Kitaaba Weedduu Weedduu Caalu 1 - Kitaaba Woyyuu

Daadhii Woyini'ii Irra Jaalala Woyya

¹ Weedduu Solomoonii ka weedduu maraa caalu.

Idaayyittii

² Jaalalti tee daadhii woyini'ii waan caaltuuf, afaan kiyya keessa na dhungadhu.

³ Urgoon ati dibattu akka bookaa urgoofti; maqaan kee akka dhadhaa urgo'oo ka jigeetitti foolii qaba; kanaaf durbi bareeddu maruu si jaalatti.

⁴ Harka na qabadhu ufitti na fudhadhu dafnee fiinnaa; mootii kiyya gara gola keetii na geessi. Nu'u sitti gammanna; guddisee nutti tola, jaalala kee daadhii woyini'ii caalaa jaalanna; Akkana si jaalachuun isaanii sirri'i;

hiriyyoota isi'ii Idaayyittii

⁵ Isin babbareeddan Yerusaalemii! na dhagayaa'a; ani gurraatti'i, haa ta'uu malee bareeddu'u; guraachinni bifa kiyyaa akka daasee Qeedaariiti; bareeddinni kiyyallee akka golga mana mootumma'aa ka Solomooniiti

⁶ Wonti bifti kiyya gurraachateef waan aduun na gubdeef; kanaafuu waan guraachadheef xiinxallitanii na hin laalinaa'a; ilmaan haadhaa tiyya waan natti aaraniif dhaaba woyini'ii na eessisan; kanaafuu ani hulee dhaaba woyini'ii kiyya hin dhiise.

⁷ Jaalalloo kiyya! yabo'oo mee natti himi; hoolota tee eessa bobbaafta? guyyaa akka isaan hara baafataniif eessa fidda? ani wonti si soqaa akka intala fuulatti haguuggattee gobbuu goshoota teetii faanaa olii gad raantawuuf maali'i?

Idaayyicha

⁸ Ati ta dubartoota maraa caalaa bareeddu! yoo ka hulee hin beennee faana hoolota tiyyaa dhayi; ilmoolee re'iin teetiillee daasee worra re'iin tissanii biratti bobbaasi.

⁹ Jaalalloo tiyya! ati ganyaa fardaa ka faradoo gaarii Fari'oonii harkisu keessaa akka takkaati.

¹⁰ Boqoon fuula keetii bareeda looko'o; mormi kee ka faaya gatii gudda'aatiin bareede.

¹¹ Nullee faaya looti'ii worqii irraa sii hujjisiifna.

Idaayyittii'i

¹² Mootichi uduu nyaataaf taa'eeru, urgoon nafa kiyyaa isatti urgaaye.

¹³ Jaalalloon kiyya hennaa harma kiyya lamaan jidduu ciisu urgaan isaa akka urgaa bookaatitti natti urgaaye.

¹⁴ Jaalalloon kiyya akka abaaboo hulee dhaaba woyini'ii ka Ayingaad jedhamu ka hulee lafa gammoojji'iititti biqileeti.

Idaayyicha

¹⁵ Goshoo tiyya! ati akkam bareedda! attam midhaaddeerta! ijji tee akka ija handari'iiti.

Idaayyittii'i

¹⁶ Jaalalloo tiyya! atillee bareeda; guddiftee nama gammachiifta; sireen keennallee akka marga lalisa'aa nama gammachiisa.

¹⁷ Utubaan mana keennaa utubaa muka Libaanosiiti; ginnoonillee muka hindheessaatiin ijaarameera.