1. Wakolinto 14 - Kishambala New Testament 2005Mibilikile ya uleγanyi na milongele miγeni. 1 Kihimei, mkundishane! Hangilizai viya vya kimpeho, kuzinka vituhu, mdahebilikila! 2 Hambu mwelonga na kilosi kiγeni nkalonga na wantu, miya alonga na Mulungu; nkakuna mwemwiva, hambu mwe moyo wakwe alonga vishivyotailikana. 3 Miya mwebilikila alonga na wantu, awazifyc akiwashunda na kuwahembuliza. 4 Mwelonga na kilosi kiγeni azifya moyo wakwe, miya mwebilikila azifya humbangwa. 5 Nakunda, inywi nyoshe mulonge na vilosi viγeni, miya nivyoisa kukunda, mubilikile; mwebilikila ni mkulu kumzinka mwelonga na vilosi viγeni kushima aho, kwina mtakufumbula, kangwe bumbangwa jizifiγwe. 6 Wanduγu, ati imi naiza kwenyu nikilonga na vilosi viγeni, nimiambiza mbwai, ati nashelonga na kufumbula na kuminka viyuγo na kubilikila na kufuza? 7 Viya vyekema vishinavyo moyo ni vivyoho, ati ni mululi, ati ni pango; mililo ikishetailikana, lushe vyetowiγwa na mululi ao pango vitailikana zeze? 8 Gunda johe jikishekema vyedi, ndiye akiteγe kwe nkondo ni ndai? 9 Vivyoho hata inywi mkilonga na kilosi kiγeni, ati mwashelonga mbuli yeivika, lushe vyelongwa vitailikana zeze? Hambu muvyolonga vifanana viya ni muhuye du. 10 Vilosi vyaγenela mwe inu shi sa mbwai, kangi nkakuna chishichoivika. 11 Lushe nikishetaila bontokelo ja kilosi, yuja mwechilonga imi ni dashi jakwe, nami yuja mwelonga ni dashi jangu. 12 Vivyoho hata inywi kwa viya, muvyohangiliza viya vya mpehongwa, londai, mγenyeze. 13 Viya vyezifya bumbangwa! Kwa ivyoho yuja mwelonga na kilosi kiγeni ahembeleze iyo mbuh, adahe kufumbula kohena! 14 Hambu nikivika na kilosi kiγeni, moyo wangu ne wevika, miya lutwi lwangu nkalumo. 15 Lushe vyedi ni vihi? Nivike mwe moyo wangu, kangi nivike na lutwi! Niimbe mwe moyo, kangi niimbe na lutwi! 16 Ati walavya ntogolo mwe moyo, lushe ati hana ashiyetaila mitogwole yako, ataitikila zeze na kuγamba: Amini?, kangi nkataila uvyolonga. 17 Iwe kweli walavya ntogolo vitana, miya yuja ṅwiyawo nkazifiγwa ndivyo. 18 Namtogola Mulungu, kuti imi nadsha kulonga na kilosi kiγeni kumizinka nyosheni; 19 miya mwe bumbangwa kulonga mbuli shano du na lutwi lwangu, kangwe nifuze hata watuhu, nakukundisha kuzinka aho, nikilonga na kilosi kiγeni mbuli makulija na makulija. 20 Wanduγu, mitongonyezeze yenyu isheγaluke ya kinkebe! Uhambanyi mufanane na wankebe, mitongonyezeze itende ija ya wantu wagima! 21 Mwe mulomongwa kuigondiγwe kuti: Inu mbuli nezenilonge nayo milongele mituhu na vyanwa vya watuhu, miya hata viya nkezewaniive! Ne Zumbe avyolonga. 22 Kwa ivyoho viya vilosi viγeni visheγaluke lwitangilo lwa waja wetozesha, miya lwa waja washiwotozesha! Miya uhilikizi so lwitangilo lwa waja washiwotozesha, ni lwa waja wetozesha. 23 Lushe bumbangwa gima jikiunganana, woshe wakilonga milongele miγeni, ati mwaingila washiwoitaila so washiwotozesha, nkewaγambe: Mwalaluka? 24 Miya woshe wakibilikila, ati mwaingila ashiyetozesha ao ashiyetaila, atavotwa ni wangi, atalahwa ni wangi. 25 Viya vikifishizevyo mwe moyo wakwe vyabunkulwa, ne ndivyo akine fimi na kumvika Mulungu, akilonga na kulaviliza kuti: Kweli Mulungu muna naye haha. Utanda wa muviko. 26 Wanduγu, vyeagiza ni vihi? Muhokaungananilana, kila mimtu, ati ana zumo ao mbuli ya kufuza ao ya kufumbula ao ya milongele ao ya kuhitula, vyoshe shuti vishikize myoyo! 27 Ati muntu alonga na kilosi kiγeni, watende waili ao watatu, sho washezinke, kangi walonge na kutalana, vikibinda shuti kuoneke mwehitula mbuli zawe! 28 Miya ati nkakuna mhituzi, shuti yuja aleke lwashu mwe bumbangwa, alonge mwe moyo wakwe ṅwenye na Mulungu! 29 Wabilikizi walonge waili, hata ni watatu, waja watuhu wateγeleze du, wataile! 30 Ati muntu aikaleye afumbwilwa mbuli, yuja ywa bosi shuti aneleka kulonga! 31 Hambu muṅwe muṅwe rawadaha kubilikila nyoshe, kangwe woshe wahine, kangwe woshe washundwe; 32 kangi mpeho za wateγanyi ziitika wateγanyi. 33 Hambu Mulungu siye ywa mzinkano, ni ywa mwivano. Utanda wa wavyele mwe miviko. 34 Sa mwe mabumba yoshe ya waṅazi hata kwenyu wavyele waleke lwashu, bumbangwa jikiunganana! Hambu nkaviwaagiza kulonga, shuti waitike, sa mulomongwa uvyolonga. 35 Ati wakunda kuhina, newauze walume wawe nyumbai mwawe; hambu vina shoni, mvyele akilonga mwe bumbangwa. 36 Hambu mbulingwa ya Mulungu izalawa kwenyu? Ao itaiza kwenyu ike? 37 Ati muntu akifanyanyiza kuti: Nimubilikizi ao ni ywa kimpeho neataile nivyomigondela, kuti: Ni mlaγilizo wa Zumbe. 38 Ati muntu ashetaila ivyoho, ne ashetailwe! 39 Kwa ivyoho, wanduγu, hangilizai kubilikila! Kangi mshefingize kulonga na vilosi viγeni! 40 Ntoγo vyoshe viγende na utanda, sa vivyoagiza! |
New Testament in Kishambala © Bible Society of Tanzania, 2005.
Bible Society of Tanzania