babaolonana Zaredi.

¹⁶ Leghuna ia dolina Zaredi, Mahalaleli neke au laoni keha 830 komuhu. Manei neke kurui haro keha tuuna manera nia tuuna ghasera,

¹⁷ nia leme tuna ka ia age 895 komuhuna, neke ghua.

¹⁸ Ka ia 162 komuhuna Zaredi, manei neke kurui kaike tuunamane babaolonana Inoke.

¹⁹ Leghuna ia dolina Inoke, Zaredi neke au laoni keha 800 komuhu. Manei neke kurui haro keha tuuna manera nia tuuna ghasera,

²⁰ nia leme tuna ka ia age 962 komuhuna, neke ghua.

²¹ Ka ia 65 komuhuna Inoke, manei neke kurui kaike tuunamane babaolonana Metusela.

²² Leghuna ia dolina Metusela, Inoke neke ghahe kapa taremehana God 300 komuhu nia neke nakairi haroni keha tuuna manera nia tuuna ghasera.

²³ Ia kamotona doli ka Inoke neke au dufu ka 365 komuhuna.

²⁴ Manei neke au kapa taremehana God, nia age ogoro tuna neke ghua, vununa God neke hio ghaheina manei.

²⁵ Ka ia 187 komuhuna Metusela, manei neke kurui kaike tuunamane babaolonana Lameki.

²⁶ Leghuna ia dolina Lameki, Metusela neke au laoni keha 782 komuhu. Manei neke kurui haro keha tuuna manera nia tuuna ghasera,

²⁷ nia leme tuna ka ia age 969 komuhuna, neke ghua.

²⁸ Ka ia 182 komuhuna Lameki, manei neke kurui kaike tuunamane,

²⁹ Noa neke ghua ghini ghu baolina ghe neke kahe ghua nga iahi, “Ka ia toraina kava neke tibirinio Iahova, rekaha iahi e age vanada maghoso ka ira leghu riva ngazuluai nga ghita,”

³⁰ Leghuna ia dolina Noa, Lameki neke au laoni keha 595 komuhu. Manei neke kurui haro keha tuuna manera nia tuuna ghasera,

³¹ nia leme tuna ka ia age 777 komuhuna, neke ghua.

³² Ka ia fafata neke to age 500 komuhunao Noa, manei neke kurui lito tuunamane, babaolodira Semu, Hamu nia Zafeti.