1. Petelo 5 - Kishambala New Testament 2005

Ndima ya waγolokezi.

¹ Waγolokezi we kwenyu nawahimila imi, kuti nami ni mγolokezi, kangi ni mwona ywa milumilwe ya Kilisito, kangi napangilwa uja utanda weunga kulawila:

² Lishai ifyongwa ja Mulungu je kwenyu, so kwa ntoγo, miya kwa kukunda wenye, so kwa upokezi ushiwotama, miya kwa kutamilwa,

³ so viya mu wafuṅwa, miya viya mtaγaluka vilongolezi vya ifyongwa!

⁴ Aho ndiho yuja mulishi ṅwenye nezealawile, mtazamota linga ja utana jishijobanika.

⁵ Vivyoho inywi wadodo wa gatigati, itikai waγoshi wakulu, mtumikilane kila muntu na ṅwiyae, viya ni mupuna ywakwe! Kwa kuti: Mulungu awaikila watili nkani, miya wadodo awafa mbazi.

Tikipunguze ha Mulungu.

⁶ Kwa inu mbuli uinamilei mkono wa Mulungu wena nguvu, kangwe nezeamikweze, mushi wakwe ukizabula!

⁷ Mtambikilei yuja sungu zenyu zoshe! Hambu uyu amipikila. Mshetengele, mγojeshe!

⁸ Hambu munkulu ywenyu Satani aanga sa shimba yeluluma, alonda, ndiye amumeze.

⁹ Uyumwikilei nkani mkitenda nguvu ya kutozesha! Kangi tailai kuti: Nkondo zebwila nduγu yenyu mwe mu shi ni zizo!

¹⁰ Mulungu rawena mbazi zoshe, ndiye akimiitangila utanawakwe wekalama, we mwe Kilisito, ṅwenye neamizifye, mkilumila hadodo, neamigeele, neaminke nguvu, neamishikize!

¹¹ Utana na ufuṅwa ni wakwe kale na kale! Amini.

Tulo.

¹² Nizamigondela hadodo na mnduγu Silwano, niyemtala kuti: Ni mkweli, nizamishangalaza, kangi nizamionyesha kuti: Mbazi ya Mulungu ye kweli ni iyo, muyoikaila.

¹³ Washaγulwawo kuja Babeli wamiluγusha na ṅwanangu Maliko. Luγushanai mkifyosana kwa mbuli ya kukundishana!

¹⁴ Mpeho na inywi nyosheni mwena Kilisito! Amini.