NEHEMIA 7 - Bibilia Kui Mdedie fo Kimochi

¹ Kyasia omombo lulya lomemarisika iwiko, mongo yose yamemarisika da, isambuṟa waringi wa mongo lyammaiwutika, waikimbi hamu na Walewi wamemaa isambuṟo,

² nalyo ngasambuṟa mana o wama oko Hanani nahoṟokie Yerusalemu kechitaramo nyi Hanania awei mnene otiṟiwa lo Yerusalemu kyamba nyi awei mndu o wusumhanyi, aweowoye Mndumii-Ruwa kota wandu wengi,

³ na inyi ngawawasa, “Mongo yose ishingo kio mṟasa ngamenyi ili mnengeṟi fomdo. Waringi wo walamehenda wapfunge necha mongo na makofuli hayo. Ngawewawasa wasambuṟe waringiwo kiidi kya wandu wa Yerusalemu na orio umu nakae handu hake sumuhana na mba yake.”

Wandu walewuya wawuka wusingenyi

⁴ Ambuya mṟi fo Yerusalemu nyi fuweng'anyi na ilandaa, wandu waweipfo nyi sa waangu na mba tsiwemewikopfo.

⁵ Kyasia Mndumii-Ruwa kanjiinenga mrima fo laha wanene wa wandu kundu wamanyike kui shishari shawo. Nalyo na kitapu kii kiṟehie wandu walewuya wusingenyi lya kuwoka, na iwa nyiwo waiwaṟehie ipfo kitapunyi.

⁶ Walya wawei wusingenyi wo Babuloni nyi walewuya Yerusalemu orukenyi lo Yuda, orio mndu nyi alewuya na mṟinyi foke. Nawo nyi walya mangi Nebukadreza awewadaye wusingenyi. Walya waledao wusingenyi wo Babuloni kiheri kya mangi Nebukadneza, nyiwalewuya Yerusalemu orukenyi lo Yuda. Orio mndu nyi alewuya mṟinyi foke amonyi.

⁷ Kiheri walewuya nyi walesongoyo nyi Zerubabeli, Yeshua, Nehemia, Azaria, Raami, Nahamani, Mordekai, Bilshani, Mispreti, Bigwai, Nehumu, Baanah. Ishi nyisho shishari sha Waisraeli walewuya wawuka wusingenyi.

⁸ Wana wa Paroshi: shiku shiwi na ihana limu na makumi mfungade na wawi (2,172),

⁹ wana wa Shefatia: mahana haṟaṟu na makumi mfungade na wawi (372),

¹⁰ wana wa Ara: mahana haṟandaṟu na makumi hatanu na wawi (652). Wana wa Pahath-moab iwa wekelaho nyi wana wa Yeshua na Yoabu.

¹¹ Shiku shiwi mahana nyanya na ikumi na nyanya (2,818)

¹² wana wa Elamu: nyi kiku kimu na na mahana hawi na makumi hawi na shiina (1,254).

¹³ Wana wa Zatu: mahana nyanya na makumi haana na watanu (845).

¹⁴ Wana wa Zakai: mahana mfungade na makumi haṟandaṟu (760).

¹⁵ Wana wa Binui: mahana haṟandaṟu na makumi nyanya na nyanya (688).

¹⁶ Wana wa Bebai: mahana haṟandaṟu na makumi hawi na wawi (622)!

¹⁷ Wana wa Azgadi: shiu shiṟaṟu mahana haṟaṟu na makumi hawi na wawi (3,322).

¹⁸ Wana wa Adonikamu: mahana haṟandaṟu na makumi haṟandaṟu na mfungade (667),

¹⁹ wana wa Bigwai: shiku shiwi na makumi haṟandaṟu na mfungade (2,067).

²⁰ Wana wa Adini: mahana haṟandaṟu na makumi hatanu na watanu (655).

²¹ Kishari kya Ateri (98).

²² Wana wa Hashumu: mahana haṟaṟu na makumi hawi na nyanya (328).

²³ Wana wa Bezai: makumi haṟaṟu na makumi hawi na nyanya (328).

²⁴ Wana wa Harifu: ihana limu ikumi na wawi (112).

²⁵ Wana wa Gibeoni makumikenda na watanu (95).

²⁶ Wandu walewuya wa mṟi fo Bethlehemu na Netofa; ihana limu makumi nyanya na waana (184).

²⁷ Wa mṟi fo Anathoti: ihana limu makumi hawi na nyanya (128)

²⁸ wa mṟi fo Beti-azmaweti: makumi haana na wawi (42)

²⁹ wa mṟi ya Kiriati- yearimu, Kefra na Beeroti; mahana mfungade makumi haana na waṟaṟu (743),

³⁰ wa mṟi ya Rama na Geba: mahana haṟandaṟu makumi hawi na umu (621),

³¹ wa mṟi fo Mikmashi: ihana limu makumi hawi na wawi (122),

³² wa mṟi ya Betheli na Ai ihana limu na makumi hawi na waṟaṟu (123),

³³ wa mṟi fo Nebo: Makumi hatanu na wawi (52),

³⁴ wa mṟi fungi fo Elamu; kiku kimu mahana hawi na makumi hatanu na waana (1,254),

³⁵ wa mṟi fo Harimu: mahana haṟaṟu na makumi hawi (320)

³⁶ wa mṟi fo Yeriko: mahana haṟaṟu makumi haana na hatanu (345)

³⁷ wa mṟi ya Lodi, Hadidi, Ono: mahana mfungade na makumi hawi na umu (721)

³⁸ na wa mṟi Senaa: shiku shiṟaṟu mahana kenda na makumi haṟaṟu (3,930).

