Luka 1 - Kishambala New Testament 2005

Mbuli ya Luka.

¹ Wangi wazaγeza kugonda utamulizi wa ziya mbuli zibontokezo kwetu;

² wazatongelatongela viya tivyoinkwa ni waja wavienewo wenye, viya viandiilevyo, hambu ne wai waluγojo wa mbulingwa.

³ Lushe nami nizavidosa na utanda, sa viyaho viγendilevyo, nikibinda nizakunda kuvikugondela, iwe mbuyangu Teyofilo,

⁴ kangwe utaile, kuti ziya mbuli ufuziγwezo ni za kweli.

Zakaliya na Elisabeti.

⁵ Mishi ija, Helode akitoza uzumbe wa Yudeya, kuna mvikizi, zina jakwe ndiye Zakaliya, ni ywa bumba ja kivikizi ja Abiya; muke ni ywa chengo cha Aloni, zina jakwe ndiye Elisabeti.

⁶ Woshe waili, Mulungu akiwaolela, ni watanda, hambu wazaanga na milaγilizo yoshe na utanda woshe wa Zumbe; ne waishina kilango kibada.

⁷ Awa mishi yoshe nkawana ṅwana, hambu Elisabeti ni mγumba, kangi woshe waili mishi yawe izaγenela.

⁸ Bumba jakwe jikibulilwa ni lupondo, ne ahobasha iyo ndima ya kubinda mviko he mesho ya Mulungu.

⁹ Kwa msimo wawe wa kivikizi azatalwa ni kuvunkiza, azaingila mwe vikilongwa ja Zumbe;

¹⁰ miya bumba joshe jawantu ji uko se, wazavika ija saa ya kuvunkiza.

¹¹ Mlau ywa Zumbe azamlawila, azaγoloka kulume he okelo ja uvumba.

¹² Zakaliya akimwona azawewa, azaingiiwa ni woγa.

¹³ Miya yuja mlau azamuti: Usheogohe, Zakaliya! Hambu mihembelezeze yako izaiviγwa, mkaziyo Elisabeti neakuvyaile ṅwana, zina jakwe umwitange Yohana!

¹⁴ Iwe utaona nyemi, utatowa mazumo, kangi wantu wangi watatamilwa ni kuvyalwa kwakwe.

¹⁵ Hambu atamkulila Zumbe, ashenywe mpombe na vyoshe vyetengeza, agise mpeho ṅazi, ndiho nezeavyailwe ni nine,

¹⁶ ahitule wana Isilayeli wangi na kwa Zumbe, Mulungu ywawe.

¹⁷ Ṅwenye atamlongwela na mpeho na nguvu ya Eliya, adahehitwila wana myoyo ya waishe zawe, ahitule wapapala, waγuwe viyuγo vya watanda, amliγanyize Zumbe mbali ya wantu wekiteγa.

¹⁸ Zakaliya azamγamba yuja mlau: Inu mbuli niitaile zeze? Hambu imi ni mγundu, hata mkazangu mishi yakwe izaγenela.

¹⁹ Yuja mlau azamhitula angwe: Imi ni miyo Gabuliyeli, niangila he mesho ya Zumbe, nizatuṅwa kwa kuγambila iwe, nikubilikile inu mbuli ya nyemi.

²⁰ Olela, neuγaluke bubu, nkoudahe kulonga mpaka uja mushi, viya vikizabontoka, kwa kuti nkutozeshe mbuli zangu zeunga kuhontoka mishi yawe.

²¹ Miya wantu wazaikala na kumwafiza Zakaliya, wazamaka, kuti azunganya muja mwe vikilongwa.

²² Akilawa nkadahile kulonga nawo, ne wahotaila, kuti kuna aenevyo muja vikiloi. Ṅwenye azawakonyeza, kangi azaikaia ai bubu vivyoho.

²³ Mishi ya uvikizi wakwe ikimambuka, azahita na kwakwe kaya.

²⁴ Mishi ija ikizinka muke Elisabeti azatenda nda, azakifisha myezi mishano, angwe:

²⁵ Zumbe azaniγoshwela ivyoho mishi inu akiniolela, aniushe shoni kwa wantu.

