YESAYA 12 - Bibilia Kui Mdedie fo Kimochi

Kiimbo kya mwano

¹ Kiidi kya mkonufo nochihamba, “Hoi Mndumii njechikuana iyo; Manya chandu ulenjisuuya, Nyashi yapfo ilehalukia haleshe, Na iyo omenjiwihiṟia moo.

² Ambuya, Ruwa nyio okiṟo loko Njechikusiria manya njechiowuopfo; Kipfa Mndumii Mndumii-Ruwa nyi pfinya tsako na kiimbo kyako; Nao nyi awie okiṟo loko.”

³ Kyasia, kui sia mochidahia mṟinga, kiidi kya maṟungu ha okiṟo.

⁴ Na kiidi kya mkonufo mochihamba, “Anenyi Mndumii, lahenyi rina lyake; Onguonyi mawuto hake kiidi kya wandu wa mkambo, sendenyi rina lyake ke ling'anyi.

⁵ Imbienyi Mndumii; kipfa awutie ṟiho tsing'anyi Na ishi shose shimanyike kiidi kya Wuyana wose.

⁶ Koṟoṟoma, fahia, wenyi wa Sioni; Kipfa Mwele o Israeli nyi ang'anyi kiidi kyapfo.”