MAITALA 33 - Bibilia Kui Mdedie fo Kimochi

Kyaṟo iwuka Misri mṟasa Moabu

¹ Ishi nyi shiwaha sha Waisraeli walewika mfiṟiha yawo wawuka Misri wai mamiingi fo shishari shawo wechisongoyo nyi Mose na Aroni.

² Mose naleṟehia rina lya orio handu wamewika mfiṟiha, kuwuka kiwaha na kiwaha kingi, kui iwawaso lya Mndumii-Ruwa.

³ Waisraeli walewuka mṟinyi fo Ramesesi mfiri fo ikumi na katanu fo meri fo kuwoka mfiri fumu Pasaka yamewooka. Walekure kui pfinya ing'anyi oshangunyi lo Wamisri wose,

⁴ kiheri waweiṟika wana wawo wawee wa kisoṟo walya Mndumii-Ruwa alewawaaha; cha kipfa Mndumii-Ruwa nalewekapa na maruwa halya hawo.

⁵ Kyasia, Waisraeli walekure Ramesesi, wakawika handu hesia moo lyawo kulya Sukothi.

⁶ Kuwuka Sukothi walewika handu hesia moo kulya Etamu mbai ya nuka.

⁷ Kuwuka Etamu, walehaluka wakawuya mṟasa Pi-ha-hiroti, ora lo ngamenyi lo Baal-sefoni, wakawika handu hesia moo lyawo kufui na Migdoli.

⁸ Walekure Pi-ha-hiroti wakaida ipalyipalyi lya Shamu mṟasa nuka ya Etamu; wakakyama nuka ohendo lo mfiri iṟaṟu, wakawika handu hesia moo lyawo Mara.

⁹ Kuwuka Mara, walechumia wakashika Elimu; kulya Elimu kuwewode soka tsa mṟinga ikumi na tsiwi na mashidi ha mafuda makumi mfungade (70), nkyo kileinenga wakawikaho kiṟaṟo.

¹⁰ Walechumia kuwuka Elimu, wakawika handu hesia moo kufui na Ipalyipalyi lya Shamu.

¹¹ Kuwuka Ipalyipalyi lya Shamu walewika handu hesia moo kulya nuka ya Sinai.

¹² Kuwuka nuka ya Sini, walewika handu hesia moo lyawo Dofka.

¹³ Kuwuka Dofka walewika handu hesia moo lyawo kulya Alushi.

¹⁴ Kuwuka Alushi walewika handu hesia moo lyawo kulya Refidimu, handu kulawewode manya mṟinga fonyo.

¹⁵ Wakakure Refidimu wakawika handu hesia moo lyawo kulya nuka ya Sinai.

¹⁶ Kuwuka Sinai walewika handu hesia moo kulya Kibrot-hataava.

¹⁷ Wakachumia kuwuka Kibrot-hataava, walewika handu hesia moo kulya Haseroti.

¹⁸ Kuwuka Haseroti, walewika handu hesia moo kulya Ritma.

¹⁹ Walechumia kuwuka Ritma, walewika handu hesia moo kulya Rimon-perezi,

²⁰ Kuwuka Rimon-perezi, walewika handu hesia moo kulya Libna.

²¹ Kuwuka Libna, wakawika handu hesia moo kulya Risa.

²² Walekure Risa, wakawika handu hesia moo kulya Kehelata.

²³ Kuwuka Kehelata, walewika handu hesia moo fumvuhu lya Sheferi.

²⁴ Kuwuka fumvuhu lya Sheferi wakawika handu hesia moo kulya Harada.

²⁵ Kuwuka Harada, wakawika handu hesia moo kulya Makeloti.

²⁶ Kuwuka Makeloti, wakawika handu hesia moo kulya Tahati.

²⁷ Kuwuka Tahati, wakawika handu hesia moo kulya Tera.

²⁸ Kuwuka Tera, wakawika handu hesia moo kulya Mitka.

