MALAKI 4 - Bibilia Kui Mdedie fo Kimochi

Mkonu fo Mndumii-Ruwa fukeri icha

¹ “Kipfa ambuyenyi, mkonu fulya fuicha fuiaka cha wuhyu. Wandu wose wawode orikiki na wewuta sha mkika wechiwa makanjo, na mkonu fulya fuicha fochimrumatsa,” Mndumii menyi Matoṟito ahamba, “Manya fochimudeeya itsuwa ma iṟamba-pfo.

² Kyaindi nyo mukeri india rina lyako, mnengeṟi fo ona fochimuchea, fochiidima imuchiṟa; nyo mochicha na nja na itoola-toola cha shidahina sha mfiṟihenyi.

³ Nyo nyi mochichuma-chuma wewuta mawicho, kipfa wechiwa ifu shia madende hanu, ili mkonufo fochicha Mndumii menyi Matoṟito ahamba.

⁴ “Kumbuonyi wuwawaso wo Mose, mṟundi oko, chando njilembawasa ipfo Horebu kipfa kya Waisraeli wose, iwawaso na mwanduye.

⁵ “Ambuyenyi njechimudikia Elia mwikimbi nasongoye mkonu-fo fo Mndumii fulamecha ifu fung'anyi na iowesha.

⁶ Mwikimbi chu nechihaluo mrima ya wana ihalukie wandeawo, na ya wandeawo ihalukie wana, njilawone njechikapa wuyanawu kui oseso.”