MFANANO 17 - Bibilia Kui Mdedie fo Kimochi

¹ Nanga kipeṟengu kikiumu hamu na olele, Kota mba ya mfuho ing'anyi hamu na shiloyo.

² Isinga lyewuta na wuaria lyechiikolonyia mana mowuta shindo sha sonu. Nechiwona keenga kya kyoṟa kiidi kya wanawamae.

³ Modo ko fesa na okaa ko sahapu; Indi Mndumii nekehesha ngoo tsa wandu.

⁴ Mowuta mawicho nekeadanyia madumbu ha wuwicho mowongo nekedeha kudu koke iadanyia olimi lo ngafu.

⁵ Motaluo mkiwa nekesutsa momuumba; Na mochihiyo kipfa kya opfu echiwuṟa ngapopfo.

⁶ Wachuku nyi oṟo ya Wameeku, Na kiṟumi kya wana nyi ndeyawo.

⁷ Madedo mecha hachihiṟye dumbunyi lya matondopfo; Na idedo lya wongo dumbunyi lya mnene.

⁸ Kiinengo nyi cha kindo kya wuhuru mesonyi ko ulya akiwode; orio kechihaluka kechiwoneka.

⁹ Moṟika deko nakundi ikundo; Indi ulya motaluo idedo nakuletsana na mbuya.

¹⁰ Motetekia nekoṟa mrima fo mndu o wusumhanyi, Kota ngapo ihana mrimenyi fo tondo.

¹¹ Mndu mbicho akundi idedo shile wunyamaṟipfo; Ko ikyo mndu mlang'a nechidumo koke.

¹² Nanga mndu akooyana na ngaṟe liilisoke malea halyo. Kota tondo kiidi kya wutondo woke.

¹³ Ichu motaa mawicho handu ha mecha, Mawicho hechikure kanyi kokepfo.

¹⁴ Mawookyonyi ha ngapano kimu na itocha mṟinga; Kyasia denyi ngapano ilamewumba mfu.

¹⁵ Ichu mohamba alai msumhanyi nyi ai msumhanyi na ichu mohamba ai msumhanyi awode wusumhanyipfo, wose wawawi nyi wasuiṟie Mndumii.

¹⁶ Nyi cha kiki tondo iwada fesa kuwokonyi koke tsehuṟa Wuṟango, kokoya alawode mrima fomanya?

¹⁷ Mbuya ikundi mfiri yose; Na manaomayo namfee mkonu fo kiwi.

¹⁸ Awuṟye wuṟango nekewada ang'asa na mndu; Na iwa mkaṟa oshangunyi lo wanawamae.

¹⁹ Ulya akundi ngapano nakundi wunyamaṟi; moiria mnu mongo foke nashiha inyamaṟika.

²⁰ Mndu awode mrima fo ikuirinyisha echiwona mechapfo Na awode olimi lo odetso nechioloka opfunyi.

²¹ Mofee tondo nyi fowa tsake amonyi; ma ndeye o tondo awode siapfo.

²² Mrima mlalutsu nyi mdi mcha; Indi ngoo ikunyiiṟiye yehadutsa mafuo.

²³ Alai na wusumhanyi nyi eketsutsuma kipeetenyi, kundu nadetse mwanduye.

²⁴ Wuṟango wui mesonyi ha ulya aichi; Indi meso ha tondo hai owerihu lo wuyana.

²⁵ Mana ai tondo nyi fowa ya ndee; Na mawawio ha mae momfee.

²⁶ Chi kicha ikapa menyi wuhoṟotsu pfo, Manya chi necha ikapa wanene wa wuhoṟotsupfo.

²⁷ Mokutsiia na madedo hake nyi ai mṟango; Na awode ngoo ya itirisia nyi ai mlaanyi.

²⁸ Ma tondo likatsia, lyechisendo lii iṟango; Likatsia ndiṟi, lyetalo liichi.