³⁹ Wakohanyi walewuya wusingenyi nyi; Wa oshari lo Yedaya; nawo wai kishari kya Yeshua; mahana kenda makumi mfungade na waṟaṟu (973),

⁴⁰ wa oshari lo Imeri: kiku kimu makumi hatanu na wawi (1,052),

⁴¹ wa kishari kya Pashuri: kiku kimu mahana hawi na makumi haana na mfungade (1,247)

⁴² wa oshari lo Harimu kiku kimu na ikumi na mfungade (1,017).

⁴³ Walewi wa kishari kya Yeshua, Kadmieli, wana wa Odawia walewuya usingenyi nyi makumi mfungade na waana (74).

⁴⁴ Waimbi, wa oshari lo Asafu: nyi ihana limu makumi haana na nyanya (148),

⁴⁵ Waringi: walya wa kisharikya Shalumu, wa Ateri, na Talmoni, wa Akubu, wa Hatita na wa Shobai, nyi ihana limu makumi haṟaṟu na nyanya (138).

⁴⁶ Waṟundi wa hekalu walewuya nyi wa kishari kya Ziha, wa Hasufa, wa Tabaothi,

⁴⁷ wa Kerosi, wa Siaha, wa Padoni;

⁴⁸ wa Lebana, wa Hagaba, wa Shalmai,

⁴⁹ wa Hanani, wa Gideli, wa Gahari;

⁵⁰ wa Reaya, wa Resini, wa Nekoda;

⁵¹ wa Gazamu, wa Uza, wa Pasea,

⁵² wa Besai, wa Meunimu, wa Nefushesimu;

⁵³ wa Bakbuki, wa Hakufa, wa Harhuri,

⁵⁴ wa Ba Basliti, wa Mehida, wa Harsha;

⁵⁵ wa Barkosi, wa Sisera, wa Tema;

⁵⁶ wa Nezia na kishari kya Hatifa.

⁵⁷ Shishari sha waṟundi wa mangi Solomoni walewuya wusingenyi nyi wa kishari kya Sotai, wa Sofereti, wa Perida;

⁵⁸ wa Yaala, wa Darkoni, wa Gideli,

⁵⁹ wa Shefatia, wa Hatili, wa Pokereti-hasebaimu na kishari kya Amoni.

⁶⁰ Waṟundi wose wa hekalu na wana wa waṟundi wa Solomoni walewuya wusingenyi nyi mahana haṟaṟu na makumi kenda na wawi (392).

⁶¹ Wandu wa mṟi ingi walewuya wusingenyi nyi wa Telmela, wa Telharsha, wa Kerubu, wa Adoni na wa Imeri; waleidima iṟingishio ke nyi wawei wana wa Israeli-pfo;

⁶² wengi se walewuya nyi wa Delaya, Tobia na Nekoda, handu hamu nyi wandu mahana haṟandaṟu na makumi haana na wawi (642).

⁶³ Wana wa shishari sha wakohanyi walewuya nyi; oshari lo Hobaya, wa Hakozi na Barzilai, (na sa awealikie wana wa Barzilai, Mgileadi, nao kaduo rina lya kishari kyo).

⁶⁴ Iwa nyi walepfula marina hawo shitapunyi sha shishari, kyaindi marina hawo halawono. Koikyo walainengo momu fowada iṟunda lya wukohanyipfo kipfa nyi waletalo nyi wafanyi.

⁶⁵ Koikyo mangi mnene kawawia wawode momu foilya shelya shilya sha haele mnu-pfo mṟasa kuche mkohanyi awode Urimu na Thumimu.

⁶⁶ Kyasia wandu walya wose walewuya wusingenyi nyiwaweshikie shiku makumi haana na wawi, mahana haṟaṟu na makumi haṟandaṟu (42,360).

⁶⁷ Handu hamu na iwo nyi waweipfose waṟundi wawo wa kiumi na wa kika waweshikie shiku mfungade mahana haṟaṟu na makumi haṟaṟu na mfungade (7,337) waimbi wa kika na wa kiumi mahana hawi makumi hana na watanu (245).

⁶⁸ Frasi tsawo mahana mfungade na makumi haṟaṟu na tsiṟandaṟu (736) mba tsawo mahana hawi makumi haana na tsitanu (245)

⁶⁹ ngamia tsawo mahana haana makumi haṟaṟu na tsitanu (435), nzoi tsawo shiku shiṟandaṟu, mahana mfungade na makumi hawi (6,712).

⁷⁰ Wanene wa shishari maata nyi waletarama iṟunda li lewika omombo lulya. Mnene ulya o isanga, nalewuta kilo nyanya tsa sahabu na mboṟiko makumi hatanu (50), kawewuta maṟao mahana hatanu (500) tsa wakohanyi.

⁷¹ Wanene maata wa shishari wakawuta kilo ihana na makumi haṟandaṟu na nyanya (168) tsa sahabu na kilo kiku kimu na mahana hawi na makumi hatanu tsa fesa (1,250).

⁷² Wandu wengi se nyi walewuta kilo ihana limu na makumi haṟandaṟu na nyanya (168) tsa sahabu, na kilo ihana limu na makumi haana (140) tsa fesa na maṟao ha wakohanyi makumi haṟandaṟu na mfungade (67).

⁷³ Kyasia Wakohanyi, Walewi, Waringi wa hekalu, waimbi hamu na wandu wengi maata, waṟundi wa hekalu na wandu wose wa Israeli walekaa kiidi kya mṟi yawo.