YEREMIA 45 - Bibilia Kui Mdedie fo Kimochi

Kyasa kya Ruwa ko Baruku

¹ Iha nyiho madedo mwikimbi Yeremia alehadeda maka fo kana fo wuchili wo Yehoyakimu mana o Yosia na Baruku mana o Meria kahaṟehia kitapunyi. Yeremia kawia Baruku:

² “Mndumii-Ruwa, Ruwa o Israeli nahamba adi kyapfo iyo Baruku:

³ Iyo nyi ulehamba, ‘Ochia loko!’ Mndumii-Ruwa nanjiengeṟia mawina kiidi kya mawawio hako. Ngalehela njeitsika kulawode isia moo.”

⁴ Indi Mndumii-Ruwa nanjiwia njikuwie kudi: “Ambuya, shilya njilewika njishiwunduo, na shilya njiwaaya njishikuṟuo; njechiwuta kudo orukenyi lose.

⁵ Ale, iyo nyi uishiha mbonyi tsikung'anyie? Kulatsishihe! Lekana natso, kipfa njechiende orumatso huye ya wandu wose. Inyi Mndumii-Ruwa ngahamba. Iyo oṟimiṟa lopfo nyi ilu: njechiringa moo fopfo orio handu ochihenda.”