YESAYA 4 - Bibilia Kui Mdedie fo Kimochi

¹ Na mkonu-fo waka mfungade wechiwada msoṟo umu na ihamba, “Lochilya kando kadu, na iṟaa nguwo tsadu luwenyi indi lulaho tupu kui rina lyapfo; (ke iyo nyi mii odu) uluwute sonu tsadu.”

Mṟi fo Yerusalemu fochiachikio

² Mkonufo njana ya Mndumii yechichia, iwode wuitoṟi na ndunda tsa oruka tsechiwa njicha mnu, na ichihiṟa, kipfa kya Israel walya walekiṟo.

³ Nakyo kechiwa ke ulya echitsuhaa kiidi kya Sioni na ulya aledeo kiidi kya Yerusalemu, nechilaho ai Mwele; ke orio umu amṟehiye kiidi kya iwo wai na moo kiidi kya Yerusalemu;

⁴ Mndumii nechikoya amesanja ngafu ya iwo wai wana wa waka wa Sioni na isanja samu ya Yerusalemu kiidi kyake, kui mumuyo fo mwanduye na mumuyo fo modo.

⁵ Ngoseṟa huya kanyi ka fumvu lya Sioni na huya makusanyionyi hake, Mndumii nechiwumba ipuchi kui mtsu kiheri kya mfiri, na sa ya olewo lo modo kiheri kya kio; kipfa huye ya kiṟumi kyake kyose kochialo kiringa mṟi.

⁶ Naho kochiwada ho ihema lyewika ria kiheri kya mbaṟi fo mfiri kuwewa handu hedichia kiheri kya mvuo ya kio.