YOBU 35 - Bibilia Kui Mdedie fo Kimochi

¹ Kiidima Elihu kaengeṟa ideda:

² “Ale-wo Yobu, nyi uwonyi kindo-ki na kicha ikusaṟa kilarianyi na Ruwa.

³ Koweso, ‘Nyi kiira kiki ulawona kokooya ulawuta wunyamaṟi? Ang'u njikuwona kiira king'anyi kota ida njilawuta wunyamaṟi.’

⁴ Njikeri ikuhaluo iyo, hamu na mbuya-tso tsapfo.

⁵ Keambuya ngina! Ambuya mapuchi-ho hai huye kota iyo!

⁶ Konyamaṟa nyi ukeri ihoṟuo Ruwa? Koengeṟa wuwicho wopfo, nawawio kipfa kya ikyo?

⁷ Kokooya nuwode wusumhanyi, ngesa nawode-ho kiira, ang'u kuwode kindo akiambia kiwuka kopfo?

⁸ Wuwicho wopfo wochiwa wuwicho ko mndu o wandu cha iyo, wucha wopfo wochitarama mndu cha iyo.

⁹ “Kipfa kya wuwicho wung'anyi wandu wekefihiṟa weketerewa ndarama kipfa kya ngapo ya wawode pfinya.

¹⁰ Ma kuwode mohamba, oku Ruwa chu mowumba, Ekeinengia wandu shiimbo maheri ha kio;

¹¹ ekelulosha kota mando hose ha oruka, kaweluhaluo wenyi wuṟango kota ndehe tsose tsa ruwehu?

¹² Nekefihiṟa, kyaindi kuwode mohaluo pfo kipfa kya orikiki lo wandu wawicho.

¹³ Na kya lohi Ruwa echiicho wuwicho-pfo ma Mndumii-Ruwa echiwuambuya-pfo.

¹⁴ Ma kalemba ke iyo ochimwambuya-pfo mwanduye fui oshangunyi loke na iyo-numbedia.

¹⁵ Indi wulalu, kipfa alalekuchea kiidi kya nyashi tsake, ma ekeambuya ikushela lyo-pfo.

¹⁶ Nakyo kitewe Yobu atambaṟuo dumbu lyake ko madedo ha wulya keengeṟa madedo kulawode wuṟango.”