Waloma 2 - Kishambala New Testament 2005

Kubana kwa Wayuda haṅwe na wamzimu.

¹ Kwa inu mbuli, iwe muntu welaha, nkima ndivyo ukikanile navyo, hambu viya uvyomlaha ṅwiyao navyo, ukilaha ṅwenye, hambu iwe nawe welaha weyao waviγoshola.

² Miya tataila, kuti mlaho wa Mulungu utawagweela kweli weγoshola ivyoho.

³ Iwe muntu welaha waja weγoshola ivyoho, kangi ṅwenye waviγoshola, waγamba, kuti nezeunyilike mlaho wa Mulungu?

⁴ Hambu utabela mbazi na uzizimizi na uhozu wakwe ungi? Nkutaila kuti: Uhozu wa Mulungu wakuonyesha luvotekele?

⁵ Miya na nkani zako na moyo wako ushiwohitula ntongonyezi zakwe wakiγenyezeza ṅwenye maya mushi uja wa maya, masa yeagiza yahozafumbwilwa ni Mulungu;

⁶ ne ndiho amwuzize kila muntu miγoshwele yakwe:

⁷ Washiwotibuka kuzifya mbuli wakilonda utana na kugimbikwa na kushebanika, awa ne weinkwa nkalamo ya kale na kale, miya weγenyeza nkumbizi,

⁸ washiwoitika vye kweli, weitika vye mambeza, ne weona maya na kiteya.

⁹ Ukiwa na wasiwasi utazagweela moyo wa kila muntu mweγoshola vibada, bosi Wayuda, vikibinda Wagiliki wohena;

¹⁰ kila muntu mwezifya mbuli atazainkwa ufuṅwa na utana na utondolo, bosi Wayuda, vikibinda Wagiliki wohena.

¹¹ Hambu Mulungu nkaolela cheni cha niuntu.

¹² Woshe wabanilewo na kushetaila mulomongwa wahekiaγila kishi mulomongwa, woshe wabanilewo na kutaila mulomongwa watazalahwa na mulomongwa.

¹³ Hambu watanda kwa Mulungu siwo weiva mulomongwa, miya weγoshola mulomongwa, ne wezainkwa utanda;

¹⁴ hambu ati wamzimu nkawataila mulomongwa, kangi waγoshola milaγihzo yakwe, awa hata nkawana mulomongwa, wenye wakiγalukiia mulomongwa,

¹⁵ awa ne webunkula kuti: Miγoshwele ya mulomongwa iigondiγwe mwe myoyo yawe, kangi walongwa uwona ni viya, wavyotaila, ntongonyezi zawe zikibuiiza kuifyana, kangi kukanilana.

¹⁶ Ne nihoγamba kuti: Awa wakiγalukila mulomongwa wenye uja mushi, Mulungu ahozalaha na Kilisito Yesu viya, wantu wafishizevyo, sa nivyobilikila.

¹⁷ Kaula, iwe wakiitanga Muyuda, wakidesa na mulomongwa, wakihikula na Mulungu,

¹⁸ wataila kikundile chakwe, watanya mbuli ndala na mbuli mpuiṅ, kwa kuti uzafuziγwa ni muiomongwa, wakifanyanyiza ṅwenye,

¹⁹ kuti wadahaγesa wafilewo mesho, kuti u langaila ja waja we mwe lwiza,

²⁰ kuti wadahashunda wadashi, kuti wadahahinya wankebe, kuti viya vyeonyesha unyanyi na ukweli una navyo mwe mulomongwa.

²¹ Lushe iwe wemhinya ṅwiyao nkukihinya ṅwenye? Wabilikila, muntu ashebawe, kangi wabawa?

²² Walonga: Muntu ashetende kilanga, kangi watenda kilanga? Fanyanyi za milungu wazigela kisitama, kangi wazipakula mwe mavikilo?

²³ Wakihikula na mulomongwa, kangi wamweza Mulungu na kuzinkana na mulomo wakwe?

²⁴ Hambu zina ja Mulungu jabeleka kwa wamzimu kwa mbuli ya inywi, sa vyagondwavyo.

Uyuda wa kweli.

²⁵ Kushengwa kwatama, ati waγoshola mulomongwa, miya ati wazinkana na mulomongwa, kushengwa kutakuγalukila viya nkushengiγwe.

²⁶ Lushe ati muntu ashishengiγweye aγolokela milaγilizo ya mulomongwa, lushe hata nkashengiγwe nkezeatalwe viya aishengiγwe?

²⁷ Muntu ashishengiγweye mwe ṅwiliwakwe akibontola mulomongwa atazakulaha iwe wezinkana na mulomongwa, kangi uifuziγwe, hata kushengwa uishengiγwe.

²⁸ Hambu Muyuda siye yuja mweoniγwa se, kuti ni Muyuda, hata kushengwa siko kuja kweoniγwa se mwe ṅwili,

²⁹ miya ai Muyuda uko ndai mwe moyo, uyu ni Muyuda, kangi kushengwa kwa msimo siko, ni kuja kwa moyo, kuja kwa kimpeho kushikotogolwa ni wantu, miya kutogolwa ni Mulungu.