Wongeela Maatewos 1 - Kitaaba Woyyuu

Hidda Dhaloota Yesuus Kiristoosii

¹ Hiddi dhaloota Yesuus Kiristoosii fiixaa Abrahaamiitii fi fiixaa Daawitii kana.

² Abrahaam Yisaaqiin uumate. Yisaaq Yaaqoobiin uumate. Yaaqoob Yihuuda'aa fi obboleeyyan Yihuuda'aa uumate.

³ Yihuudaan Timaariin irraa Faaresii fi Zaaraa uumate. Faarees Hesroomiin uumate. Hesroom Aaraamiin uumate.

⁴ Aaraam Aminaadaabiin uumate; Amiinaadab Nahaasooniin uumate; Nahaasoon Salmooniin uumate.

⁵ Salmoon Rahaabiin irraa Bo'aaziin uumate; Bo'aaz Ruutiin irraa Iyyoobeediin uumate; Iyyoobeed Isseyiin uumate.

⁶ Isseyi Daawitii mooticha uumate; Daawiti haadha manaa Ooriyo'oo irraa Solomooniin uumate.

⁷ Solomoon Rehobi'aamiin uumate; Rehobi'aam Abiiyaa uumate; Abiiyaan Asaafiin uumate.

⁸ Asaaf Iyyoosaafixiin uumate; Iyyoosaafixi Yooraamiin uumate; Yooraam Oziyaaniin uumate.

⁹ Oziyaan Yo'aataamiin uumate; Yo'aataam Akaaziin uumate; Akaazi Hisqiyaasiin uumate.

¹⁰ Hisqiyaas Minaasee uumate; Minaaseen Amooniin uumate; Amoon Iyyoosiyaasiin uumate.

¹¹ Iyyoosiyaas bara boojuu Baabiloonii Ekoniiyaanii fi obboleewwan isaa uumate.

¹² Boojuu Babilooniitiin maayii Ikooniyaan Salaatiyaaliin uumate. Salaatiyaal Zarubaabeeliin uumate.

¹³ Zarubaabeel Abiyuudiin uumate, Abiyuud Eliyaaqimiin uumate, Eliyaaqim Azariin uumate.

¹⁴ Azari Saadooqiin uumate. Saadooq Akiimiin uumate, Akiim Eliyudiin uumate.

¹⁵ Eliyuud Al'aazaariin uumate, Al'aazaar Maattaaniin uumate, Maattaan Yaaqoobiin uumate.

¹⁶ Yaaqoob Yooseefiin uumate. Yooseef ka haadha Yesuus Kiristoosii Maariyaamiin qaadhimate ture; Maariyaamiin tun ta Yesuusii «Kiristoos» jedhamee maqaan itti moggaafame deette.

¹⁷ Dhaloonni kun martinuu Abrahaamiin irraa haga Daawitii dhaloota kudha Afur. Daawitiin irraa haga boojuu Baabiloonii dhaloota Kudha Afur. Boojuu Baabiloonii irraa haga dhaloota Kiristoosii dhaloota kudha Afur.

Dhalachuu Yesuus Kiristoosii

¹⁸ Dhaloonni Yesuus Kiristoosii akkana. Haadha isaa Maariyaamiin Yooseefitu qaadhimatee ture; Inni uduu isii bira hin gayin Ayyaana Woyyu'uun ulfooftee argamte.

¹⁹ Yooseefiin isii qaadhimate kun nama balchaa waan ta'eef isii saalfachiisuu waan hin barbaanneef dhossa'aan isii dhiisuu yaade.

²⁰ Uduu inni kana yaada'aaru, Maleekkaan Goofta'aa eebju'uun itti mudhatee akkana jedheen, «Yooseef Ilma Daawitii! qaadhimamtuun tee Maariyaam Ayyaana Woyyu'uun waan ulfoofteef isii fuudhuu hin sodaatin.

²¹ Isiin Ilma dhiiraa deetti; Inni banii cubbuu irraa waan fayyisuuf maqaa isaa Yesuus jettee waamta» jedheen.

²² Kun martinuu wonti Gooftaan karaa raagaatiin dubbate sun akka raawwatamuuf ta'e.

²³ Wonti dubbatame sun, «Durbi duudaan hin ulfoofti; Ilma deetti; maqaan isaa, ‹Amaanu'eel› jedhamee waamama;» «Amaanu'eel» jechuun, «Rabbi nu woliin jira» jechu'u.

²⁴ Yooseef hirribaa dammaqee, akkuma Maleekkaan Rabbii isa ajaje godhe. Qaadhimamtuu ufii gara mana ufii fudhate.

²⁵ Haga isiin ilma hangafaa deettutti inni isii bira hin geenne. Maqaa isaa Yesuus jedheen.