NEHEMIA 10 - Bibilia Kui Mdedie fo Kimochi

¹ Kiidi kya walya waleṟehia alya mkundanenyi nyi Nehemia mnene o Isanga awei mana o Hakalia, na Sedekia,

² Seraya, Azaria, Yeremia,

³ Pashuri, Amaria, Malkia,

⁴ Hatushi, Shebania, Maluki,

⁵ Harimu, Meremothi, Obadia,

⁶ Danieli, Genetoni, Baruku

⁷ Meshulamu, Abiya, Miyamini,

⁸ Maazia, Bilgai na Shemaya.

⁹ Marina ha Walewi: Yeshua mana o Azania, Binui, wana wa Henadadi, Kadmieli.

¹⁰ Wana wa mayawo walewika mṟeho nyi Shebania, Hodia, Kelita, Pelaya, Hanani.

¹¹ Mika, Rehobu, Hashabia,

¹² Zakuri, Sherebia, Shebania,

¹³ Hodia, Bani na Beninu.

¹⁴ Marina ha wanene wa wandu nyi: Paroshi, Pahati-Moabu, Elamu, Zatu, Bani,

¹⁵ Buni, Azgadi, Bebai,

¹⁶ Adoniya, Bigwai, Adini,

¹⁷ Ateri, Hezekia, Azuri,

¹⁸ Hodia, Hashumu, Bezai,

¹⁹ Harifu, Anatoti, Nebai,

²⁰ Magpiashi, Meshulamu, Heziri,

²¹ Meshezabeli, Sadoki, Yaduo

²² Pelatia, Hanani, Anaya,

²³ Hoshea, Hanania, Hashubu,

²⁴ Haloheshi, Pilha, Shobeki,

²⁵ Rehumu, Hashabna, Maaseya,

²⁶ Ahia, Hanani, Anani,

²⁷ Maluki, Harimu na Baana.

Mkundana

²⁸ So lose, wana wa Israeli, wakohanyi, Walewi, waringi wa hekalu, waikimbi, waṟundi wa hekalunyi, handu hamu na wandu wose walekuletsana na wandu wa mkambo wakaosha wuwawaso wo Mndumii-Ruwa wo na waka wawo na wana wawo wa kiumi na wa kika walya wose wekeidima imanya kindo.

²⁹ Ambuya nyi lolungana na wanene wadu lochikulisa nyamu lochiwika kyasa na kokoya lotehia kyasa ki nyi lochiseso, ke nyi lochiosha mawawaso ha Mndumii-Ruwa aweluinengie kui owoko lo mṟundi oke Mose; ke nyi lochiindia isho shose Mndumii odu Ruwa aweluwawasie, ke nyi lochiwada mawawaso hake hose na mndubuye yake.

³⁰ Ambuya wana wadu wa kisoṟo wechiduo waka kunu orukenyipfo manya wana wadu wa kika wechialikopfo-pfo.

³¹ Kokoya wahenu wa wechiluendie Ngano ang'u shindoshingi shekumba mkonu fo Sabato ang'u mfiri fungi fui mnene lochishihuṟapfo. Maka fo mfungade lochidema madema hadu-pfo, na fo nyi fochiwa maka folekia wasile wose.

³² Ambuya nyi lowika kyasa kyadu ke; orio mndu nechitaa kyenga kya kaṟaṟu kya shekeli ko iṟunda lya mba ya Ruwa,

³³ Mkate njiele, shidaso sha mso, shidaso shemaya modonyi, shidaso sha mkonu ya Sabato, mfiri mnene ya ido lya meri, na mfiri ingi yose injiwikepfo, shindo shingi shiele, kidaso kyewuta wunyamaṟi, na shidaso shingi shose kipfa kya mba ya Ruwa.

³⁴ So lose, wana wa Israeli, wakohanyi na Walewi ni lochiwika kuṟu kuhya orio maka, kundu lusambuṟe kishari kesana ngu tsekoṟa shidaso shemaya modonyi rasionyi lya Mndumii-Ruwa odu chando wuwawaso wuhambie.

³⁵ Ambuya nyi lowika kyasa ke nyi lochiende kilimu kya kuwoka kya ndema tsadu na ndunda mbenyi ya Mndumii-Ruwa odu orio maka.

³⁶ Orio mana mbee okisoṟo echifeo kiidi kya mba tsadu nyi echidao hekalunyi ko wakohanyi chando kikiṟehiye ipfo wuwawasonyi, luwekudayase ihache lya kuwoka lya mbe lya ipung'a lya mbe tsadu na mburu tsadu na machondi.

³⁷ Lochiende mso fodu fo kuwoka fo Ngano handu hamu na shiinengo shingi sha mvinyo na mafuda na ndunda tsingi ko wakohanyi. Luweendie Walewi kyenga kya ikumi kya shilimu shadu kyamba nyiwo wekeshisanyia ipfo shikumbinyi shadu.

³⁸ Mkohanyi o kishari kya Aroni nyi echikaa hamu na Walewi kiherikyo wakeri iambia kyenga kya ikumi. Nalyo Walewi wasuṟume shikumbinyi sha kulya mba ya Ruwa kyenga kya ikumi kya mwano yo ya kyenga kya ikumi ileambiyo.

³⁹ Kii kidi Waisraeli na Walewi nyi wechiduo mwano ya Ngano, mvinyo, na mafuda ipfo shiṟihenyi handu shindo shiele sha hekalu shekesuṟumo na ipfo kundu wakohanyi, waringi wa mongo na waimbi wekekaa. Kiheri kyose nyi kiluwaṟi iringa mnu mba ya Mndumii-Ruwa odu.