²⁹ Kuwuka Mitka, wakawika handu hesia moo kulya Hashmona.

³⁰ Kuwuka Hashmona, walewika handu hesia moo kulya Moseroti.

³¹ Kuwuka Moseroti, walewika handu hesia moo Bene-yakani.

³² Kuwuka Bene-yakani walewika handu hesia moo Hor-hagidgadi.

³³ Kuwuka Hor-hagidgadi, walewika handu hesia moo Yot-bata.

³⁴ Kuwuka Yot-bata, walewika handu hesia moo Abrona.

³⁵ Wakachumia kuwuka Abrona, walewika handu hesia moo Esion-geberi.

³⁶ Kuwuka Esion-geberi, wakachumia wakawika handu hesia moo lyawo nuka ya Sini (Kadeshi).

³⁷ Kuwuka Kadeshi, walewika handu hesia moo lyawo fumvuhu lya Hori, mṟasenyi na oruka lo Edomu.

³⁸ Kui iwawaso lya Mndumii-Ruwa mkohanyi Aroni naledo na fumvuhu lya Hori, Aroni kapfiiapfo mfiri fo kuwoka fo meri fo katanu maka fo makumi haana (40) wokia Waisraeli walewuka orukenyi lo Misri.

³⁹ Aroni nawewode maka ihana na makumi hawi na iṟaṟu (123) mandi alepfiia fumvuhu lya Hori.

⁴⁰ Mangi ya Aradi, Mkanaani, awekekaa Negebu orukenyi lo Kanaani naleicho mbonyi ke Waisraeli wakeriicha.

⁴¹ Kuwuka fumvuhu lya Hori, Waisraeli walewika handu hesia moo lyawo Salmona.

⁴² Kuwuka Salmona, walewika handu hesia moo Punoni.

⁴³ Kuwuka Punoni, walewika handu hesia moo Oboti.

⁴⁴ Kuwuka Oboti, wakawika handu hesia moo lyawo Iye-abarimu, ora lo Moabu.

⁴⁵ Kuwuka Iye-abarimu, walewika handu hesia moo Dibon-gadi.

⁴⁶ Kuwuka Dibon-gadi, walechumia wakawika handu hesia moo Almon-diblataimu.

⁴⁷ Kuwuka Almon-diblataini walechumia wakawika handu hesia moo mafumvunyi ha Abarimu, kufui na fumvu lya Nebo.

⁴⁸ Kuwuka mafumvunyi ha Abarimu walechumia wakawika handu hesia moo rendewelenyi tsa Moabu mataya ya meda fo Yordani kufui na Yeriko.

⁴⁹ Walewika handu hesia moo kufui na meda fo Yordani makidi hawi ha Beth-yeshimoti na pichi lya Abel-shitimu rendewelenyi tsa Moabu.

Mawawaso kiheri walameambadia Kanaani

⁵⁰ Mndumii-Ruwa kawia Mose kulya rendewelenyi tsa Moabu, mataya ya meda fo Yordani kufui na Yeriko.

⁵¹ “Wia Waisraeli ke ili wechiambada meda fo Yordani waide na orukenyi lo Kanaani,

⁵² wafunepfo Wakanaaniwo wose wenyi orukalo wawuke oshangunyi lonu. Mochinyamaṟa sanamu tsawo tsose tsa maho na tsa menya na iwunduo orio handu hawo wekeindia.

⁵³ Mochiwada orukalo, mukaepfo kipfa ngamuinenga nyo.

⁵⁴ Mochihawa orukalo mochiwika kuṟu kuhya chandu shishari shanu shikeri; ohawi lung'anyi ko kishari king'anyi na ohawi lututu ko kishari kitutu.

⁵⁵ Kyaindi kokoya moda mlawafuna kuwoka, nahong'u iwo mochiwadapfo wechiwa cha shinana mesonyi hanu ang'u msha orio ora, na wechimulisa wukiwa.

⁵⁶ Na inyi njechimuwutia chandu njiwekusirie iwawutia.”