Mlau Gabuliyeli amlawila Maliya.

²⁶ Myezi mtandatu ikizinka, mlau Gabuliyeli azatuṅwa ni Mulungu kwe muzi wa Galileya weitangwa Nazaleti

²⁷ kwa mndele alombiγweye ni mγoshi mweitangwa Yosefu, ni ywa chengo cha Dawidi; yuja mndele zina jakwe ndiye Maliya.

²⁸ Akiingila mwakwe azamluγusha angwe: Mpeho na iwe ufilwewo mbazi! Zumbe a haṅwe na iwe uṅaziγwewo mesho kuzinka wavyele watuhu.

²⁹ Yuja azashentuka inu mbuli akifanyanya kuγamba: Ni tulo ani iji?

³⁰ Yuja mlau azamuti: Usheogohe, Maliya! Hambu uzaonelwa mbazi kwa Mulungu.

³¹ Olela, neutende nda, uvyale ṅwana ywa kiγoshi! Zina jakwe umwitange Yesu!

³² Uyu neaγaluke mkulu, neaitangwe Awanangwa ywa yuja mwe uko ulanga; kangi Zumbe Mulungu nezeamunke kiti cha ishe Dawidi,

³³ atoze uzumbe wa kolwa ja Yakobo kale na kale,

³⁴ uzumbe wakwe nkeutende mhelo. Maliya azamhitwila yuja mlau kuγamba: Vitabontoka zeze?

³⁵ Hambu sitaila mγoshi? Yuja mlau azamlandula angwe: Mpeho mṅazi atakuizila, nguvu ya yuja mwe uko ulanga itakuγubika, viya ni zunde; kwa ivyoho yuja, ndiye avyalwe ni weyo, ataitangwa mṅazi, kangi ṅwana Mulungu.

³⁶ Olela, mnduγu ywako Elisabeti yohe ana nda ya ṅwana ywa kiγoshi na uγundu wakwe;

³⁷ unu ṅwezi ni wakwe wa mtandatu, kangi ne akiitangwa mγumba. Hambu nkakuna mbuli ishiyodahikana kwa Mulungu.

³⁸ Maliya azaitikila angwe: Shimi mndelengwa ywa Zumbe! Viya ulongilevyo vinibontokele! Ne yuja mlau ahouka kwakwe.

Maliya amluγusha Elisabeti.

³⁹ Mishi ija Maliya azainuka, azakanyahita kwe milima, kwe muzi wa Yudeya,

⁴⁰ azaingila mwe nyumba ya Zakaiiya, azamluγusha Elisabeti.

⁴¹ Elisabeti akiiva tulo ja Maliya, ṅwana azakuntula mwe ifu jakwe,

⁴² ne Elisabeti ahomemeziγwa mpeho ṅazi, azalonga na kanwa kikulu angwe: lwe neutogolwe kuzinka weyao,

⁴³ vivyoho hata ṅwana, ndiye umvyale, atazatogoleshiγwa. Ivi vi zeze, nine ja Zumbe ywangu akiiza na kwangu?

⁴⁴ Hambu olela: Tulo jako jikiiviγwa ni mashikilo yangu, ṅwana azakuntula mwe ifu jangu kwa nyemi.

⁴⁵ Neuone nyemi, kuti uzatozesha! Hambu viya ulongiγwevyo ni Zumbe nevibontoke!

Maliya atogolesha.

⁴⁶ Angwe ni Maliya: Moyo wangu wamtogola Zumbe,

⁴⁷ kuti ni mkulu, mpeho zangu zamtowela Mulungu, mhonya ywangu, zumo.

⁴⁸ Hambu azaolela udodo wa mndele ywakwe, hambu niyaona:

⁴⁹ Kuandiila ivi lushe makolwa yoshe yatakiombola na imi.

⁵⁰ Yuja mnguvu azaniγoshwela vikulu; zina jakwe ni ṅazi.

