YOBU 41 - Bibilia Kui Mdedie fo Kimochi

¹ " Mndu cho ose echiwona indo lyo nechiowuo na iuma.

² Kuwode mndu ose amlang'a echikaria ilyipaayapfo. Nyiu ichu echiidima ihoṟoka oshangunyi loko?

³ Nyiu alemenjiinega kindo kundu njimbihiṟie? Orio kindo kii shiya ruwehu nyi kyako.

⁴ "Njechiidima ida njilakuongoya chandu indo lyo lyiipfo ang'u kya pfinya yalyo na chandu lyi uumbe necha.

⁵ Nyiu echiidima ilyiwuta nguo yalyo ya nja? Nyiu echiidima itocha mbihu fui cha menya?

⁶ Nyiu echiidima itambaṟuo dumbu yalyo? Maheho halyo njora tsose nyi kiṟihisho.

⁷ Mhongo folyo fui fuwike kwi otasa lo ngawo tsiwodanyi cha mhuri.

⁸ Orio lumu luwodanyi na odoye manya mṟufu fochiidima iida makidi hawi-pfo.

⁹ Haimasanze kimu hechiwa iletsana-pfo.

¹⁰ Likaitsamuo, sa yechiwono meso halyo haaka-aka cha ilyi mnengeṟi fuido.

¹¹ Dumbunyi kolyo kui cha shimui shiaka, sese tsa modo tsirunduka.

¹² Mbuonyi kolyo kuduka mtsu cha kinungu kidosa cha machuwo haikoṟo.

¹³ Mṟufu foke foatsa makaa olewo lo modo luwuka dumbunyi lyake.

¹⁴ Nzingo yalyo iwode pfinya kikuka yikawono wandu wekeichuo wuowu wung'anyi.

¹⁵ Shichong'u shalyo shiwadanyi kimu shiikare cha menya ma shekupaaya-pfo.

¹⁶ Lyidowe mrima muumu cha iho, cha iseo lya iho.

¹⁷ Lyikahoṟoka, wai ngohoda wekewado nyi wuowu, ko ngapo imu wekeuma.

¹⁸ Kuwode oshu lochiima ilyiwika kifaṟe-pfo, ma pfumu, mfi ma opanga.

¹⁹ Kokyo menya ifananyi na iṟa Aṟeṟa cha ikidi lyiporu.

²⁰ Mfi fochiidima ilyitewa lyidiche-pfo maho hekumba na ngowa lyekewona nyi-kiluli.

²¹ Ṟungu nyi ndingo ya ishaku lyekeseka lyikakumbio mapanga hafoi.

²² Ndeu yalyo ifananyi cha ilyi injishikie na shieko shiohi yekeraha na iranduo teri cha kindo kesea.

²³ Ipalyipalyi lyekepaayo chamṟinga fuidosa, lyikawuta iwia cha chupa ya mafuda

²⁴ Lyikaida lyekeda mcharie fuiaka iwia lyiilyi lyekewono lyii ipalyipalyinyi.

²⁵ Kuwode kifananyi nalyo wuyanenyipfo nyi kiumbe kilawode wuowu.

²⁶ Wawode orikiki wekewono nyi wulya Lyikeri mangi o mando hose hai malang'a.

²⁷ Nekeambuya menya ikafanana na iṟa, aṟeṟa ikafanana na ikidi lyiporu.

²⁸ Ekeowesho nyi mfi-pfo Iho lyekumba lyikeri cha ifila.

²⁹ Rungu ikawa ishaku; kokumba pfumu kundu lyimkape nekeseka.

³⁰ Ora lo kya ndewu lui cha shieko shiohi Lyekeambuya handu helaa kukafanana na kisima kehuuya mbeke kiidi kya opuṟu.

³¹ Nekehaluo oṟoo lo ipalyipalyi luwe nungu na mṟinga fo ipalyipalyi cha mafuda.

³² Kundu lyeida kukawada sa mndu kakusaṟa kulako oṟoo lo nduwa luwode mhasa.

³³ Kuwode afananyi nao orukenyi-pfo alewumbo kulawode wuowu.

³⁴ O nekeambuya orio kindo kii huye, nyi mangi ya wose wawode orikiki.