Tatanigaina 10 - Ia Foforuna Naiungene

Ira Pagusu Ka Ira Tuunamane Noa

¹ Iahi mu ia tuturina ia pagusu ka ira tuunamane Noa: Semu, Hamu nia Zafeti, e ghua. Leghuna ia ologho, lito mane irahi dike age kuru tuudi.

Ira Pagusu Ka Zafeti

² Ira pagusu ka Zafeti: Goma, Magogo, Madai, Zavani, Tubala, Meseki nia Tirasi.

³ Ira pagusu ka Goma: Asikenazi, Rifati nia Togama.

⁴ Ira pagusu ka Zavani: Elisa, Tasisi, Kitimi, nia Rodanimi.

⁵ Maneri mu dike faadira ira noni dike au leghuio ia tutupekana nia ka ira ghizuna ka ia Mediteraniani, fini avohorira ka ira sopai nodi ngengene, kokolo nia soloso, e ghua.

Ira Pagusu Ka Hamu

⁶ Ira pagusu ka Hamu: Kusi, Miziraimi, Puti nia Kenani. Maneri mu dike faadira ira noni ta baolo leghuri maneri.

⁷ Ira pagusu ka Kusi: Seba, Havila, Sabata, Rama nia Sabateka. Ira pagusu ka Rama: Seba nia Dedani.

⁸ Kusi mu neke nona mamana Nimirodi, ia neke kaike mane magara mane hetanao ka malau iahi peka.

⁹ Manei mu neke kaike mane ta ziifi ka zorapa, ne ghua ghu mamu ghe di kahe ghua nga iahi ira noni ghidira ira ta veha ka zorapa, “Taghe Nimirodi ia mane ta mane heta ka zorapa ne ghua,” di ghua nga.

¹⁰ Ia tatanigaina ia ravutu ka manei mu neke, Babiloni, Ereke, Akada nia Kalane. Maneri haroharo mu ka giliona ia kavana Babilonia.

¹¹ Sipana ka kava ianimu, manei neke lao ani Asiria neke la va teturi ghu ira malau leghaha, Nineve, Rehoboti Iri, Kala,

¹² nia Reseni, ia ta au varihoataina Nineve nia ia malau leghaha Kala, e ghua.

¹³ Izipi mu neke nodi mamana Ira noni ka Lidia, Anama, Lehabu, Nafutu,

¹⁴ Patirusi, Kasiluhu nia Kiriti ka dike la meharo ira noni Filisitia.

¹⁵ Kenani mu neke nona mamana Saedoni ia mane ta kusu doli nia Heti e ghua, dike faadi ghu ira noni ta baolo leghuri maneri.

¹⁶ Kenani mu neke faadi molamo ira nonidi Zebusi, Amoa, Gagasi,

¹⁷ Hivi, Aka, Sini,

¹⁸ Avadi, Zemari nia Hamati, e ghua. Leghunana ira kokolo pagusuna Kenani dike age tehi dike sopai riraha ghu.

¹⁹ Ia fofotaina Kenani mu neke tataniga ghu Saedoni visi pelovona mo neke dufu lao ghu Zera nia Gaza visi pelopeka mo nia fateo mo ka ira malau ta va kudo ghidi Sodomu, Gomora, Adama nia Zeboimi gheremena Lasa.

²⁰ Irahi mu dike pagusura ka Hamu, dike au ghu ka ira sopai kokolo nia ngengene ka ira nodi kobosodi malau nia butubutu noni.

Ira Pagusu Ka Semu

²¹ Semu ia tahinamane ta faa Zafeti neke kuru tuunamane molamo. Manei lamu neke faanana Eba nia ira leghu pagusu nga ka manei, e ghua.

²² Ira pagusu ka Semu: Elamu, Asa, Afakasadi, Ludi nia Aramu.

²³ Ira pagusu ka Aramu: Uzi, Huli, Geta nia Meseki.

²⁴ Afakasadi mu neke nona mamana Sela Nia Sela mu neke nona mamana Eba.

²⁵ Eba neke kurui palu tuunamane: Kaikeu mu babaolonana Pelegi, vununa ira noni ka malau iahi peka dike fota ka ia fafata manei, nia ia keha tahinamane mu Zokotani babaolonana.

²⁶ Ira pagusuna Zokotani mu: Alamodadi, Selefu, Hazamaveti, Zera,

²⁷ Hadoramu, Uzala, Dikila,

²⁸ Obala, Abimaeli, Seba,

²⁹ Ofa, Havila nia Zobabu e ghua. Irahi haroharo mu dike pagusunara Zokotani.

³⁰ Ia kava ta aui maneri mu neke tataniga Mesa dufu ghu Sefa ka ia voruhu malau fateo mo.

³¹ Irahi mu dike pagusura ka Semu, dike au ghu ka ira sopai kokolo nia ngengene maneri ka ira nodi kobosodi malau nia butubutu noni.

³² Irahi mu ira kokolo dike pagusudira ira tuunamane Noa, leghurina ira pagusu ka maneri ka giliodi ira soloso maneri. Ka noni irahi lamu dike sipadira ira noni dike riraharo kave laodira peghuruo ka malau iahi peka leghuna ia ologho.