⁵¹ Mbazi yakwe ni ya kale na kale kwa waja wemwogoha. Aγoshola vye nguvu na mkono wakwe,

⁵² aasakanya waja wehikuka na ntongonyezi za myoyo yawe.

⁵³ Wanguvu awabusha na kuwashindika mwe viti vyawe vya kizumbe, agimbika wakiwa; wena sala awaγenyezeza vitana, wazuli awaheleza bule.

⁵⁴ Ṅwanae Isilayeli amupikila akifukila mbazi zakwe,

⁵⁵ sa alongilevyo watate zeshu wa Abulahamu na mbeleko yakwe kuti: Neitende ya kale na kale.

⁵⁶ Maliya azaikala naye myezi mitatu, akibinda azaγotoka na kwakwe kaya.

Yohana avyalwa.

⁵⁷ Elisabeti, mishi yakwe ikitimiza, azavyala ṅwana ywa kiγoshi.

⁵⁸ Wahundo weyae, na wanduγu wakwe wakiiva, kuti Zumbe azamfila mbazi nkulu, wazatamilwa haṅwe naye.

⁵⁹ Mushi wa mnane wazaiza kwa shenga kaja kazana, wazakaitanga na zina ja ishe Zakaliya.

⁶⁰ Miya nine azawalandula angwe: Sivyo, shuti aitangwe Yohana!

⁶¹ Wazamuti: Kangi mwe nduγu yako nkakuna mweitangwa ijo zina.

⁶² Wazamkonyeza ishe, atiakunda, ailangwe zinaani.

⁶³ Azalombeza kabala, azagonda angwe: Zina jakwe ndiye Yohana. Woshe wazavimaka.

⁶⁴ Viya du lushe azashungwilwa kanwa na lulimi, azalonga na kumtogola Mulungu.

⁶⁵ Woshe weikala hehi hehi nawo wazaingilwa ni woγa, mwe milima yoshe ya Yudeya izi mbuli zoshe zizashimwelwa;

⁶⁶ woshe waziivilewo wazaziika mwe myoyo yawe angwe: mbuli ya aka kazana nezeihite kwa bontokela hi? Hambu mkono wa Zumbe uzakaγolokela.

Zakaliya atogola.

⁶⁷ Ishe Zakaliya azamemeziγwa mpeho ṅazi, azalonga na kuteγanya angwe:

⁶⁸ Atogolwe Zumbe. Mulungu ywa Isilayeli, kuti azalawila mbali yakwe na kuionela ukombozi.

⁶⁹ Azatishimikila guṅunda ja uvunizi mwe chengo cha ṅwanae Dawidi,

⁷⁰ sa alongavyo kale na vyanwa vya wateγanyi waṅazi.

⁷¹ Ativunila kwa wankulu wetu na mwe mikono ya waja woshe wetishukiza, atifila mbazi haṅwe na watate zeshu,

⁷² afukila kilaγa chakwe kiṅazi na ija mikilishize,

⁷³ akihshizeyo nayo kwa tate yweshu Abulahamu kuγamba:

⁷⁴ Tivunilwe mwe mikono ya wankulu wetu, tiikale kishiwoγa na kumtumikila mishi yetu yoshe,

⁷⁵ tiγaluke waṅazi wetenda utanda wemtamila!

⁷⁶ Miya iwe kazana, utaitangwa mteγanyi ywa yuja mwe uko ulanga,

⁷⁷ ulamlongwela Zumbe na kumlulila sila yakwe; nezeuleke, wantu wa mbali yakwe wataile kuti: Uvunizi wawe uanduka mwe kuushiliziγwa uhuza wawe.

⁷⁸ Tikiviona iviho, ni kwa ungi wa utungu wa Mulungu ywetu; unu ne weleka,

⁷⁹ tikilawilwa ni langaila jeanduka uko ulanga, jimulikile waja weikala mwe lwiza na mwe kizuli cha kifa, jigwize milundi yetu sila ya utondolo.

⁸⁰ Kaja kazana kazakula, kazatenda nguvu ya kimpeho, kazaikala mwe nyika mpaka uja mushi, kakizalawila Waisilayeli.