YOBU 25 - Bibilia Kui Mdedie fo Kimochi

Bildadi kahaluo

¹ Kyasia Bildadi, Mshuhi, kahaluo na ihamba,

² “Wuitoṟi na wuowu shi hamu na icho; nekewika ofoṟo kiidi kya handu hake hakuirie.

³ Ngesa, wandu wa mbahanyi wechiwa iitalo? Nyiu elechicheo nyi sa yake?

⁴ Kyasiang'u mndu nyi wuda echidima iwada wusumhanyi, oshangunyi lo Ruwa? Ang'u naidime iwa mndu chu amfee nyi mndu mka?

⁵ Ambuya ma meeri fuiwaapfo, ma nyenyeri tsi tsiilyi mesonyi hake-pfo;

⁶ Kyalema mndu ai ikuṟu na mndu o wandu ai ishinu!”